Tímarit lögfræðinga - 01.05.1981, Side 35

Stjórn LögfræSingafélagsins 1979—1980, talið frá vinstri: Logi Guðbrandsson, Friðgeir Björns-
son, Pétur Kr. Hafstein, Gunnar G. Schram, Guðmundur Vignir Jósefsson, Ingibjörg Rafnar
og Skarphéðinn Þórisson (Ljósm.: Gunnar G. Vigfússon).
efnið: Eignarnám og eignarnámsbætur. Jón Steinar Gunnlaugsson, hrl. ræddi
um ákvörðun eignarnáms, Benedikt Blöndal, hrl. um réttarfar í eignarnáms-
málum, dr. Gaukur Jörundsson, prófessor um gildandi íslenzkan rétt um
ákvörðun eignarnámsbóta, Gunnlaugur Claessen, hrl. um þróun síðustu 10 ára
í norskum eignarnámsrétti og Jón G. Tómasson, borgarlögmaður ræddi um de
lege ferenda sjónarmið um eignarnám. Miklar umræður urðu um málþings-
efnið, en umræðustjóri var Þór Vilhjálmsson, hæstaréttardómari.
Á aðalfundi hinn 19. desember 1979 var Agnar Kl. Jónsson ambassador
kjörinn fyrsti heiðursfélagi Lögfræðingafélags Islands. Var honum formlega
kynnt kjörið í boði á heimili formanns hinn 25. janúar 1980 og þá jafnframt
afhentur áritaður silfurbakki til minja.
Þá má geta þess, að á árinu eignaðist Lögfræðingafélagið eigið húsnæði.
Keypti félagið hlut í nýrri húseign að Lágmúla 7, sem Bandalag háskóla-
manna á stærstan hlutinn í. Aðrir aðilar að sameignarsamningi um húsnæði
þetta eru m.a. Dómarafélög íslands og Reykjavíkur, Félag héraðsdómara og
Stéttarfélag lögfræðinga ( ríkisþjónustu. i húsnæðinu verður góð skrifstofu-
aðstaða, skjalavarsla og aðstaða fyrir smærri fundi. Ráðgert er að húsnæðið
verði tilbúið til notkunar 1. apríl 1981.
Loks má geta þess, að Lögfræðingafélagið annaðist um móttöku og skipu-
lagningu vegna fundar JUSEK, sem haldinn var í Reykjavík í ágústmánuði.
Fundinn sóttu framkvæmdastjórar félaga lögfræðinga og hagfræðinga á
Norðurlöndum og báru saman bækur sínar um ýmis hagsmunamál. Guðríður
Þorsteinsdóttir flutti erindi á fundinum um störf, samtök og launakjör íslenzkra
lögfræðinga, en forystu um undirbúninginn hafði Guðmundur Vignir Jósefs-
son hrl. með höndum.
Gunnar G. Schram.
29