Morgunblaðið - 09.03.2007, Blaðsíða 42
|föstudagur|9. 3. 2007| mbl.is
staðurstund
Árni Matthíasson fjallar um
hina merku bók The Secret, og
ljóstrar upp miklu leyndarmáli
sem hún hefur að geyma. » 44
af listum
Arnar Eggert Thoroddsen
skellti sér á tónleika með The
Stranglers á NASA og var ekk-
ert sérlega sáttur. » 45
dómur
Leikkonan Kristbjörg Keld kann
þjóðsönginn reiprennandi og er
hrifin af lambalæri og saltfiski
með hamsatólg. » 45
íslenskur aðall
Helga Þórey Jónsdóttir er
hæstánægð með fyrstu sóló-
plötu Ólafar Arnalds og gefur
henni fullt hús stiga. » 44
tónlist
Eddie Murphy leikur aðal-
hlutverkið í gamanmyndinni
Norbit, þar sem hann leikur
jafnt karla og konur. » 46
kvikmyndir
Eftir Díönu Dögg Víglundsdóttur
„ÞETTA er fyndið hlutverk en samt
sem áður upplifir áhorfandinn líka
þjáninguna í því að eldast og horfa
upp á ástvini sína verða veikari.
Þetta er nú samt allt sett fram með
broslegum hætti,“ segir Skapti
Ólafsson um hlutverk sitt í söng-
leiknum Ást. Í þessu nýjasta verk-
efni Vesturports leikur Skapti
Adolf, eiginmann hinnar heilabiluðu
Rósu, sem leikin er af Jette Svövu
Jakobsdóttur.
Heillandi karakter
með sterka rödd
Síðast þegar Skapti spreytti sig í
leikhúsi var hann tólf ára gamall.
Aðspurður hvernig á því standi að
hann sé farinn að leika á sviði eftir
öll þessi ár segir hann það ósköp
einfalt, leikstjórinn Gísli Örn hafi
hringt í hann og boðið sér hlut-
verkið.
„Hann þurfti nú samt nokkrar til-
raunir til að sannfæra mig um að
taka þetta hlutverk. En um leið og
ég hitti hann þá vissi ég að ég var í
góðum höndum. Hann er svo mikill
töframaður, þessi strákur,“ segir
Skapti með aðdáun í röddinni. „Það
eru fáir með eins töfrandi nærveru
og hann Gísli Örn.“
Það sama segir Gísli Örn um
ástæðu þess að Vesturport hafi
ákveðið að ráða Skapta, þó hann
skorti leiklistarbakgrunn. „Hann er
heillandi karakter með sterka og
fallega rödd,“ segir Gísli Örn.
Heiður að vinna
með slíkum hópi fólks
Skapti hefur fengist við margt í
gegnum tíðina og er alls ekki óvan-
ur sviðinu þar sem hann hefur spil-
að með Sinfóníuhljómsveit Íslands
og var einn af brautryðjendum
poppsins á Íslandi á sínum tíma.
Sem nemandi í Austurbæjarskóla
tók hann svo þátt í uppfærslu söng-
leiks og kveðst hann vera stoltur af
því að fá annað tækifæri í þeim geir-
anum.
Skapti segir að þau Gísli Örn og
Kristín Ólafsdóttir aðstoðarleik-
stjóri séu mjög fær og nái vel til
þeirra sem eldri eru.
„Nærvera þeirra gerir það að
verkum að ég virðist gleyma öllum
skjálfta og stressi,“ segir Skapti.
„Það er náttúrulega svolítið stress-
andi fyrir svona áhugamann eins og
mig að stíga á svið með slíkum leik-
urum og eru hér á ferð.“
Skilaboðin í Ást eru falleg og
þörf, að lífið er ekki ein stór Holly-
wood-mynd og að það er ekki aðeins
unga, fallega og fræga fólkið sem
verður ástfangið. Öðru nær, hægt er
að finna ástina á ný þegar fólk eld-
ist. Og þó ástinni fylgi ekki eilíf
hamingja er alltaf hægt að finna
broslegu hliðarnar ef menn eru með
rétta hugarfarið.
Aðspurður segist Skapti alveg
vera opinn fyrir fleiri hlutverkum í
framtíðinni. „Ég er nú ekki dauður
úr öllum æðum enn svo, já, ég væri
alveg til í að prófa það.“
Ástin spyr ekki um aldur
Morgunblaðið/Ásdís
Á öllum aldri Skilaboðin í Ást eru falleg og þörf, að lífið er ekki ein stór Hollywood-mynd og að það er ekki aðeins
unga, fallega og fræga fólkið sem verður ástfangið. Öðru nær, hægt er að finna ástina á ný þegar fólk eldist.
Morgunblaðið/Ásdís
Síungur Skapti Ólafsson.
Skapti Ólafsson hefur fengist við margt í gegnum
tíðina. Hann hefur verið söngvari, prentari og lög-
reglumaður en einna þekktastur er hann fyrir
flutning sinn á laginu „Allt á floti alls staðar“. Hann
leikur eitt af hlutverkunum í söngleiknum Ást sem
Vesturport setur upp, en um er að ræða hans
fyrsta verk á sviði frá því hann var 12 ára gamall.
Eftir Birtu Björnsdóttur
birta@mbl.is
FÆREYSKI listamaðurinn Zacharias
Heinesen opnaði í gær sýningu á verkum
sínum í Hafnarborg, menningar- og lista-
stofnun Hafnarfjarðar.
Heinesen hefur haldið tryggð við Ísland
frá því að hann dvaldi hér árið 1958 og nam
í Myndlista- og handíðaskólanum í Reykja-
vík. Þetta er því ekki hans fyrsta sýning
hér á landi, enda segist hann sjálfur hafa
sterkar taugar til landsins. „Ég skil og tala
svolítið í tungumálinu svo mér finnst alltaf
auðvelt að koma til Íslands,“ segir Heine-
sen.
Þórshöfn blasir við
Þemað í þeim myndum sem verða til sýn-
is í Hafnarborg segir Heinesen vera lands-
lag.
„Þetta eru landslagsmyndir sem gerðar
eru á kúbískan máta,“ útskýrir listamað-
urinn. „Tveir þriðju hlutar myndanna eru
nýjar en þriðjungur þeirra er nokkurra ára
gamall.“ Heinesen segist sækja innblástur
sinn fyrst og fremst til Færeyja og náttúr-
unnar þar. „Ég er hrifnastur af færeysku
landslagi, en það er reyndar ekki ýkja ólíkt
því íslenska,“ segir listamaðurinn en hann
sækir viðfangsefni sín iðulega í húsaþyrp-
ingar við hafið og útsýnið frá vinnustofu
sinni, en þar blasir við hluti Þórshafnar og
höfnin þar.
Sonur Williams Heinesen
Heinesen er fæddur í Færeyjum árið
1936, en hann er sonur rithöfundarins
kunna Williams Heinesen. Hann lærði list
sína í Listaháskólanum í Kaupmannahöfn
eftir að hafa dvalið hér á landi. Hann hefur
haldið fjölda sýninga, bæði einn og með
öðrum og eru mörg verk eftir hann í eigu
erlendra og íslenskra safna.
Heinesen er þekktastur fyrir olíu- og
vatnslitamálverk sín en hann hefur einnig
unnið að bókaskreytingum, tréristum og
klippimyndum.
Morgunblaðið/RAX
Listamaðurinn Zacharias Heinesen við mynd frá Kvívík í Færeyjum, eyjan Koltur í bak-
grunni. Sýning á verkum Heinesen var opnuð í gær í Hafnarborg.
Ekki svo ólíkt Íslandi