Árbók VFÍ/TFÍ - 01.06.2006, Side 331

Neðri pallur
Eins og fram kom hér að ofan mun bunan lenda á neðri pallinum við rennsli upp að
200-250 m3/s. Með því að auka breidd bununnar upp í 30 m með breikkun yfirfalls-
rennunnar á neðsta hluta hennar og með hnöllum sem brjóta upp bununa er dregið eins
og kostur er úr álagi á neðri pallinn. Þrátt fyrir það verður álag á neðri pallinn töluvert
og nauðsynlegt að grípa til sérstakra ráðstafana við hönnun til að tryggja endingu hans.
Utfærsla neðri hluta yfirfallsremiunnar og neðri pallsins er sýnd á mynd 6.
Hylur og fyrirhleðsla i gljúfrum
Mat á rofmætti bununnar og styrk basaltlaga í botni gljúíursins bendir til að við hönn-
unarrennsli (950 m3/s) sé um eða yfir 20 m vatnsdýpi nauðsynlegt til að tryggja að ekki
verði rof í botni gljúfursins. Þessum aðstæðum verður náð með því annars vegar að grafa
burtu laus jarðlög í botni gljúfursins og hins vegar með því að byggja fyrirhleðslu í
gljúfrinu um 150 m neðan hylsins. Einnig verður austurveggur gljúfursins styrktur til að
þola betur álag frá bununni.
Flóðvar við Desjarárstíflu
Heppilegast er að flóðvör séu sérstakar lágar stíflur fjarri aðalstíflunum þannig að rof
flóðvars valdi ekki hættu á rofi aðalstífla. Ekki eru aðstæður til slíks fyrirkomulags við
Hálslón og verður flóðvar því að vera sambyggt einhverri aðalstíflanna. Til greina kom
að gera flóðvar í Sauðárdalsstíflu en þá hefði rof þess valdið miklu raski í Laugarvalladal.
Niðurstaðan varð því að hafa flóðvar við austurenda Desjarárstíflu en flóðvatnið fer þá
um 8 km leið um Desjarárdal áður en það kemur í farveg Jöklu norðan Hafrahvamma-
gljúfra. Grunnmynd af flóðvarinu er sýnd á mynd 7.
Hönnun flóðvarsins er miðuð
við að það flytji um 6.000 m3/s
þegar nær allt flóðvarið hefur
skolast í burtu og vatnsborð í
lóni er 629,5 m y.s. (krónu-
hæð flóðvars). Flóðvarið er
um 100 m langt, allt grundað á
nær láréttri klöpp sem sprengd
var niður í hæð 618 m y.s.
Undir því miðju er þó um 30 m
breið og 3 m djúp renna.
Flóðvarið hefur svipaða upp-
byggingu og aðalstíflan en
króna þess er þó 1,0 m lægri en
stíflunnar (629,5 í stað 630,5 m
y.s.) og jarðefnin ofan á því og
loftmegin eru auðrofnari við
yfirrennsli vatns en efnin í
stíflunni sjálfri. í miðju flóð-
varinu er auk þess sérstök
veiking gagnvart yfirrennsli til
að tryggja að rofið byrji í miðju
flóðvarinu. Neðan flóðvarsins
Mynd 7. Grunnmynd af Desjarárstíflu og flóðvari.
(1) Desjarárstífla, (2) flóðvar, (3) flóðvarsskurður, (4) steyptur veggur, (5)
aðrennslisgöng og (6) Aðkomugöng 4.