Árbók VFÍ/TFÍ - 01.06.2006, Qupperneq 76

Eins og undanfarin ár var Verktækni gefið út í samvinnu við VFÍ og TFÍ. Sigrún S.
Hafstein er ritstjóri blaðsins. Laun ritstjóra og aðstaða er fjármögnuð með beinum fram-
lögum frá félögunum þremur. Prentvinnslufyrirtækið Grafík sér um prentvinnslu og
dreifingu blaðsins og er sá hluti útgáfunnar fjármagnaður með auglýsingum sem Grafík
sér um að selja. Bryddað var upp á þeirri nýjung að gera blaðið aðgengilegt á rafrænu
formi á heimasíðu SV um mitt ár 2005. Félagið hefur verið mjög sýnilegt í blaðinu á liðnu
starfsári. í ritnefnd eru Sveinbjörg Sveinsdóttir formaður, fyrir SV, Ólafur Pétur Pálsson
fyrir VFI og Arni Þór Arnason fyrir TFI
Kynningarbæklingur um sameiningarmál: Vegna kynningar á mögulegu nýju félagi verk-
fræðinga og tæknifræðinga ákváðu SV, TFI og VFÍ að ráðast í gerð kynningarbæklings.
Hann birtist sem fjórblöðungur í 8. tbl. Verktækni 2005. Guðjón Aðalsteinsson tók þátt í
gerð bæklingsins fyrir hönd SV.
Kjarakönnun
Fastur liður í starfsemi félagsins er gerð og útgáfa kjarakönnunar á meðal verkfræðinga
einu sinni á ári. Kjarakönnun 2006 var gerð á vefnum og var skilafrestur til 28. apríl. Alls
bárust 410 svör sem er minni þátttaka en vænst hafði verið, enda tryggir góð þátttaka
áreiðanlegri niðurstöður um kaup og kjör og þar með betri upplýsingar til stéttarinnar
um samanburðarkjör. Á undanförnum árum hefur kjarakönnunin leitt í ljós kynbundinn
launamun innan stéttarinnar. Með hliðsjón af lagalegri skyldu SV sem stéttarfélags að
„vinna markvisst að því að jafna stöðu kynjanna á vinnumarkaði" eins og segir í 13. grein
jafnréttislaga, verður reynt að greina þennan launamun betur en verið hefur hingað til,
eftir því sem kostur er.
Félagsvísindadeild Háskóla íslands sér alfarið um framkvæmd og úrvinnslu könnunar-
innar. Markaðslaunataflan var gefin út að venju en hún nýtist sérstaklega vel meðal þeirra
félagsmanna SV sem starfa á almennum markaði, en fyrir þann hóp gerir félagið ekki
almenna kjarasamninga. Fyrir dyrum stendur að fara í gerð nýrrar kjarakönnunar á meðal
félagsmanna sem starfa á FRV-stofum, en síðasta könnun fór fram á árinu 2004.
NIL42
Frá 29. nóvember til 1. desember 2005 var haldinn norrænn fundur um kjaramál verk-
fræðinga (Nordiska Ingenjörslönemötet). Þetta er árlegur samráðsfundur og var hann að
þessu sinni haldinn í Helsinki. Fyrir hönd SV sóttu fundinn Sveinbjörg Sveinsdóttir for-
maður og Árni B. Björnsson framkvæmdastjóri. Á fundinn mættu fulltrúar frá öllum
verkfræðingafélögum á Norðurlöndum. Af hálfu KTFÍ sóttu fundinn að þessu sinni
Bjarni Bentsson formaður og Jón Isaksson Guðmann varaformaður. Á NIL-fundi mæta
þeir starfsmenn norrænu félaganna sem annast samningamál og kjaramál. Kynntar eru
nýjungar í starfi félaganna og farið yfir starfsemina á liðnu ári.
Ákveðið var að næsti NIL-fundur, NIL 43 yrði haldinn á íslandi dagana 13-14. september
2006. SV og KTFÍ stóðu saman að honum og lá dagskrá fundarins fyrir í lok maímánaðar.
Árni B. Björnsson fór í aprílmánuði á undirbúningsfund sem haldinn var í Stokkhólmi.
Heimsókn frá Civilingenjören
Karin Virgin, blaðamaður hjá Civilingenjören, sem sænska verkfræðingafélagið gefur út
sótti félagið heim í októbermánuði. Erindi hennar hingað til lands var að viða að sér efni
um vinnumarkað og aðstæður íslenskra verkfræðinga og helstu framkvæmdir hér á landi.
Framkvæmdastjóri SV og ritstjóri Verktækni fylgdu Karin austur á land og skoðuðu
framkvæmdirnar við Kárahnjúkavirkjun og Fjarðaál. Karin heimsótti einnig fyrirtæki á
74, Arbók VFf/TFl 2006