Tímarit lögfræðinga - 01.05.1981, Síða 50

d) sérstakar gagnkröfur eða málsbætur, sem mótvægi, og yfirlýsing um
staðreyndir eða sönnunargögn til staðfestu.
12. gr.
Með þeim takmörkunum sem reglugerð þessi setur, ræður gerðardómur
allri málsmeðferð, þar með taldar sáttaumleitanir og frávísun.
Að fengnu áliti málsaðila skal málsmeðferð ákveðin án tafar, en aðalreglan
er munnlegur málflutningur. Gerðardómur setur tímamörk fyrir gagnasöfnun
og málsmeðferð.
Gerðardómur getur, sérstaklega á fyrri stigum máls, heimilað formanni
gerðardóms að gera ráðstafanir, sem eru nauðsynlegar framgangi máls.
Ef gerðardómur telur þörf á sérstöku mati gefur hann málsaðilum kost á að
afla slíkra matsgerða.
13. gr.
Þegar atkvæði eru greidd, ræður afl atkvæða. Falli atkvæði jöfn, ræður
atkvæði formanns.
14. gr.
Úrskurður skal felldur eigi síðar en Vz ári eftir að dómarar voru tilnefndir.
Þó getur stjórn gerðardóms framlengt þann frest, að beiðni málsaðila, séu
ríkar ástæður fyrir hendi.
15. gr.
Hluti ágreinings getur verið úrskurður sér, óski málsaðili þess. Ef einhver
aðili mótmælir þurfa ríkar ástæður að vera fyrir hendi til þess að sú máls-
meðferð sé heimil.
16. gr.
Dómsúrskurður skal vera rökstuddur og vera undirritaður af öllum dóm-
endum. Greiði dómari sératkvæði, skal það fylgja úrskurði og vera rökstutt.
Dómurinn skal úrskurða þóknun til stjórnar gerðardóms og til dómara, sem
málsaðilar eru ábyrgir fyrir, in solidum.
Dómurinn tekur einnig fram í úrskurði hvaða upphæð málsaðili greiði gagn-
aðila í kostnað vegna málsins.
Hafi samkomulag tekizt áður en úrskurður er felldur, geta dómarar samt
úrskurðað hæfilega þóknun til stjórnar gerðardóms og til dómsins. Hafi sam-
komulag tekizt áður en dómarar voru tilnefndir úrskurðar stjórnin sjálf þókn-
un sína.
17. gr.
Úrskurði alla eða lok gerðardómsmála, ásamt stuttri greinargerð, skal færa
inn í sérstaka gerðarbók. Gerðarbók skal undirrituð í hvert sinn af öllum er
úrskurðað hafa í málinu. Hver málsaðili á rétt á að fá staðfest endurrit af
úrskurðinum.
18. gr.
Úrskurðir gerðardóms eru bindandi fyrir málsaðila, að því er snertir efni
máls og verða ekki bornir efnislega undir almenna dómstóla.
Sérhver greinilegur misreikningur eða ritvilla skal þó leiðréttur af dómn-
um, sé þess krafizt innan 60 daga frá því úrskurður barst aðila.
19. gr.
Sé ekki annað samþykkt af málsaðilum fer gerðin fram í Reykjavík.
44