Tímarit lögfræðinga - 01.10.1977, Blaðsíða 5

Gunnar G. Schram prófessor:
UM ENDURSKOÐUN STJÓRNARSKRÁRINNAR
Þann 18. maí 1972 samþykkti Alþingi þingsályktunartillögu um end-
urskoðun stj órnarskrárinnar. Var tillagan svohljóðandi:
„Alþingi ályktar, að skipuð skuli 7 manna nefnd til að endur-
skoða stjórnarskrána. Nefndarmenn skulu kosnir af Alþingi. For-
sætisráðherra kveður nefndina saman til fyrsta fundar, en hún
skiptir sjálf með sér verkum.
Nefndinni ber að leita álits sýslunefnda og bæjarstjórna, lands-
hlutasambanda sveitarfélaga og landssambanda stéttarfélaga.
Hún skal leita álits lagadeildar Háskóla íslands og Hæstaréttar
um lögfræðileg efni. Með opinberri tilkynningu skal þeim, sem
þess kynnu að óska, gefinn kostur á að koma á framfæri við nefnd-
ina skriflegum og skriflega rökstuddum breytingartillögum við
núgildandi stjórnarskrá fyrir þann tíma, sem nefndin tiltekur.
Kostnaður við endurskoðun stjórnarskrárinnar greiðist úr
ríkissjóði“.
Daginn eftir, 19. maí, fór fram á þingi kosning nefndar þessarar.1)
Með því var enn hafizt handa um endurskoðun stjórnarskrárinnar.
Aðdragandi þess verks hófst raunar þegar árið 1942, er Alþingi kaus
nefnd þingmanna til athugunar á breytingum þeim, er gera mætti á
stjórnskipunarlögum landsins samkvæmt stj órnarskrárbreytingu, sem
staðfest var 15. desember 1942 og gera þyrfti er stofnað yrði lýðveldi
á Islandi.
1 upphafi voru fimm menn kjörnir í þessa milliþinganefnd, en með
ályktun Alþingis 8. september 1942 var ákveðið að fjölga nefndarmönn-
um í átta þannig að þingflokkarnir allir ættu þar tvo fulltrúa. Nefnd
þessi skilaði 7. apríl 1943 stjórnarskrárfrumvarpi og greinargerð um
fyrrihluta þess verkefnis, sem henni var falið, þ.e. breytingar vegna
67