Morgunblaðið - 09.03.2007, Blaðsíða 24

|föstudagur|9. 3. 2007| mbl.is
daglegtlíf
Nýir matreiðsluþættir hófu
göngu sína á mbl.is í gær. Við
birtum uppskriftir að þeim rétt-
um sem þar voru eldaðir. » 26
netið
Með því að grilla pítsuna, nota
ferska tómatsósu og mozz-
arella fæst karakter sem minnir
á eldbakaða pítsu frá Ítalíu » 26
pítsa
Reykjavík er viðkomustaður
þessa helgina í spennandi og
frumlegu sælkeraævintýri í
Norður-Evrópu. » 27
matur
Mér finnst rosalega gam-an að vinna með fólkiog það hefur verið al-veg frábær reynsla að
taka þátt í þessu sjálfboðastarfi,“
segir Jón Ingi Bergsteinsson, einn
þeirra nemenda í Mennta-
skólanum í Kópavogi sem eru í
áfanga í skólanum um sjálfboðið
Rauðakrossstarf. Áfangi þessi er
boðinn í samstarfi við Kópavogs-
deild Rauða kross Íslands. Krakk-
arnir sem eru í þessum áfanga fá
að kynnast hinum ýmsu hliðum á
sjálfboðastarfi. Þau vinna í einn til
tvo tíma á viku, til dæmis starfa
þau með ungum innflytjendum,
aðstoða aldraða og langveik börn
og veita stuðning við geðfatlaða í
Dvöl.
Ástfanginn af Danmörku
„Ég valdi mér meðal annars
verkefni sem kallast Eldhugar,
sem felur í sér að vinna ýmis fé-
lagsstörf með unglingum, og það
hefur verið rosalega gaman. Ég
hef líka farið á elliheimili þar sem
ég hef spilað á gítarinn minn og
sungið fyrir fólk sem er með Alz-
heimer-sjúkdóminn. Mér finnst
mjög gefandi að geta skemmt fólki
og hjálpað þeim sem eiga erfitt.
Og það er ekki síður gaman að
vinna skemmtileg verkefni með
unglingum, það er mjög skapandi.
Svona sjálfboðastarf er ekki að-
eins áhugavert heldur líka gott á
ferilskrána mína, því ég er búinn
að sækja um í læknisfræði í há-
skóla í Danmörku. Ég er ástfang-
inn af Danmörku og er að fara
þangað núna í lok mars í þriðja
sinn. Mér finnst fólkið þar frábært
og menningin skemmtileg. Kaup-
mannahöfn er æðisleg borg,“ segir
Jón Ingi, sem útskrifast úr MK
núna í vor.
Jón Ingi segir að krakkarnir
sem taka þátt í sjálfboðaliðaáfang-
anum séu um tíu talsins. Loka-
verkefni þeirra felst í því að nem-
endur undirbúa og halda fata- og
nytjamarkað Rauða krossins núna
um helgina. Allur ágóði rennur í
ferðasjóð Dvalar, athvarfs fyrir
geðfatlaða í Kópavogi.
Hægt að gera góð kaup og
styrkja gott málefni í leiðinni
„Við fáum flest þessi föt úr
gámum Rauða krossins í Sorpu,
þar sem fólk getur farið með föt
sem það vill losa sig við af ein-
hverjum ástæðum. Í flokk-
unarstöðinni í Hafnarfirðinum eru
sjálfboðaliðar sem sjá um að
flokka fötin og ákveða hvaða föt
fara á markaðinn hjá okkur, hvað
fer í búðina á Laugaveginum og
hvað fer til útlanda. Svo hefur fólk
líka gefið okkur föt og hluti til að
selja á markaðinum. Þetta verður
allt til sölu á vægu verði, á 100 til
1500 krónur, og við vonumst nátt-
úrlega til að sjá sem flesta á
markaðnum þar sem hægt er að
gera góð kaup og styrkja um leið
gott málefni.“
Hefur æft karate
frá fimm ára aldri
Jón Ingi er þó nokkuð upptek-
inn maður, því auk þess að vera í
fullu námi á lokaárinu sínu í
Menntaskólanum í Kópavogi æfir
hann og þjálfar karate, vinnur
með skólanum sem sendibílstjóri
og auk þess keyrir hann út Mogg-
ann og Blaðið. En um helgar í frí-
tíma sínum finnst honum gaman
að vera með félögum sínum.
„Mér finnst mjög gaman að
skemmta mér með vinum mínum
og kíkja í bæinn. Ég reyni líka að
sinna kærustunni og eyða ein-
hverjum tíma með henni. En um
helgar er ég líka að þjálfa karate
og keppa, auk þess sem ég þarf að
sinna vinnunni, þannig að það er
ekki mikill tími aflögu. Ég reyni
að sofa út á laugardagsmorgnum,“
segir Jón Ingi sem hefur æft kar-
ate síðan hann var fimm ára og
hefur hug á að halda því áfram úti
í Danmörku með læknanáminu.
Jón Ingi er fjölhæfur ungur
maður og eitt af mörgum áhuga-
málum hans er tónlist. Hann er
sjálfmenntaður á gítar, rétt eins og
Eric Clapton.
„Ég er alltaf að semja eitthvað
og spila og syng fyrir sjálfan mig
en ég hef komið við í tveimur eða
þremur minni hljómsveitum. Ég
tek auðvitað gítarinn með mér þeg-
ar ég fer í námið til Danmerkur,
það er engin spurning.“
Fatamarkaðskrakkar Krakkarnir hafa haft gaman af því að undirbúa markaðinn sem verður haldinn nú um helgina.
Bíómynd: Schindler’s List,
sterk og áhrifarík mynd.
Kaffihús: Sólon, alltaf gott
að koma þangað.
Tónlist: John Mayer, mjög
fjölhæfur.
Skyndibiti: Subway-samloka
með hollu áleggi.
Útland: Danmörk, frábær í
alla staði.
Jón Ingi mælir meðNemendum MK stendur
til boða áfangi í sjálfboða-
starfi. Kristín Heiða
Kristinsdóttir ræddi við
músíkalskan strák sem
er í þessum áfanga en
hann ætlar að taka gít-
arinn sinn með sér þegar
hann fer í læknanám til
Danmerkur í haust.
„Ég hef líka farið á
elliheimili þar sem ég
hef spilað á gítarinn
minn og sungið fyrir
fólk sem er með
Alzheimer-sjúkdóminn.“
Fata- og nytjamarkaðurinn verður
í Sjálfboðamiðstöðinni í Hamra-
borg 11 í Kópavogi laugardaginn 10.
mars og sunnudaginn 11. mars kl.
11–16.
Gítarinn með til
Danmerkur Jón Ingi
fer ekki langt án gít-
arsins en hann er
sjálfmenntaður í gít-
arleik, rétt eins og
Eric Clapton.
Bæði gefandi og skemmtilegt
að hjálpa öðrum sem eiga erfitt
Morgunblaðið/RAX