Morgunblaðið - 09.03.2007, Blaðsíða 4

4 FÖSTUDAGUR 9. MARS 2007 MORGUNBLAÐIÐ
FRÉTTIR
VINSTRI græn halda áfram að
auka fylgi sitt samkvæmt niður-
stöðum nýrrar könnunar Capa-
cent Gallup. Fylgi VG mælist nú
27,7% sem er 2,5 prósentustigum
meira en í síðustu könnun.
Stjórnarflokkarnir tveir tapa
fylgi, en Samfylkingin stendur í
stað milli kannana. Þannig mælist
Sjálfstæðisflokkurinn nú með
34,5% og tapar tveimur prósentu-
stigum, Framsóknarflokkurinn er
með 8,5% og tapar 1,5 prósentu-
stigum, Samfylkingin stendur í
stað með 21,7%. Frjálslyndi
flokkurinn bætir við sig einu pró-
sentustigi og er með 6,4% fylgi.
Líkt og áður hefur komið fram
er mikill munur á fylgi flokkanna
út frá kynjum. Þannig segjast
41,2% karla ætla að kjósa Sjálf-
stæðisflokkinn en aðeins 29,3%
kvenna segjast ætla að kjósa
flokkinn. Þessar tölur snúast við
þegar fylgi Vinstri grænna og
Samfylkingarinnar er skoðað út
frá kynjum. Þannig segjast 33,9%
kvenna ætla að kjósa Vinstri
græna en aðeins 19,7% karla. Hjá
Samfylkingunni segjast 23,8%
kvenna ætla að kjósa flokkinn en
19,8% karla. Nokkur munur reyn-
ist einnig hjá kjósendum Frjáls-
lyndra eftir kynjum, en þar segj-
ast 8,5% karla ætla að kjósa
flokkinn en 3,2% kvenna. Minnst-
ur munur er milli kynja þegar
kemur að Framsóknarflokknum,
en þar segjast 9,7% karla ætla að
kjósa flokkinn og 8,7% kvenna.
Þegar þátttakendur eru spurð-
ir hvað þeir hafi kosið í síðustu
þingkosningum má ljóst vera að
mest tryggð virðist vera hjá kjós-
endum Vinstri grænna annars
vegar og Sjálfstæðisflokksins
hins vegar. Þannig ætla 91,5%
þeirra sem kusu Vinstri græna
síðast að kjósa flokkinn aftur.
Alls ætla 82,3% þeirra sem kusu
Sjálfstæðisflokkinn síðast að
kjósa flokkinn aftur. Hjá Sam-
fylkingunni er hlutfallið 56,3%,
hjá Framsóknarflokknum mælist
það 52,6% og hjá Frjálslyndum
39,8%.
Fylgi stjórnarflokkanna dalar
Vinstri græn
bæta við sig 2,5%
milli kannana

 








    
 
 
   
  



"  " " 

"




"
"


  
   
  
   !"#
$ "
  $% 
  

& 
  
















 "





#


"

