Tímarit lögfræðinga - 01.10.1977, Blaðsíða 43
Heiðursgestur var Páll S. Pálsson hrl. Minni Grágásar flutti Kristinn Björnsson
cand. jur.
Snar þáttur í starfsemi Orators eru samskipti við erlenda lagastúdenta og
samtök þeirra. Eru þessi samskipti einkum við stúdenta á Norðurlöndum, og
undanfarin ár hafa einnig verið samskipti við bandarískan háskóla, Ohio
Northern University. Á hátíðinni 16. febrúar var einn norskur laganemi, Ole
Petter Parnemann, hér á landi. Dvaldist hann hér um hálfs mánaðar skeið.
í marsmánuði dvaldist hér einn laganemi frá Ohio Northern University í stúd-
entaskiptum. Utanferðir íslenskra laganema voru einnig all tíðar á starfsárinu.
Sex laganemar sóttu fundi Norræna laganemaráðsins, N.S.J.R., aðrar ráðstefn-
ur og hóf í boði laganema á Norðurlöndum. í september og október dvöldu
svo 5 laganemar í stúdentaskiptum í Ohio Northern University.
Nokkrir vísindaleiðangrar voru farnir á starfsárinu, m.a. í Alþingi, til Akra-
ness, Þingvalla og Akureyrar og Húsavíkur.
Störf fulltrúa stúdenta á deildarfundum voru með svipuðum hætti og verið
hefur á liðnum árum. Að lokum ber þó að geta þess, að skv. 7. gr. laga nr.
45/1976 um breyting á lögum nr. 84/1970 um Háskóla íslands var fulltrúum
stúdenta á deildarfundum fjölgað úr tveimur í þrjá. Áhrif stúdenta á stjórn
og önnur málefni deildarinnar hafa því aukist nokkuð frá því sem áður var.
Valgeir Pálsson.
DEILDARFRÉTTIR
1. Breytingar á kennaraliði. Guðrún Erlendsdóttir hrl. var sett lektor i stjórn-
arfarsrétti frá 1. september 1976. Hún hafði um árabil verið aðjúnkt í laga-
deild. — Arnljótur Björnsson var skipaður prófessor í lögfræði frá 1. ágúst
1977 að telja. Hann hafði verið settur prófessor frá 1. september 1971. —
Stefán Már Stefánsson var settur prófessor frá 1. september 1977 í fjarveru
Ólafs Jóhannessonar ráðherra. Áður var Stefán Már settur í stað Þórs Vil-
hjálmssonar hrd. — Umsóknarfrestur um stöðu dósents í lögfræði rann út
1. október 1977. Ein umsókn barst um stöðuna, frá Páli Sigurðssyni, settum
dósent.
2. Embættispróf 1977. — Vorið 1977 brautskráðust 25 lögfræðingar frá Há-
skóla íslands. í nóvember munu líklega 5 kandidatar bætast í hópinn. Nöfn
hinna nýju kandidata verða væntanlega birt í næsta hefti ritsins.
3. Nýstúdentar. — Sumarið 1977 voru 55 nýir stúdentar innritaðir i laga-
deild. Fleiri munu þó innritast til náms, þar sem eigi liggja fyrir upplýsingar
um þá, sem áður hafa stundað nám í öðrum deildum.
Arnljótur Björnsson.
105