Félagsbréf - 01.03.1960, Qupperneq 10

SIGURÐUR EINARSSON:
fr SuðurfararYͧnni.
CHIANTI
Mér fannst ég verða ungur annað sinn,
ó, Ítalía, á nokkrum sólskinsdögum,
er um mig hvelfdist himinn þinn.
Því hingað kom ég öskugrár af elli
með íslenzkt veðramark á kinn.
Og kannski var það sál og saga þín
og seiður þinna helgu, fornu minna,
sem viðruðu af mér þreytumörkin mín.
Og kannski var það kæti þinna barna
og Chianti, þitt rauða vín.
Já, jafnvel nótt þín mild af myrkri glóð
og magnólíuilmi og hvítra blóma
er næðingsvönum norðanmanni góð.
- Svo drekkum unz hinn hvíti dagur kveikir
kyndla á turnum yfir Rómar þjóð.