Morgunblaðið - 09.03.2007, Blaðsíða 6

6 FÖSTUDAGUR 9. MARS 2007 MORGUNBLAÐIÐ
FRÉTTIR
Eftir Elvu Björk Sverrisdóttur
elva@mbl.is
DÓMUR sem féll í Héraðsdómi
Norðurlands eystra á miðvikudag
yfir 74 ára gömlum karlmanni sem
braut kynferðislega gegn sonardótt-
ur sinni er vægur, að mati Atla
Gíslasonar lögmanns. Maðurinn var
dæmdur í fimmtán mánaða fangelsi,
þar af tólf skilorðsbundna, fyrir
brot gegn stúlkubarni. Fram komi í
dómnum að stúlkan hefði borið
dæmigerðar afleiðingar kynferðis-
legs ofbeldis. „Og þessar afleiðing-
ar, ef þær koma fram, eru löglíkur
fyrir nauðgun eða misnotkun. Og
það er auðvitað fagnaðarefni ef
dómstólar líta til þess,“ segir Atli.
Ljóst sé að maðurinn hafi framið
brot sem geti haft ævarandi afleið-
ingar fyrir stúlkuna.
Atli bendir á að málsmeðferð í
kynferðisbrotamálum þar sem börn
eru þolendur sé mun vandaðri en
þegar um fullorðnar konur sé að
ræða. Það hafi verið tilhneiging hjá
hæstarétti undanfarin ár að þyngja
dóma í málum þar sem kynferð-
isbrotamenn eru í fjölskyldu-
tengslum við fórnarlömb. „Enda er
ekki bara verið að brjóta líkamlega
og andlega heldur er þetta svo mik-
ið trúnaðarbrot.“
Fleiri mál berast
Ragnheiður Harðardóttir vara-
ríkissaksóknari segir að kynferðis-
brotamálum gegn börnum sem
koma inn á borð ríkissaksóknara
hafa fjölgað ört undanfarin 10–15
ár. Í fyrra bárust embættinu 54
mál, en þau voru 35 árið 2005. Það
sé aðeins misjafnt milli ára hversu
mörg málin séu en ljóst að þeim hafi
fjölgað mikið. „Frá 1992 til 1997
voru þetta mjög fá mál,“ segir hún
og bendir á að mikil lagabreyting
hafi orðið 1992 þegar kynferðis-
brotakafli hegningarlaga var endur-
skoðaður.
Dómar í kynferðisbrotamálum
gegn börnum almennt hafa verið að
þyngjast og segir Ragnheiður að
þessi þróun hafi hafist á árunum
2002–2003. Hún nefnir sem dæmi
dóm hæstaréttar frá í mars 2002,
þar sem maður braut gegn stjúp-
dóttur sinni, sem hafi verið stefnu-
markandi. Maðurinn var dæmdur í
þriggja og hálfs árs fangelsi í hér-
aði, sem þótti í vægari kantinum
þótt það væri ekki mikið frávik frá
öðrum dómum. Hæstiréttur hefði
hins vegar ákveðið að maðurinn
skyldi sæta fangelsi í fimm og hálft
ár. Árið 1996 féllu tveir dómar þar
sem sakarefni voru svipuð, að sögn
Ragnheiðar. Í öðrum þeirra hafði
héraðsdómur ákveðið fangelsi í sjö
ár, en hæstiréttur mildaði refs-
inguna í fjögur ár og sex mánuði.
Sama ár hefði fallið dómur í Hæsta-
rétti vegna langvarandi kynferðis-
brota manns gegn dóttur sinni, en
sá var dæmdur í fjögurra ára fang-
elsi og hæstiréttur staðfesti dóminn.
Segir dóminn hafa verið vægan
54 mál sem tengjast kynferðisofbeldi gegn börnum bárust ríkissaksóknara í fyrra og segir Ragn-
heiður Harðardóttir vararíkissaksóknari að slíkum málum hafi fjölgað mjög undanfarin 10–15 ár







!
"










#
$  

 
  





!

 







%&' )

!"









 








!
# $% &







!"














