Dagblaðið Vísir - DV - 04.09.2004, Blaðsíða 54

Helgarblað DV
%
54 LAUGARDAGUR 4. SEPTEMBER 2004
‘Frátekið fyrir Okkar Mann Tíu málefnalegar
ástæður fyrir einkavinavæðingu á Hæstarétti
Auðvitað verður Jón Steinar Gunnlaugsson gerður að hæsta-
réttardómara.
Ástæðurnar sem Bjöm Bjarnason dómsmálaráðherra mun gefa
fyrir vali sínu verða allar mjög málefnalegar. Hér á eftir fer „topp
tíu" listinn yfir málefnalegar ástæður þess að taka Okkar Mann,
^ Jón Steinar, fram yfir aðra umsækjendur.
Fyrsta málefnalega ástæðan fyrir
því að skipa Okkar Mann hæstarétt-
ardómara er sú að hinir umsækj-
endurnir hafa ekki gott af því að fá
starfið. Þetta sómafólk skilur það
kannski ekki núna, en það mun
verða því til blessunar að hljóta ekki
þetta lýjandi dómaraembætti. Hin-
ir umsækjendurnir eiga eftir að
þakka ráðherranum fyrir það
seinna að Okkar Manni hafi verið
gerður þessi Bjarnargreiði en ekki
þeim sjálfum.
Dómar á færibandi
Það er ólíklegt að það sé tekið út
^með sældinni að vera hæstaréttar-
dómari, þrátt fyrir einhvem skitinn
700 þúsund kall á mánuði í laun.
Sjáið bara Pétur Kr. Hafetein, sem
er ekki nema 55 ára gamali. Hann er
til í allt annað en hanga lengur í
þessu skítadjobbi: gerast hrossa-
bóndi á Rangárvöllum, BA-nemi í
sagnfræði, fara á full eftirlaun eftir
fjögur ár - nefndu það bara. Hann
er búinn að fá upp í kok. Eða
armæðusvipurinn á Markúsi Sigur-
bjömssyni, forseta Hæstaréttar!
Það er deginum ljósara að þar fer
maður sem ber meira en réttlátan
skerf af syndum heimsins. Hinir
umsækjendurnir munu ekki hafa
úthald í svona krefjandi starf. Hins
vegar er Okkar Maður óþreytandi
orkubúnt og vinnuþjarkur þannig
að honum verður ekki skotaskuld
úr því að fella dóma á færibandi
þrátt fyrir þrúgandi andrúmsloftið í
Hæstarétti.
Hvítt er svart og svart er hvítt
s önnur málefnaleg ástæða er að
við þurfum bara alveg bráðnauð-
synlega að fá Okkar rökfasta Mann í
Hæstarétt. Hann er mesti sérfræð-
ingur landsins í því að sanna að
hvítt sé svart og svart sé hvítt. Ég
nefni fáein dæmi þessu til glöggv-
unar. í fyrsta lagi hefur lögbanni
Hannesar Hólmsteins á kæm fjöl-
skyldu Halldórs Laxness til siða-
nefndar Háskóians verið áfrýjað til
Hæstaréttar. Þegar Okkar Maður
verður orðinn hæstaréttardómari
aukast til muna líkurnar á því að
áfrýjuninni verði vísað frá og lög-
bannið staðfest. í öðm lagi verða
menn fyrr en varir leiddir í allan
sannleika um að nýjustu fjölmiðla-
lögin standist stjómarskrá. Nýjustu
fjölmiðlalögin? Já, það er eins og
þurfi að tyggja alla hluti ofan í sumt
fólk. Auðvitað verður nýtt fjöl-
miðlafrumvarp lagt fyrir næsta þing
- hvað hélduð þið? Núna verður
það sko samþykkt og gert að lögum
(ekki satt, Kiddi og Jónína?). Það
verður aftur farið að þrasa um að
lögin standist ekki sjórnarskrá frek-
ar en gömlu lögin og svo fer málið
fyrir Hæstarétt. Og hver verður þar?
Okkar Maður! Loks mun Okkar
Maður sjá um að tekin verði af öll
tvímæli um að ríkið eigi Þingvelli.
Af óskiljanlegum ástæðum em ein-
hverjir guðsmenn alltaf að þrasa
um að kirkjan eigi Þingvelli.
Endemis della! En Davíð Oddsson
var svo sem búinn að segja að kirkj-
an gæti bara farið í mál og látið
reyna á þetta fyrir dómstólum. Þá
kemur Okkar Maður til skjalanna.
