Árbók VFÍ/TFÍ - 01.06.2006, Page 173

Úrbætur þær, sem gerðar hafa verið hafa reynst afar vel og kom aldrei til þess á endur-
gangsetningartímabilinu 15. júlí til 31. ágúst 2006 að rafmagnsbilun eða óhapp ylli trufl-
un eða töfum.
Endurgangsetning kerskála 3 hjá ÍSAL
Það var átakanlegt að mæta til vinnu þann 20. júní síðastliðinn og gera sér grein fyrir því
að öll ker í kerskála 3 voru úr rekstri. Fyrirsjáanlegt var að verkefnið sem beið var gríðar-
legt því hefðbundin aðferð við endurgangsetningu kera er að forhita kerið með gasi áður
en fljótandi raflausn er hellt í kerið og það endurgangsett. Áður en til slíkrar forhitunar
kemur þarf að hreinsa alla raflausn og ál úr kerinu.
Þegar heill kerskáli missir afl er engin von til þess að hægt sé að soga allt ál úr kerunum
á þeim tíma sem líður uns álið storknar. 1 slíkum tilfellum standa menn því uppi með
mismikið af storknu áli á kerbotninum auk allrar raflausnarinnar.
Nokkrum dögum eftir að skálinn var stöðvaður skipaði forstjóri verkefnishóp til að sjá
um endurgangsetningu skálans. í hópnum áttu sæti einstaklingar frá öllum þeim sviðum
fyrirtækisins sem koma mundu beint að endurgangsetningunni. Fjórir af þessum hóp
voru leystir undan daglegum störfum og störfuðu eingöngu við endurgangsetninguna. í
þessum hópi var m.a. sérfræðingur í öryggismálum og undirstrikaði það þá áherslu
forstjóra að öryggið skyldi haft í fyrirrúmi.
Strax á fyrstu dögum undirbúningsins bárust okkur upplýsingar um að innan
móðurfyrirtækisins væri þekkt aðferð sem gekk undir nafninu „Crash Start". Aðferðin
felst í því að raflausn er hreinsuð ofan af álplötunni í kerinu en síðan er fljótandi raflausn
hellt ofan á álplötuna og straumi hleypt á kerið. Varminn sem myndast í raflausninni sér
svo um að bræða álplötuna í kerinu og kerið kernst í rekstur. Þessi aðferð hafði aldrei
áður verið notuð á þá kergerð sem notuð er í Straumsvík en að vandlega yfirveguðu máli
var ákveðið að prófa aðferðina. Tvö ker í kerskála 1 voru tekin úr rekstri til þess að
framkvæma tilraun þessa efnis og þrír sérfræðingar frá móðurfyrirtækinu komu til að
aðstoða við framkvæmdina.
Tilraunin tókst vel og í framhaldi af því var ákveðið að nota þessa aðferð við endur-
gangsetningu allra kera í skálanum. Flreinsun keranna og undirbúningur tók nú mið af
þessari aðferð. Lögð var áhersla á að hraða hreinsuninni þannig að ekki blandaðist saman
vinna þungavinnuvéla og iðnaðarmanna sem sáu um að yfirfara kerbúnaðinn. Að þess-
ari vinnu komu starfsmenn ISAL og verktakar. Um þremur vikum eftir að skálinn stöðv-
aðist hófst endurgangsetningin. Gangsett voru fjögur til fimm ker á dag nema um helgar
en þá voru gangsett tvö ker á dag.
Endurgangsetning skálans tók um fimm vikur, sem fór verulega fram úr björtustu
vonum. Lykillinn að þeim góða árangri sem náðist við endurgangsetninguna liggur
vafalaust í mörgum þáttum. Margir lögðu á sig mikla vinnu svo verkið gæti gengið vel,
en segja má að starfsmenn hafi verið vel búnir undir átak sem þetta. í því samhengi má
t.d. nefna þá miklu menntun sem þorri almennra starfsmanna hefur sótt til Stóriðju-
skólans, en hún hefur tryggt sameiginlegan skilning á rekstrinum og fagmennsku.
Þótt endurgangsetning kerskála 3 hafi gengið vel eiga endanleg áhrif stöðvunarinnar eftir
að koma í ljós. Stærstu óvissuþættirnir varða lífaldur keranna í skálanum en viðbúið er
að harm verði minni en ella hefði orðið. Hversu mikið hann styttist mun framtíðin ein
leiða í ljós.
Kynning og tæknigreinar fyrirtækja og stofnana i 1 7 1