%*& 
'  

+
+
(#
)#$%$&#' 

(#)(
$& #


)*#' 


&*)
+%+,
$ ' +
,' 
-.(../.0
)

  1)!
Í HNOTSKURN
» Atli Gíslason lögmaður segirað við málsmeðferð í kyn-
ferðisbrotamálum þar sem börn
eiga í hlut séu sérfróðir með-
dómsmenn. Þá fari fram betri
rannsókn á andlegum afleið-
ingum.
» Sakfellingar í málum semvarða börn séu enda mun tíð-
ari en í málum sem snúist um
kynferðisbrot gegn fullorðnum
konum.
» Hann vilji sjá svipaðar rann-sóknir í málum fullorðinna
kvenna sem orðið hafi fyrir kyn-
ferðisofbeldi.
VILHJÁLMUR Þ. Vilhjálmsson, borgarstjóri í
Reykjavík, hefur boðið Háspennu að borgin
kaupi húsnæði fyrirtækisins í Mjódd á 92
milljónir króna og afhendi félaginu, án endur-
gjalds, auða íbúðarhúsalóð í Vesturbænum
sem metin er á 25–30 milljónir, samkvæmt
upplýsingum frá Kristínu A. Árnadóttur,
skrifstofustjóri borgarstjóra, í gær. Ekki náð-
ist í Vilhjálm í gær en hann er staddur erlend-
is.
Kristín sagði að með þessu vildi borgar-
stjóri ljúka málinu og bæta Háspennu upp
þann kostnað sem félagið hefði lagt út í vegna
fyrirhugaðrar opnunar spilakassasalar í
borginni en borgarstjóri hefði lagt mikla
áherslu á að koma í veg fyrir að spilasalurinn
yrði opnaður á þessum stað.
Kristín sagði að verðið á húsnæðinu í Mjódd
væri hið sama og Háspenna hefði á sínum tíma
greitt fyrir það, að teknu tilliti til verðbóta og
vaxtakostnaðar. Húsnæðið yrði annaðhvort
selt eða leigt. Lóðin sem um ræddi væri í eigu
Reykjavíkurborgar og væri metin á 25–30
milljónir. Hana fengi Háspenna endurgjalds-
laust og án gatnagerðargjalda. Háspenna
hefði fyrir sitt leyti fallist á þessi málalok en
málinu hefði í gærmorgun verið frestað í
borgarráði að ósk minnihlutans. Engir samn-
ingar hefðu verið undirritaðir um málið.
Kaupir Háspennu
út úr Mjóddinni
MAGNÚS Stefánsson félags-
málaráðherra þurfti að óska
eftir hléi á ræðu sinni um
áætlun í jafnréttismálum á Al-
þingi í gær vegna blóðsyk-
urfalls. Magnús hafði ekki tal-
að nema í nokkrar mínútur
þegar honum sortnaði fyrir
augum, yfirgaf ræðustól og
fór úr þingsal. Uppi varð
nokkur fótur og fit í þinghús-
inu og þingmenn hópuðust að
Magnúsi til að ganga úr
skugga um að ekkert alvarlegt
amaði að.
Magnús fékk aðhlynningu á
staðnum en fór síðan í ráð-
herrabíl sínum á sjúkrahús til
nánari rannsókna. Að hans
sögn kom ekkert sérstakt út
úr rannsóknunum en hann
sagðist hafa haft mikið að
gera undanfarna daga. Þing-
flokksfundur Framsóknar stóð
fram á nótt í fyrradag og
Magnús mætti svo snemma til
vinnu í gærmorgun illa hvíld-
ur og ekki búinn að borða
morgunmat.
Magnús ætlaði bæði að tala
fyrir þingsályktunartillögu um
fjögurra ára áætlun í jafnrétt-
ismálum og flytja skýrslu um
stöðu og þróun jafnréttismála
bar sig þó vel og sagði að-
spurður að vitanlega ættu allir
að hugsa vel um heilsuna.
gær en horfið var frá því og
Magnús ákvað að taka sér frí
það sem eftir var dags. Hann
Blóðsykurfall í miðri ræðu
Morgunblaðið/G. Rúnar
Góðar kveðjur Jón Sigurðsson viðskiptaráðherra spurði Magnús Stefánsson félagsmálaráðherra í þing-
húsinu í gær um líðan hans og klappaði honum á öxlina. Jón hélt svo á blaðamannafund um auðlindamálið.
frá árinu 2004 á þingi í gær.
Til stóð að halda áfram með
þessa dagskrárliði síðdegis í
ALLS sögðust 56% svarenda hér á landi sem
tóku þátt í könnun Gallup International á við-
horfi þjóða til jafnréttis, vera sammála þeirri
fullyrðingu að konur hefðu jafnan rétt og