' %
GEIR H. Haarde forsætisráðherra opnaði í gær
sýninguna Tækni og vit 2007 í Fífunni í Smáranum.
Um er að ræða stórsýningu sem tileinkuð er tækni-
þróun og þekkingariðnaði. Sýningin stendur fram á
sunnudag.
Að sögn Kristins Jóns Arnarsonar kynningar-
stjóra er markmið sýningarinnar að kynna nýjungar
og þjónustu sem í boði er í hátækni- og þekkingar-
iðnaði og þá áhugaverðu þróun sem hefur átt sér
stað á undanförnum árum.
Morgunblaðið/Brynjar Gauti
Íslensk hátækni til kynningar
EIGNARHALDSFÉLAGIÐ In-
side Holding Group ehf. fyrirhugar
að reisa 40 heilsárshús í Húsafelli,
sem verða frá 170 fermetrum á
stærð, auk veitingastaðar fyrir 500
manns. Verðið er frá 44 milljónum.
Í tilkynningu félagsins vegna
framkvæmdanna segir að þar muni
skapast gistirými fyrir 300 til 420
manns og fundaraðstaða fyrir 10 til
400 manns. Húsunum er lýst sem
„lúxusheilsárshúsum“ og er búnað-
ur hannaður af austurrísku félagi.
Að sögn Ingólfs Þórs Tómasson-
ar, framkvæmdastjóra félagsins,
hófst verkefnið árið 2003, þegar
greining á þörfum markaðarins
fyrir sumarhús hófst. Í ljós hafi
komið að eftirspurnin væri að fær-
ast í þá átt að fólk vildi heimili að
heiman, þ.e. heilsárshús sem væru
búin öllum búnaði.
Til standi að leigja þau út hluta
ársins til hótelreksturs en aðra
hluta ársins verði þau nýtt sem
sumarhús. Einkahlutafélag verði
stofnað um hvert hús, þegar þau
séu í útleigu fái eigendur tekjur.
Reisa 40
heilsárshús
í Húsafelli
Veitingastaður fyrir
allt að 500 manns
Eftir Baldur Arnarson
baldura@mbl.is
VALGERÐI Sverrisdóttur utan-
ríkisráðherra þykir miður að Sig-
hvatur Björgvinsson, framkvæmda-
stjóri Þróunarsamvinnustofnunar
Íslands, ÞSSÍ, skuli hafa lýst því yf-
ir að „fordæmalaus vinnubrögð“
hafi verið viðhöfð af hálfu utanrík-
isráðuneytisins við undirbúning
þeirrar tillögu að færa stofnunina
undir ráðuneytið.
„Mér fannst miður að hann skyldi
tjá sig með þessum hætti,“ segir
Valgerður. „Um málið er það að
segja að við erum búin að vera í
mikilli vinnu í ráðuneytinu til þess
að reyna að átta okkur á því hvernig
málum verður best fyrirkomið til
framtíðar.
Þá er ég að tala um þróunarsam-
vinnu, sem er
orðin gríðarlega
stór þáttur í ut-
anríkisstefnu Ís-
lands.
Að mínu mati
hefur verið unn-
ið ákaflega fag-
lega, margir
tugir manna
hafa verið kall-
aðir til til að
heyra viðbrögð og skoðanir fólks,“
segir Valgerður, sem tekur fram að
það hafi alls ekki verið þannig að all-
ir hafi verið sammála um að fara þá
leið sem hún legði til.
Skörun ekki til framdráttar
Aðspurð hver væru sterkustu
rökin fyrir slíkri endurskoðun sagði
hún alla sammála um að endur-
skoða þyrfti lög um þróunarsam-
vinnu, sem væru farin að setja
skorður við starfseminni.
„Það eru deildar meiningar um
hvort færa eigi ÞSSÍ inn í utanrík-
isráðuneytið eða viðhalda sjálf-
stæðri stofnun. Það á sér stað tví-
verknaður og skörun sem er
stofnunni ekki til framdráttar,“ seg-
ir Valgerður, sem bendir á að bæði
sé unnið að þróunarmálum innan
ÞSSÍ og ráðuneytisins.
„Stofnunin er að fást við tvíhliða
samstarf en ráðuneytið fjölþjóðlegt
og tvíhliða. Það býr mikill mannauð-
ur í því fólki sem starfar að þessum
málum og miklar líkur á að hann
nýtist betur starfi allir undir sömu
stjórn.“
Innt nánar eftir þeim orðum Sig-
hvats að framkoma utanríkisráðu-
neytisins væri „fyrir neðan allar
hellur“ segist Valgerður hafa hitt
utanríkismálanefnd í gær [í fyrra-
dag] og greint frá niðurstöðum
skýrslunnar. Þar hafi hún lýst yfir
