Tímarit lögfræðinga - 01.10.1977, Blaðsíða 42

Frá
Lagaflcilfl
Háskólans
FRÁ ORATOR
Á aðalfundi Orators í nóvember 1975 voru eftirtaldir laganemar kjörnir í
stjórn félagsins fyrir starfsárið 1975 — 1976: Valgeir Pálsson formaður, Gunnar
Guðmundsson varaformaður og ritstjóri Úlfljóts; Ingi H. Sigurðsson ritari,
Bjarni Björgvinsson gjaldkeri og Símon Ólason meðstjórnandi.
Viðfangsefni félagsins á starfsárinu voru í meginatriðum þau sömu og
verið hefur undanfarin ár. Haldnir voru 8 félagsfundir, þar af tveir hádeg-
isverðarfundir og einn almennur fundur oþinn almenningi. Á þeim fundi var
fjallað um síbrotamenn. Framsöguerindi fluttu Helgi Daníelsson rannsóknar-
lögreglumaður, Hildigunnur Ólafsdóttir afbrotafræðingur og Örn Clausen hrl.
Var fundurinn fjölsóttur og þátttaka í almennum umræðum ágæt. Eitt helsta
vandamálið í starfsemi félagsins síðstu ár er lítill áhugi stúdenta að mæta á
fundum félagsins og málflutningsæfingum. Reynt var að bæta úr þessu á
starfsárinu með því að halda nokkra félagsfundi og málflutningsæfingar ár-
degis og gefa á meðan frí í kennslustundum. Fékk þetta góðar undirtektir
bæði hjá félagsmönnum og kennurum og hefur orðið til að efla fundarsókn
til mikilla muna.
Á starfsárinu voru haldnar tvær málflutningsæfingar og einn sjónvarpsþáttur
var unninn af laganemum. Var þátturinn sýndur í sjónvarpi í október 1976.
og fjallaði m.a. um forræði yfir barni. Dr. Ármann Snævarr hæstaréttardómari
samdi atvikalýsingu, en Guðrún Erlendsdóttir lektor annaðist lögfræðilegar
leiðbeiningar.
Tuttugasti og níundi árgangur Úlfljóts kom út á síðastliðnu starfsári, 1975
— 1976. Því miður var ekki unnt að vinna upp þann drátt, sem orðið hefur
á útgáfu Úlfljóts undanfarin ár, en tvö tölublöð eru þegar komin út og önnur
væntanleg. Fjárhagur blaðsins hefur verið mjög bágborinn. Margt hefur þó
verið gert til þess að bæta afkomu blaðsins. Má þar nefna, að blaðsíðufjölda
hefur verið haldið innan hæfilegra marka og þar með prentkostnaði, auglýs-
ingum hefur verið fjölgað að mun, innheimtukerfið stórbætt með notkun gíró-
seðla og áskrifendum fjölgað. Er nú svo komið, að horfur eru á, að endar nái
saman í fjármálum blaðsins.
Að vanda var 16. febrúar haldinn hátíðlegur af laganemum. Árdegis var
málflutningur og dómsuppsaga á bæjarþingi Orators. Eftir hádegi tóku dr.
Gunnar Thoroddsen iðnaðar- og félagsmálaráðherra og frú Vala Thoroddsen
á móti laganemum, kennurum og öðrum gestum í glæsilegu hófi í Ráðherra-
bústaðnum. Um kvöldið var fagnaður laganema að Lækjarhvammi, Hótel Sögu.
104