Félagsbréf - 01.03.1960, Side 13

Amman í dalnum, auðnarperlan,
enn fylgir skuggi þinn mér.
I brestandi augum blæðandi hunds
sá ég beint inn í hjarta þér.
MYND FRÁ NAZARET
Hann ríður asna í áttina að bænum
undurhægt fet fyrir fet.
Höfuðskýlan hans blaktir í blænum
og bærinn er Nazaret.
Konan hans gengur kippkorn á eftir
með körfu á höfði sér.
Hún er kúfuð. af laukum og kannski jafn þung
og konan, sem hana ber.
Hún leiðir barn og ber annað á armi,
er eign þessa ríðandi manns,
mjúk eins og viðja með auðmýkt í augum
síns austræna móðurlands.
Ég sá þetta með einni sænskri frú -
henni sýndist meðferðin grimm
og ástin harðskeytt - en kona kostar
hér kýrverð þrjú eða fimm.
Hún hafði gefið sinn heimanmund
til hamingju manni og sér.
En samt er hann þakklátur þegar hún ferðast
og því er hún hérna með mér.