Morgunblaðið - 09.03.2007, Blaðsíða 35

MORGUNBLAÐIÐ FÖSTUDAGUR 9. MARS 2007 35
gramsaði óskaplega mikið í fötum og
öðru dóti. Hún var svolítil tildurrófa;
vildi eiga mikið af fínum fötum, skarti
og snyrtivörum og í Kolaportinu
komst hún aldeilis í feitt. Mér er það
minnisstætt að þegar ég, sem átti að
heita heilbrigð ung kona, var alveg
búin í fótunum á þessari löngu Kola-
portsgöngu, þá var Gréta enn að
gramsa, með súrefniskútinn í eftir-
dragi, aldeilis ekki af baki dottin! Hún
var heldur ekkert að kippa sér upp
við það ef krakkar ráku upp stór augu
þegar þau sáu kútinn, heldur sagði
snaggaralega: „Þetta þarf ég nú að
dröslast með út af bölvuðum reyking-
unum! Varaðu þig á þeim!“
Engin Vestmannaeyjaför var full-
komnuð nema komið væri við hjá
Grétu og Matta. Síðustu árin dvöldu
þau hjónin líka oft í bústað sínum í
Grímsnesi og þá heimsóttum við
Gunnar þau oft, ef við höfðum bústað í
nágrenninu, enda voru Gréta og
Matti bæði ræðin og skemmtileg og
höfðingjar heim að sækja.
Ég vil þakka þessari góðu frænku
minni liðnar stundir. Mamma á um
sárt að binda að horfa á eftir litlu syst-
ur sinni og því sendi ég henni og nán-
ustu aðstandendum Grétu hugheilar
samúðarkveðjur.
Sá sem eftir lifir
deyr þeim sem deyr
en hinn dáni lifir
í hjarta og minni
manna er hans sakna.
Þeir eru himnarnir
honum yfir.
(Hannes Pétursson)
Aðalheiður Hávarðardóttir.
Og hvað er að hætta að draga andann annað
en að frelsa hann frá friðlausum öldum lífs-
ins, svo að hann geti risið upp í mætti sínum
og ófjötraður leitað á fund guðs síns?
Aðeins sá, sem drekkur af vatni þagn-
arinnar, mun þekkja hinn volduga söng.
Og þegar þú hefur náð ævitindinum, þá
fyrst munt þú hefja fjallgönguna.
Og þegar jörðin krefst líkama þíns, muntu
dansa í fyrsta sinn.
(Spámaðurinn – Kahil Gibran)
Með þessum orðum vil ég minnast
Grétu frænku minnar og senda
mömmu, sonum Grétu og fjölskyldum
þeirra innilegustu samúðarkveðjur.
Björg Hávarðardóttir.
Þegar ég nú sest niður, og ætla að
festa á blað nokkur minningarorð, um
mína elskulegu vinkonu til margra
ára, finnst mér sem strengur sé
brostinn í hjarta mínu. Hún var mér
mjög kær, fádæma trygglynd, hjálp-
söm og áreiðanleg.
Okkar kynni voru í gegnum barna-
blaðið Æskuna, þar sem við urðum
pennavinir, aðeins 15 ára gamlar.
Gréta, eins og hún var kölluð, nefndi í
einu bréfinu til mín, hvort ég hefði
ekki áhuga á því að koma til Eyja, þar
sem hún gæti útvegað mér vinnu á
sjúkrahúsinu. Það vakti áhuga minn,
en það var svo sem ekki hlaupið að því
að fara heiman úr Bolungarvík og til
Vestmannaeyja á þessum árum.
Loks sló ég til, fór með smábát til
Ísafjarðar, með Esjunni til Reykja-
víkur og flaug svo til Vestmannaeyja.
Heilmikið ferðalag og ævintýri fyrir
17 ára sveitastúlku. Gréta og fjöl-
skylda hennar tóku afskaplega vel á
móti mér og mér leið mjög vel í Eyj-
um. Þetta voru reyndar mikil gæfu-
spor fyrir mig, því þar kynntist ég svo
síðar mannsefni mínu.
Gréta giftist ung Þóri Jóhannssyni
og eignuðust þau þrjá yndislega syni.
Þórir varð bráðkvaddur 24. nóvem-
ber 1968, og man ég það svo glöggt
því þau voru á leið í skírn yngstu dótt-
ur minnar, hér í Reykjavík. Það ræð-
ur því víst enginn hvenær kallið kem-
ur.
Þetta var að vonum mikið áfall,
yngsti sonurinn aðeins tveggja ára,
og leitaði hún mikið til mín á þessum
tíma, meðan mesti sársaukinn gekk
yfir.
Gréta kynntist svo seinna á lífsleið-
inni Matthíasi Ingibergssyni og stofn-
uðu þau heimili í Vestmannaeyjum.
Matthías lést fyrir aðeins fjórum
mánuðum eftir langvarandi veikindi,
og reyndi það mikið á Grétu, sem sjálf
var búin að vera sjúklingur í mörg ár.
