Árbók VFÍ/TFÍ - 01.06.2006, Page 342
Gufuveita skiptist í þrjár veitur sem hver og ein samanstendur af forskilju, gufuskilju og
rakaskilju. Gufuveitunni tilheyra einnig gufulokahús og skiljuvatnslokahús. Þá er niður-
dælingin flokkuð með gufuveitunni en öllu þéttivatni er skilað aftur niður í jörðina með
niðurdælingu.
Raforkudreifing 1 og 2 heldur utan um vélaspenna, stöðvarspenna, stöðvarnotkun og
fæðingu 220 kV til Landsnets.
Stoðkerfi samanstendur af loftþjöppustöð fyrir loftloka og dælur í kælivatnskerfi, kæl-
ingu eimsvala, skápavöktun, þ.e. hjálparspennur í skápum, bilanameldingar (villulisti)
frá netkerfum og fleira.
Húskerfi samanstendur aðallega af loftræsikerfum, hitastýringum og ljósastýringum.
Iðntölvurnar eru tengdar saman á tvöföldu „Ethernet" háhraða ljósleiðaraneti.
Uppbygging kerfisins miðast við svokallað „redundancy", þ. e. tvær miðeiningar (CPU)
vinna samsíða og ef önnur fellur út heldur hin áfram en viðvörun kemur á skjákerfið.
Fjöldi miðeininga í kerfinu eru um 18, allar eru af gerðinni S7 417-4H sem er stærsta
einingin sem Siemens framleiðir í þessari 400 seríu. Minnisplássið er 20 MB fyrir vinnslu-
minni og allt að 64 MB sem geymsluminni (FEPROM). Vinnsluhraðinn er einnig sá mesti
sem völ er á eða 0,03 ps á hverja aðgerð.
Fjöldi stafrænna inn- og útganga er nærri 1700 og fjöldi hliðrænna inn- og útganga eru
tæpir 600.
Miðeiningarnar eru svo tengdar inn- og útgangseiningum (I/O) á Profibus-neti. Netinu
tengjast einnig ýmsar aðrar einingar, svo sem mælastöðvar (19 stk.), hraðabreytar (24
stk.), varnarliðar (41 stk.) og svokallaðar Simocode-einingar (110 stk.).
Með Profibus-nettengingunni er unnt að lesa öll gildi af viðkomandi einingu og gefa
skipanir án þess að nota inn- eða útganga á iðntölvunni. Þetta fyrirkomulag gefur kost á
samskiptum með mun fleiri merkjum en annars hefði verið gert. Þannig eru tíma-
stimplaðir atburðir lesnir af varnareiningunum auk gildanna. Af mælastöðvunum er
unnt að lesa straum á hvern fasa, spennu móti núlli og milli fasa, fasvik, afl og svo
framvegis. Af hraðabreytunum er hægt að lesa straum á hvern fasa, snúningshraða,
afltöku, spennu og svo það sem ef til vill er mikilvægast, að unnt er að lesa og skýra villu-