Árbók VFÍ/TFÍ - 01.06.2006, Page 39

Norðurlandsdeild VFÍ (NVFÍ) og Norðurlandsdeild TFÍ (NVFÍ)
Aðalfundur Norðurlandsdeilda beggja félaga voru haldnir 4. mars 2005.
Stjórnir beggja deilda funduðu hvort um sig níu sinnum á starfsárinu. Þessir fundir hafa
allir nema einn verið haldnir sameiginlega með stjórnum deildanna. Flestir fundanna
voru haldnir til þess að undirbúa ráðstefnuna 7. maí.
Sama dag og alalfundir fóru fram var haldinn fundur með framkvæmdastjóra og for-
mönnum VFI og TFI ásamt nokkrum formönnum deilda félaganna auk Norðurlands-
deildanna þar sem umræðuefnið var sameining félaganna og önnur sameiginleg mál.
Um kvöldið var haldið hefðbundið síldarkvöld þar sem félagar nutu góðra veitinga og
skemmtunar sem Asgeir Magnússon stjórnaði.
Aðalfundur NVFÍ
í stjórn NVFÍ voru kjörnir Kristinn Magnússon formaður, Oddný Snorradóttir, Bjarni P.
Hjarðar, ]ón Magnússon og Pétur Bjarnason. Varamenn voru kjörnir Bergur
Steingrímsson og Sigurjón Jóhannesson. Stjórnin skipti síðar með sér verkum og var
Pétur kjörinn ritari og Bjarni gjaldkeri.
Aðalfundur NTFÍ
Stjórnin NTFI var endurkjörin en í henni eru Páll Hlöðversson formaður, Jóhannes
Ófeigsson ritari og Þengill Ásgrímsson gjaldkeri. Varastjóm var einnig endurkjörin og
eru varamenn Steinar Magnússon og Helgi Haraldsson.
Ráðstefna um verkefnastjórn við stórframkvæmdir
Hinn 7. maí 2005 stóðu NVFÍ og NTFÍ fyrir ráðstefnu um verkefnastjórn við stórfram-
kvæmdir á íslandi . Ráðstefnan var haldin á Hótel KEA og var hún ágætlega sótt.
Fyrirlesarar voru þekktir á sínu sviði og komu víða að.
Hin árlega Kárahnjúkaferð
Hin árlega Kárahnjúkaferð var farin 24. september 2005. Veðurspá var tvísýn og hafði
það áhrif á þátttöku en aðeins 14 félagar tóku þátt. Sami háttur var hafður á og árið áður
og sameinaðist hópurinn félögum VFÍ og TFI á Egilsstaðaflugvelli. Sveinn Þórarinsson
frá Verkfræðistofu Austurlands bættist í hópinn á Egilsstöðum og tók að sér leiðsögn í
ferðinni. Frá Egilsstöðum var farið í Végarð, kynningarmiðstöð Landsvirkjunar, þar sem
framkvæmdimar voru kynntar og síðan haldið í búðir Landsvirkjunar og snæddur
hádegisverður í boði fyrirtækisins. Að því loknu var farin skoðunarferð um virkj-
anasvæðið undir leiðsögn verktaka. í lok skoðunarferðar var haldið í stöðvarhúsið í
Fljótsdal, þar sem starfsmenn KSJV kynntu þær framkvæmdir sem unnið var að. Þar
þáðu þáttakendur veitingar í boði verktaka á svæðinu. Að þessu loknu skildi leiðir með
hópunum og norðanmenn þáðu rausnarlegt boð Verkfræðistofu Austurlands á skrifstofu
þeirra á Egilsstöðum. A heimleiðinni var komið við á Möðrudal á Fjöllum þar sem snætt
var sérlega gómsætt heimareykt hangikjöt. Þrátt fyrir slæma veðurspá var gott ferða-
veður alla leiðina nema síðasta spölinn þegar veðurguðirnir gáfu ferðalöngum sýnishorn
af norðlenskri stórhríð.
Samlokufundir
NVFÍ og NTFÍ hafa tekið þátt í nokkrum samlokufundum sem sendir hafa verið frá
höfuðstöðvunum og haft aðstöðu til þess í húsakynnum Símey við Þórsstíg 4. Þessir
Félagsmál Vfl/TFl i 37