Flóra: tímarit um íslenzka grasafræði - 01.04.1966, Blaðsíða 26
Eins og listinn bendir til er gróðurinn ekki mjög fjölbreyttur, en
sumar tegundirnar ná mjög miklum þroska í þessum eyjum. Eyjarnar
eru yfirleitt láglendar en þó ekki mishæðalausar. Nokkrar fleiri teg-
undir fann ég í öðrum hólmum, t. d. nokkra undafífla hjá Nesi, en mý-
vatnsdrottningu, björli og reyni lijá Brúum, og getur þess á öðrum stað.
3. Graslendi.
Graslendi eða valllendi, þar sent grastegundirnar eru svo til einvald-
ar, er tiltölulega lítið. Norðan við hraunið og suður með því að vestan
er naumast nokkur valllendisblettur, nema túnin og geta sum þeirra
varla talizt valllendi sökum raka. Rönd af samfelldu valllendi, misjafn-
lega breið, er meðfram allri Laxá utan frá Mýrarvatni og suður að Brú-
um. Allstórt valllendi er austan undir Garðsnúp, og nær suður undir
Hafralæk (Garðsengi).
Grastegnndirnar sem ráða mestu í þessu plöntufélagi, eru mismun-
andi á ýmsum stöðum. Agrostis stolonifera og A. tenuis, Festuca rubra
og Calamagrostis neglecta er sumsstaðar til muna. A Ytra- og Syðra
Fjalli er Anthoxantlium odoratum mjög mikið á enginu. Af blóntteg-
undum meðfram ánni ber mest á Trifolium repens og Potentilla ans-
erina. Sumsstaðar er mikið af Juncus filiformis, einkum suður hjá
Grenjaðarstað. Á Garðsengi er Desch. caespitosa víða í meirihluta, svo
og Festuca og Agrostis. Er ég var þarna á ferð voru tún öll slegin, svo
mér gafst ekki tækifæri til að athuga gróður þeirra til neinnar hlítar.
Hjá Rauðuskriðu eru nokkrir grasmóar.
4. Blómlendi.
Þessi plöntusamkunda er allmikið útbreidd og tegundarík. Eins og
víðast annarsstaðar er þetta plöntufélag aðeins í smáum blettum, þar
sem skjól er og skilyrði á annan hátt hagstæð.
Er það mjög víða um hraunið, í gjárn og sprungum, innanum kjarr,
í hólmum í ám og vötnum, í gilskorningum og hlíðahvömmum. At-
hugaði samsetningu blómlendis á nokkrum stöðurn og set hér sýnis-
horn.
24 Flóra - tímarit um íslenzka grasafræði