Sumirtapa alltaf
Þriðja ástæðan er meira per-
sónulegs eðlis. Okkar Maður lýsti
því yfir bréflega að skólastjóri Verzl-
unarskólans væri ömurlegasta per-
sóna sem hann hefði nokkum tíma
kynnst. Sá leiðindapaur mun hugsa
sig tvisvar um áður en hann fer að
hlaupa með eitthvert mál fyrir
Hæstarétt. Sumir tapa alltaf.
Okkar Maður handhafi for-
setavalds
Fjórða ástæðan er ekki síður
málefnaleg. Þegar Okkar Maður
verður orðinn forseti Hæstaréttar -
sem gerist eins og skot enda verða
þeir sem em á undan honum í bið-
röðinni búnir að taka pokann sinn -
þá þarf hann auðvitað að vera
handhafi forsetavaldsins við og við,
ásamt forsætisráðherra og forseta
Alþingis (ekkert vesen með þá). Það
væri óneitanlega dálítið fyndið að
Þórhallur Eyþórsson
finnst liggja beint við
að Jón Steinar fari í
Hæstarétt.
Laugardagskj allari
hafa Okkar Mann í þessu djobbi,
ekki síst þar sem Davíð verður far-
inn í annað. Sérstaklega skemmti-
legt að ímynda sér svipinn á Ólafi
Ragnari þegar hann kveður Okkar
Mann í flugstöðinni áður en hann
fer á skíði í Aspen. Bless, bless,
herra forseti!
Heimtufrekja þurfalinga
Fimmta ástæðan er sprottin af
óeigingjarnari hvötum og er þess
vegna einkar málefnaleg. Eins og
kunnugt er hefur Okkar Maður
mikinn áhuga á að svokallaðir ör-
yrkjar hætti að níðast á skattborg-
umm með tilvist sinni einni saman.
öryrkjar em í rauninni bara vinnu-
fælnir ódrengir. Enginn vafi er á því
að Okkar Maður mun láta þessa
heimtufreku þurfalinga finna til
tevatnsins næst þegar mál þeirra
koma til kasta Hæstaréttar.
Koníaksdrykkja og vindla-
reykingar
Sjötta ástæðan er líka mjög mál-
efnaleg. Hún er sú að briddsklúbb-
ur Davíðs fær loksins viðunandi
aðstöðu. Hvar er betra fyrir fi'na
menn að spila bridds en einmitt í
glæsilegum viðhafnarsölum í
Hæstaréttarhúsinu? Ástríður og
hinar stelpumar em orðnar voða-
lega leiðar á að kallarnir leggi und-
ir sig stofurnar heima með kon-
íaksdrykkju, vindlareykingum og
tilheyrandi sóðaskap. Við emm sko
engar rauðsokkur eða svoleiðis en
það er ósköp útslítandi til lengdar
að vera alltaf á þönum í kringum
þessar elskur. Hvað ætli Hæstarétt
muni um að borga þjónaliðinu þar
smávegis aukapening fýrir að upp-
varta strákana svo sem eins og einu
sinni í viku? Nógu ætti þessi stofn-
un að vera stöndug.
Frænda hjálpað að fletta upp
í lagasafninu
Astæða númer sjö er að það er
hentugt að hafa vanan mann á
staðnum til að líta eftir honum
Ólafi frænda. Það var náttúrlega
óvænt ánægja að koma blessuðum
drengnum inn í Hæstarétt út á
þetta Evrópu-dæmi sem hann
skrifaði ritgerð um á námskeiðinu í
Svíþjóð (þótt við hugsuðum raunar
ekki út í þá málefnalegu ástæðu
fyrr en eftir á). Óli er góður gæi og
allt það en gallinn er bara sá að
hann er ekld mjög brattur í lög-
fræðinni. Ekki það sem maður
myndi kalla lögspeking. Þess vegna
er heldur betra að hafa Okkar
Mann þarna innanbúðar til að
hjálpa honum að fletta upp í laga-
safninu ef hann skyldi reka í vörð-
urnar í túlkun á ákvæðum stjórnar-
skrárinnar, svo dæmi sé tekið.
Jákvæð mismunun og mis-
skilið jafnrétti
Áttunda málefnalega ástæðan
fyrir valinu á Okkar Manni er ekki
eins sértæk. Það þarf að stemma
stigu við jákvæðri mismunun sem
er orðið alvarlegt vandamál í þjóð-
félaginu. Eins og allir vita eru
ákvæði jafnréttislaga um kæru-
nefnd jafnréttismála bam síns
tíma. Það þarf að breyta þessum
lögum svo að nefndin fari nú ekki
að grípa fram fyrir hendur ráðherra
í nafrii einhvers misskilins jafnrétt-
is. Niðurstaða kærunefndar jafn-
réttismála er auðvitað bara álit ein-
hverra besservissera úti í bæ sem
ráðherrann þarf ekki baun að fara
eftir frekar en hann vill. Kverúlant-
arnir sem ekki una niðurstöðunni
geta svo bara farið fyrir dómstóla
með sín mál, fyrst í héraðsdóm og
síðan í Hæstarétt. Þegar þangað
kemur á Okkar Maður sko eftir að
sjá um að réttaröryggið verði tryggt
(eða þannig).