karlar á Íslandi. 38% sögðust vera því ósam-
mála.
Fram kemur að 91% var ósammála því að
menntun væri mikilvægari fyrir drengi en
stúlkur en 4% sögðust vera því sammála. Þá
sögðust 84% vera sammála þeirri fullyrðingu
að bæði konan og karlinn ættu að afla tekna
fyrir heimilið. 7% voru ósammála því.
1.400 manns voru í úrtaki könnunarinnar
hér á landi. Spurt var dagana 8. til 25. ágúst
2006 og var svarhlutfall 68,4%. Niðurstöð-
urnar voru birtar í gær í tilefni alþjóðlegs
baráttudags kvenna.
56% segja jafnrétti
hér á landi
SEX TONNA bátur á siglingu í álandsvindi
austur af Arnarnesi í Ísafjarðardjúpi bað um
hjálp um hádegið í gær vegna vélarbilunar.
Björgunarbáturinn Gunnar Friðriksson frá
Ísafirði var kallaður út auk þess sem annar bát-
ur við eyjuna Vigur lagði af stað til að vera til-
tækur til aðstoðar ef á þyrfti að halda. Björg-
unarbátarnir tveir komu á vettvang um svipað
leyti í mynni Skutulsfjarðar og fylgdu bátnum
síðan til öryggis inn til hafnar á Ísafirði.
Bát fylgt til hafnar
HÉRAÐSDÓMUR Reykjaness
hefur dæmt 27 ára karlmann,
Sigurð Fannar Þórsson, í
þriggja ára og 8 mánaða fangelsi
fyrir stórfellt kókaínsmygl í nóv-
ember 2006. Hann var handtek-
inn í Leifsstöð með 2,9 kg af
kókaíni í tösku sinni og játaði
sök. Sagðist hann hafa verið
fenginn til að sækja efnið en
ekki komið að skipulagningu
smyglsins.
Hann sagðist hafa stofnað til
skulda vegna fíkniefnakaupa og
taldi hann að hann hefði fengið
lánaðar til kaupanna um það bil
300 þúsund krónur hjá fíkniefna-
sölunum en skuldin var engu að
síður komin í um 1 milljón króna
sl. haust.
Ákærði sagðist hafa borgað
inn á skuldina og einnig reynt að
flýja til Svíþjóðar en ákveðið að
koma aftur til Íslands og reyna
að semja um skuld sína.
Manninum voru
settir úrslitakostir
Þá hafi honum verið gefnir úr-
slitakostir um að fara til Dan-
merkur og sækja fíkniefni en
hótað ofbeldi ella. Sætti hann
einnig ofbeldi, að eigin sögn,
þannig að menn bundu hann á
höndum og fótum, settu hann í
skott á bifreið og óku svo með
hann eitthvað, sennilega inn í
bílskúr eða iðnaðarhúsnæði og
börðu hann. Ennfremur var hon-
um hótað að „barnaperri“ yrði
sendur á son hans.
Að mati dómsins var ekki
hægt að líta alveg framhjá því að
ákærði hefði verið beittur þrýst-
ingi til að fara í ferðina en brotið
var engu að síður talið alvarlegt.
Ákærði hefur ekki gerst brotleg-
ur við refsilög áður.
Málið dæmdi Guðmundur L.
Jóhannesson héraðsdómari.
Verjandi var Sveinn Andri
Sveinsson hrl. og sækjandi Kol-
brún Sævarsdóttir, saksóknari
hjá ríkissaksóknari.
3 ára og 8 mánaða fang-
elsi fyrir kókaínsmygl
Sakborningur ætlaði að borga fíkniefnaskuld
HÆSTIRÉTTUR staðfesti í gær
niðurstöðu Héraðsdóms Reykja-
víkur frá 30. mars 2006 gagnvart
Kaupþingi banka hf., Landsbanka
Íslands hf. og Glitni banka hf.
Um er að ræða þrjú dómsmál
þar sem bankarnir höfðuðu allir
mál gegn ríkisskattstjóra. Var deilt
um það hvort bönkunum væri skylt
að afhenda ríkisskattstjóra upplýs-
ingar um öll viðskipti með hluta-
bréf og aðila að þeim viðskiptum á
árinu 2003 sem bankarnir höfðu
umsjá með.
Í niðurstöðu héraðsdóms, sem
staðfest var í hæstarétti, segir að
tilgangur 2. mgr. 92. gr. laga nr. 90/
2003 sé málefnalegur og beiting
skattstjóra á henni hafi verið innan
meðalhófsreglu. Ákvæðið feli í sér
skyldu fyrir bankana að veita um-
beðnar upplýsingar og þagnar-
skylda víki fyrir þeirri skyldu.
Töpuðu í
Hæstarétti