Skagfirðingabók - 01.01.2011, Page 175

HÓLAÝTAN
þeir ýtuna til skiptis. Þegar þeir fél­
agar komu að Ölfusárbrúnni, sem
hafði verið hífð upp eftir að hún
hrund i, sagði Reykvíkingurinn Krist­
jáni að hann skyldi ganga yfir brúna
því ekki væri öruggt að hún héldi.
Kristján gerði það að sjálfsögðu.
Norð an við ána var ýtan sett á bíl og
flutt á áfangastað í Reykjavík. Á þess­
um tíma voru menn minnugir þess,
þegar brúin brast árið 1944, undan
tveimur mjólkurbílum, en núverandi
brú var ekki tekin í notk un fyrr en
22. desember 1945. [22 og 25]
Þriðju vélina fékk Vélasjóður til til­
rauna á vegum Verkfæranefndar ríkis­
ins. Hér verður saga þeirrar vélar rakin
svo sem kostur er. Árni G. Eylands,
sem þá var starfsmaður Grænmetis­
verslunar landbúnaðarins, pantaði all­
ar þessar vélar.
Árni G. Eylands var Skagfirðingur,
fæddur að Þúfum í Óslandshlíð 8. maí
1895. Hann varð búfræðingur frá
Hólaskóla og nam síðan búfræði í
Noregi og Þýskalandi. Árið 1921 réðst
hann til starfa hjá Búnaðar félagi Ís­
lands, m.a. sem þúfnabana stjóri. Síð ar
varð Árni verkfæraráðunautur Bún að­
arfélagsins, fram kvæmda stjóri bún að­
ardeildar SÍS, Áburðarsölu ríkisins og
Grænmetisverslunar ríkisins. Þá var
hann í forystu Verkfæranefndar og
Véla sjóðs, þar sem í hlut hans kom að
vinna að innflutningi búvéla og verk­
færa, svo og prófun þeirra. Hann leið­
beindi einnig um notkun búvéla og
tækni. Segja má að Árni hafi komið að
flestu því er varðaði þá mikl u
verktæknibylt ing u í landbún aði er
hófst á þriðja áratug 20. aldar. Síðar
varð Árni fulltrúi í Atvinnu mála ráð u­
neytinu og sendiráðsfulltrúi í Osló.
Hann lét þjóðmál til sín taka, skrifaði
mikið í blöð og tímarit, og gaf að auki
út þrjár ljóðabækur. Ritstjóri Freys var
hann um tíma. Árni skrif aði bókina
Búvélar og ræktun, sem kom út árið
1950, mikið og ein stakt heimildarrit
um tæknivæð ingu íslensks landbún­
aðar á fyrri helmingi 20. aldar, auk
þess að vera kennslubók síns tíma í
mótor­ og búvélafræðum. Árni lét sig
norr æna samvinnu mjög varða, ekki
síst tengslin við Noreg, sem og sam­
skipti við Vestur­Ís lending a. Hann
hlaut margvíslega viðurkenningu fyrir
störf sín. Árni G. Eylands lést 26. júlí
1980. [3]
Árni G. Eylands.
Eigandi myndar:
Héraðsskjalasafn Skagfirðinga.
175