Minnisstæðar eru heimsóknir til
Grétu og Matta í sumarbústaðinn í
Hraunborgum, þar sem ávallt var
tekið á móti manni, með veisluhöld-
um. Þarna áttum við marga ánægju-
stundina, húsbóndinn dundaði sér við
smíðar og húsfreyjan var hrókur alls
fagnaðar, gat komið öllum til að
hlæja.
Þakka ég nú þessari einstöku, glað-
lyndu konu, samfylgdina í gegnum
tíðina og veit að tekið verður á móti
henni, í nýjum heimkynnum, eins og
tekið var á móti mér á sínum tíma er
ég kom til Eyja.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér.
Það er svo margs að minnast,
svo margt sem um hug minn fer.
Þó þú sért horfin heimi,
ég hitti þig ekki um hríð,
þá minning er ljós sem lifir
og lýsir um ókomna tíð.
(Ókunnur höf.)
Rannveig Kristjánsdóttir.
Elsku amma,
þau segja mér að nú sértu farin, en
ég trúi því varla. Þú sem vildir ,,verða
níræð eins og mamma“. Ég trúi því
ekki að ég geti ekki hitt þig og afa í
bústaðnum í sumar, geti ekki aftur
heyrt hláturinn þinn sem var svo dill-
andi og innilegur, talað við þig um lífs-
ins gagn og nauðsynjar og heyrt þig
segja þína óborganlegu orðatiltæki
eins og ,,jesús minn, drepið mig ekki
lifandi" – sem þú sagðir gjarnan þeg-
ar þú varst yfir þig hissa.
Ég trúi því heldur ekki að ég skyldi
ekki getað verið nærri þér en raun
ber vitni áður en þú fórst. Þú skildir
ekki hvað ég var að vilja með því að
flytja til útlanda, því þér líkaði alltaf
best í þínum heimahögum, Eyjunum
þínum og Valhöllinni. Þaðan skyldir
þú ekki fara sjálfviljug, sama hvað ég
reyndi að tala þig til og fá þig til að
koma upp á land. Sagðist bara vera
þrjósk eins og ég!
Ég hugga mig þó við allar þær
minningar sem ég á um þig, elsku
amma mín. Þær yndislegu stundir
sem við áttum saman og þau ófáu sím-
töl sem við áttum þegar fjarlægðin
var of mikil til að hittast.
Það var ótrúlegt hvað þú hafðir
mikla orku, þrátt fyrir veikindi þín.
Hvað þú gast komist áfram og gert
það sem þú ætlaðir þér, á viljanum
einum saman. Heimili þitt skyldi allt-
af vera hreint og fínt, fyrir jól skyldu
alltaf bakaðar átta sortir – fyrir utan
allar ,,skóbæturnar“ og rjómatert-
urnar – og á aðfangadagskvöld átti
allavega að vera þríréttað. Og við
þetta stóðstu alla tíð þó svo að þú
hefðir litla sem enga orku til.
Þá hefur verið mér ómetanlegt að
fá að kynnast léttlyndi þínu og hvað
þú tókst á öllum málum af festu en um
leið af stóískri ró. Sama hvað heilsa
þín fór að svíkja þig, þú sagðir alltaf
allt gott og að allt væri í lagi – á með-
an þú fyndir ekki til. Heiðarleiki og
hreinskilni þín var líka á meðal þinna
stóru kosta, þú sagðir þína meiningu
og komst ávallt til dyranna eins og þú
varst klædd. Æðruleysi þitt var líka
með eindæmum, sama hvað á móti
blés, þá lést þú það ekki á þig fá held-
ur tókst bara nýjan pól í hæðina og
tókst stefnuna þaðan.
En amma, ég vildi svo innilega að
þér hefði orðið að ósk þinni og þú
hefðir náð níræðu. Þá hefðu börnin
mín haft tækifæri til að kynnast þér
betur og þeirri ást og hlýju sem þú
umvafðir alla með. Í staðinn mun ég
deila með þeim minningum mínum
um þig og vonandi miðla til þeirra ein-
hverju af því sem þú gafst mér og
kenndir.
Ég vona að þú hafir nú fullan þrótt
á ný á nýjum stað. Ég veit að afar
mínir taka vel á móti þér og hugsa vel
um þig þar sem þú nú ert, hjá Guði.
Trú þín og von mun lýsa mér um
ókomna tíð.
Elsku amma, guð geymi þig.
Þín
Dagný Hulda.
✝
Ástkær eiginmaður minn, faðir, tengdafaðir, afi og
bróðir,
TORFI B. TÓMASSON
stórkaupmaður,
Tjarnarbóli 10,
Seltjarnarnesi,
andaðist á Landspítala Hringbraut þriðjudaginn
6. mars.
Útförin verður frá Hallgrímskirkju miðvikudaginn 14. mars kl. 15:00.
Þeim sem vilja minnast hans er bent á Félag nýrnasjúkra.
Anna Ingvarsdóttir,
Sigríður María Torfadóttir, Arinbjörn V. Clausen,
Tómas Torfason, Karen Bjarnhéðinsdóttir,
Anna Marsý, Rakel, Jens Pétur, Torfi,
Ásthildur Tómasdóttir Gunnarsson.