því áliti sínu að hún teldi að það væri
rétt að stíga skrefið til fulls og færa
þróunarmálin í ráðuneytið og undir
sérstakt svið. Hún hafi rætt við Geir
H. Haarde forsætisráðherra og
hann sé sammála henni.
Forsætisráðherra sammála um þörfina fyrir endurskoðun á starfi ÞSSÍ
Valgerður vísar ummælum
framkvæmdastjórans á bug
Í HNOTSKURN
» Valgerður segir ekkifrekar verða aðhafst í
málinu fyrir alþingiskosn-
ingarnar, vinnan hafi verið
afar fagleg og vönduð.
» Framhaldið verði íverkahring nýs Alþingis.Valgerður
Sverrisdóttir
„VARMÁRSAMTÖKIN telja að þau hafi
náð sínum kröfum fram. Nú er að sjá hvað
kemur út úr umhverfismatinu,“ segir
Katrín Theódórsdóttir, lögmaður Varm-
ársamtakanna, en bæjarráð Mosfellsbæjar
ákvað í gær að deiliskipulagsgögn fyrir
Helgafellsveg yrðu endurskoðuð og skipu-
lagstillagan ásamt umhverfisskýrslu aug-
lýst að nýju.
21. febrúar óskaði Mosfellsbær eftir því
við Skipulagsstofnun að hún skæri úr um
það hvort deiliskipulag Helgafellsvegar
félli undir ný lög um umhverfismat áætl-
ana, sem tóku gildi um mitt árið í fyrra.
Stofnunin hefur nú komist að þeirri nið-
urstöðu að svo sé. Bæjarráð Mosfellsbæjar
sagði í yfirlýsingu í gær að niðurstaða
Skipulagsstofnunar yrði ekki kærð.
Katrín segir Varmársamtökin ánægð.
„Nú eru þau í rauninni búin að ná sínu
fram. Þetta var krafan í þeirra máli, að
dómstólar myndu ógilda þá ákvörðun um-
hverfisráðherra að tengibrautin ætti ekki
að fara í umhverfismat.“ Það veki furðu að
þegar Skipulagsstofnun fjallaði um málið
hafi ekki verið gerð athugasemd við það
að aðeins hluti af tengibrautinni hafi verið
metinn. Þegar meta eigi umhverfisáhrif af
tiltekinni framkvæmd verði að ætla að
nauðsynlegt sé að skoða framkvæmdina í
heild.
Varmársam-
tökin hafa
náð sínu fram
Mótmæli Varmársamtökin mótmæltu
þegar framkvæmdir við brautina hófust.
KÖNNUN á áhrifum hvalveiða á stærstu
markaðssvæðum íslenskrar ferðaþjónustu
er hafin á vegum samgönguráðuneytisins.
Ferðamálastofu var falið að sjá um verk-
efnið, að því er fram kom í tilkynningu frá
samgönguráðuneytinu í gær. Þar kemur
einnig fram að samgönguráðherra hafi sl.
haust ákveðið að könnunin yrði gerð í
samræmi við tillögu ferðamálaráðs.
„Ferðamálastofa fól alþjóðlegu fyrir-
tæki, sem sérhæfir sig í slíkum könnunum,
að annast verkefnið. Könnunin fer fram á
fimm svæðum: Bandaríkjunum, Bretlandi,
Þýskalandi, Frakklandi og á Norðurlönd-
unum,“ segir í tilkynningunni.
Kanna áhrifin
af hvalveiðum
SAMGÖNGURÁÐHERRA hefur ákveðið
að leggja mat á kostnað við gerð jarð-
ganga milli lands og Vestmannaeyja. Til
verksins verður fengið óháð ráðgjafafyr-
irtæki, sem mun meta gögn um rann-
sóknir og kostnaðarmat við gerð jarð-
ganga. Áður hafa Vegagerðin og
Ægisdyr, félag um bættar samgöngur til
Vestmannaeyja, lagt fram gögn um rann-
sóknir og áætlaðan kostnað. Mikill munur
var á matinu og að loknu erindi bæjar-
stjórnar Vestmannaeyjar og samráði við
þingmannahóp Suðurlands var tekin
ákvörðun um matsgerðina.
Meta fýsileika
Eyjaganga
SAMBAND ungra sjálfstæðismanna
leggst eindregið gegn því að sett verði
inn ákvæði í stjórnarskrá þar sem kveðið
er á um að náttúruauðlindir séu þjóð-
areign.
Þetta kemur fram í ályktun sem SUS
sendi frá sér í gærkvöldi. Þar segir að
skýr einkaeignarréttur að náttúru-
auðlindum sé hornsteinn skynsamlegrar
nýtingar auðlinda í allra þágu og að
þjóðnýting hafi hvarvetna leitt til sóunar
og lakari lífskjara.
SUS gegn ákvæði
um þjóðareign