Ráðherradóttir gegn syni
fátæka innflytjandans
Níunda ástæðan er sú að með
því að veita Okkar Manni embættið
er f rauninni verið að koma til móts
við kvenkyns umsækjendur um
þessa stöðu. Ef það er ekki mál-
efhaleg ástæða þá veit ég ekki hvað
er málefnalegt. Allir vita að jákvæð
mismunun gerir lítið úr þeim sem
njóta góðs af henni. Femínistar
vilja að ráðherradótturinni sé gert
hærra undir höfði en syni fátæka
innflytjandans. Það er ranglæti;
hins vegar er réttíátt að troða syni
forsætísráðherra í fínt djobb enda
ekki vitað til þess að dóttir tæ-
lensku skúringakonunnar hafi ver-
ið að sækjast eftir því.
Afsökun hvíta mannsins
Kvennakvótar geta ekki annað
en valdið fordómum og kven-
umsækjendurnir eiga eftir að
þakka dómsmálaráðherra fyrir að
hafa forðað þeim ffá þeirri skömm
að vera kallaðar „kvótakerlingar”.
Munið þið ekki eftir blökkumann-
inum í Ameríku sem varð háttsett-
ur embættismaður út á þessa vit-
leysu um jafnan rétt allra? Eins og
dómsmálaráðherra hefur lýst á
átakanlegan hátt engdist þessi
aumingja svarti maður af sam-
viskubiti yfir því að hafa ekki kom-
ist áfram í lífinu fyrir eigin verð-
leika heldur sem afsökun hvíta
mannsins. Það hefði verið svert-
ingjanum til meiri heilla að hann
hefði ekki farið að hefja sig yfir sitt
stand heldur unnið heiðarlega
vinnu sem svona strákar ráða við,
eins og að vera þjónn, ruslakall eða
skóburstari á strætum Wash-
ington-borgar.
Kjáni sem er ekki með í leikn-
um
Allar framangreindar ástæður
eru fjarska málefnalegar. En tíunda
og langmálefnalegasta ástæða
dómsmálaráðherra fyrir því að
veita Okkar Manni embætti hæsta-
réttardómara er sáraeinföld: Bara
af því að ég get það. Og hafiði það!
Embættið er frátekið fyrir Okkar
Mann. Svona er okkar hefð hér á
landi, allir gera þetta og hafa alltaf
gert - hinir líka. Sá sem ætíar að
fara að breyta út ffá þessari gamal-
grónu siðvenju er bara kjáni og er
ekki með í leiknum. Aftur á móti er
það ekki í okkar hefð að ráðherra
segi af sér þótt umboðsmaður Al-
þingis, kærunefnd jafriréttismála
og svoleiðis apparöt séu með eitt-
hvert múður, eins og Einar Oddur
Kristjánsson á bráðavakt Sjálfstæð-
isflokksins hefur útskýrt svo prýði-
lega.
Rugludallar í lögfræðinga-
stétt!
Eini neikvæði flöturinn á að
setja Okkar Mann í Hæstarétt er að
þá er hætta á að hann neyðist fram-
vegis til að láta fara minna fyrir sér
í þjóðmálaumræðunni en hingað
til. Það er ekki helsti styrkur Jóns
Steinars Gunnlaugssonar að setja
ljós sitt undir mæliker í baráttunni
við hin illu öfl. En hvar stendur það
skrifað að ekki sé hægt að breyta
reglunum í þessum leik? Af hverju
mega hæstaréttardómarar ekki tjá
sig með skeleggum hætti um allt
milli himins og jarðar á hvaða vett-
vangi sem er? Reynið bara að fara
með það mál fyrir Hæstarétt þegar
Okkar Maður verður kominn þang-
að, þið rugludallar í lögfræðinga-
stétt.
Sjötta ástæðan er líka mjög málefnaleg. Hún er sú að briddsklúbbur
Davíðs fær loksins viðunandi aðstöðu. Hvar er betra fyrir fína menn að
*spila bridds en einmitt íglæsilegum viðhafnarsölum íHæstaréttarhúsinu?
Fyrsta málefnalega ástæðan
fyrir því að skipa Okkar Mann
hæstaréttardómara er sú að
hinir umsækjendurnir hafa ekki
gott afþví að fá starfið. Þetta
sómafólk skilur það kannski
ekki núna, en það mun verða
því til blessunar að hljóta ekki
þetta lýjandi dómaraembætti.
c