Árbók VFÍ/TFÍ - 01.06.2006, Qupperneq 77

höfuðborgarsvæðinu auk þess sem hún kynnti sér umræðu vegna sameiningarmála. ítar-
leg umfjöllun hennar birtist í 10. tölublaði Civilingenjören 2005.
Kynningarmál
Formaður og framkvæmdastjóri heimsóttu verkfræðinema í HI í mars 2006 og kynntu
félagið og þjónustu þess. Fundurinn var vel sóttur og voru verkfræðinemar mjög
áhugasamir að fræðast um starfsemi SV. Ljóst er að áhugavert væri að víkka þertnan þátt
í starfseminni út enn frekar og auka samstarf við verkfræðinema.
Framkvæmdastjóri hélt kynningarfundi í Kaupmannahöfn og Árósum fyrir nema í verk-
fræði í DTU og AUC. Fundirnir voru mjög vel sóttir á báðum stöðum en fundurinn í
Kaupmannahöfn var sameiginlegur með VFÍ. Nemendur voru áhugasamir um þjónustu
og starfsemi félagsins og að hverju er að hyggja þegar farið er út á vinnumarkaðinn.
Framkvæmdastjóri SV fór á fund Norðandeildar verkfræðinga (VFÍ) og tæknifræðinga
(TFÍ) á Akureyri ásamt fulltrúum frá VFÍ og TFÍ. Starfsemi SV var kynnt auk þess sem
fjallað var um sameiningarmál.
Samstarf við önnur félög
SV hefur í rúm fimm ár séð um rekstur Stéttarfélags tölvunarfræðinga (ST). Nú eru um
70 tölvunarfræðingar í ST. Um er að ræða tölvunarfræðinga utan kjarasamninga sem gera
einstaklingsbundna ráðningarsamninga.
Síðan á árinu 2004 hefur SV séð um rekstur Félags tæknimanna Landsvirkjunar og eru
félagsmenn nú um 50 en af þeim eru milli 5-10 þegar félagar í SV. í félaginu eru auk verk-
fræðinga tæknifræðingar, tölvunarfræðingar o.fl.
í september 2005 var skrifað undir samning við Stéttarfélag byggingarfræðinga um rekstur
félagsins og eru félagsmenn nú um 45. Félagsmenn greiða í sjúkra- og orlofssjóð SV og
eru allir með einstaklingsbundna ráðningarsamninga.
Á starfsárinu var í gangi mjög mikið samstarf á milli SV, TFÍ og VFI og einkum og sér í
lagi í tengslum við mögulega sameiningu félaganna. SV tók þátt í þremur fundum í
samvinnu við VFÍ og TFÍ: Fulltrúaráðsfundur VFÍ 11.5.2005, samráðsfundur SV, TFÍ og
VFÍ 21.10.2005, kynningarfundur SV, TFÍ og VFÍ fyrir félagsmemi um sameiningarmál,
9.11.2005, fulltrúaráðsfundur VFÍ 9.5.2006.
Fulltrúi SV í ENSÍM-nefndinni er Ragnar Hauksson.
Sameiningarmál
Aðdragandinn
Hugmyndir um að sameina Stéttarfélag verkfræðinga, Tæknifræðingafélag íslands og
Verkfræðingafélag Islands hafa verið til skoðunar hjá félögunum undanfarin ár. Á tíma-
bilinu hefur verið starfræktur stýrihópur félaganna sem skipaður er formönnum og
varaformönnum þeirra hverju sinni og hefur hann leitt starfið. Tvær nefndir störfuðu í
umboði stýrihóps félaganna á árunum 2003 -2005. Fyrri nefndin skilaði af sér skýrslu í
desember 2003 og var niðurstaða hennar sú að stefnt skyldi að sameiningu félaganna
þriggja. Síðari nefndin skilaði af sér skýrslu í janúar 2005 og lagði til að nýtt félag yrði
stofnað og byggt á endurskipulögðu VFÍ.