✝
Útför móður okkar, tengdamóður, ömmu og
langömmu,
EDDU RAGNARSDÓTTUR,
hjúkrunarheimilinu Skógarbæ,
áður Bergstaðastræti 3,
sem lést föstudaginn 2. mars, fer fram frá Fossvogs-
kirkju mánudaginn 12. mars kl. 15.00.
Valva Árnadóttir, Gunnar Gunnarsson,
Árni Árnason, Dröfn Björnsdóttir,
Andri Árnason, Sigrún Árnadóttir,
Birgitta, Rebekka og Helena Árnabörn,
Edda Björk, Anna Barbara og Andri Andrabörn.
✝
Elskuleg systir mín og frænka okkar,
KRISTBJÖRG NÍNA HJALTADÓTTIR,
Droplaugarstöðum,
Reykjavík,
verður jarðsungin frá Háteigskirkju mánudaginn
12. mars kl. 15.00.
Guðrún Hjaltadóttir,
Hjalti G. Lúðvíksson,
Theódór Lúðvíksson,
Helga Jónsdóttir,
Lúðvík Hjalti Jónsson,
Kristinn R. Jónsson.
✝
Ástkær eiginkona mín og móðir okkar,
GUÐRÚN JAKOBÍNA JAKOBSDÓTTIR,
Tungu 1,
Fáskrúðsfirði,
andaðist föstudaginn 2. mars.
Jarðsett verður frá Fáskrúðsfjarðarkirkju
laugardaginn 10. mars kl. 13.30.
Sigurbjörn Friðmarsson,
Steinar Örn Sigurbjörnsson,
Jóna Særún Sigurbjörnsdóttir.
✝
Elskuleg eiginkona mín, móðir okkar, tengdamóðir,
amma og langamma,
ODDRÚN SIGURGEIRSDÓTTIR,
Mávahlíð 42,
lést mánudaginn 5. mars.
Útför hennar fer fram frá Háteigskirkju
miðvikudaginn 14. mars kl. 13.00.
Þorsteinn Auðunsson,
Vilhelmína Þorsteinsdóttir,
Ellen Þórarinsdóttir,
Halldór Pétur Þorsteinsson, Guðrún Jónína Ragnarsdóttir,
Þorsteinn Þorsteinsson,
Aðalheiður Þorsteinsdóttir, Hreinn Jónsson,
barnabörn og barnabarnabörn.
✝
Hjartkær eiginkona mín, móðir okkar, tengdamóðir,
amma og langamma,
ELSA DÓRÓTHEA PÁLSDÓTTIR,
Hjallanesi,
Landsveit,
sem andaðist á Heilbrigðisstofnun Suðurlands
miðvikudaginn 28. febrúar, verður jarðsungin frá
Skarðskirkju í Landsveit laugardaginn 10. mars og
hefst athöfnin kl. 14.00.
Þeim sem vilja minnast hennar er bent á Minningasjóð Skarðskirkju.
Magnús Kjartansson,
Pálína H. Magnúsdóttir, Hallgrímur H. Óskarsson,
Kjartan G. Magnússon, Elínborg Sváfnisdóttir,
Bryndís H. Magnúsdóttir, Rúnar Hauksson,
barnabörn og barnbarnabörn.
✝
Eiginmaður minn, faðir okkar, tengdafaðir, afi og
langafi,
GÍSLI VIGFÚSSON,
Flögu ll,
Skaftártungu,
sem lést fimmtudaginn 1. mars, verður jarðsunginn
frá Grafarkirkju laugardaginn 10. mars kl. 14:00.
Sigríður Sigurðardóttir,
Ásta Sigrún Gísladóttir,
Vigfús Gunnar Gíslason, Lýdía Pálmarsdóttir,
Sigurður Ómar Gíslason, Þórgunnur María Guðgeirsdóttir,
Jóna Lísa Gísladóttir, Páll Gunnarsson,
Sigurgeir Bjarni Gíslason, Jóhanna Lind Elíasdóttir,
Sverrir Gíslason, Fanney Ólöf Lárusdóttir,
afabörn og langafabörn.
✝
Ástkær móðir okkar, tengdamóðir, amma og lang-
amma,
ÞURÍÐUR INGIBJÖRG STEFÁNSDÓTTIR,
áður til heimilis í Skipasundi 52,
sem andaðist á Hrafnistu í Reykjavík miðviku-
daginn 28. febrúar, verður jarðsungin frá Áskirkju
mánudaginn 12. mars kl. 15.00.
Þorgerður S. Guðmundsdóttir, Jón F. Steindórsson,
Guðrún Guðmundsdóttir, Ásmundur Stefánsson,
Guðmundur Ingi Georgsson, Kristbjörg Steingrímsdóttir,
Hrafnhildur Hanna Þorgerðardóttir, Jóhann Einarsson,
Steindór Jónsson,
Gyða Ásmundsdóttir, Matthías Ásgeirsson,
Stefán Ásmundsson, Margrét Stefánsdóttir
og barnabarnabörn.