Tímarit hjúkrunarfræðinga - 01.03.2003, Blaðsíða 27
VIÐTAL
Llnda Vilhjálmsdóttir á
skrifstofu Krafts
Hún segir að þessi reynsla hafi breytt henni
nokkuð. Henni hafi fram að þeim tíma fundist
sjálfsagt að vera við góða heilsu og með því að
veikjast hafi henni verið kippt úr einum heimi
yfir í annan, hætt að vinna sem flugfreyja, flutt
heim til Islands, en meðan hún bjó erlendis
hafði hún fjarlægst vini og kunningja og fannst
hún að mörgu leyti útlendingur á Islandi. En
hún hafi einnig þroskast mikið á þessari
reynslu, nú sé forgangsröðunin önnur hjá
henni. „Aðalatriðið er ekki að eignast flott hús,
bíl og föt og ná starfsframa. Það getur skipt
máli en það er einskis virði ef maður missir
heilsuna. Ég kann að meta lífið miklu meira,
svo ég tali nú ekki um að ég kunni að meta það
að hafa hár!“
Hún segir að brjóstakrabbamein hafi verið ó-
þekkt í fjölskyldu hennar og veikindin hafi kom-
ið eins og þruma úr heiðskíru lofti yfir hana þeg-
ar hún var aðeins 30 ára gömul. En hún gerir sér
grein fyrir því eftir á að hún hafi verið búin að
vinna mjög mikið, oft verið þreytt, unnið óreglulegan vinnu-
tíma, borðað og sofið óreglulega og oft flogið milli ólíkra tíma-
belta, en þetta er allt fylgifiskur flugfreyjustarfsins sem hún
var í. I kjölfarið hafi hún farið að lesa sér til um brjóstakrabba-
mein, hún hafi til dæmis komist að raun um að það tengist á
einhvern hátt lífsstíl því konur í Japan og Kína fái sjaldan
brjóstakrabba en líkurnar aukist eftir að þær flytja til Vestur-
landa. Hún segist einnig hafa lesið heilmikið um óhefð-
bundnar lækningar og á vegum Krafts sé nú að koma út hand-
bókin „Lífs-Kraftur“ þar sem m.a. er fjallað um óhefðbundn-
ar lækningar, næringu, mataræði og hreyfingu svo eitthvað sé
nefnt. Tilgangur handbókarinnar er að stuðla að því að hver
og einn þurfi ekki að leita langt eftir grunnupplýsingum sem
þeim í Krafti finnst svo sjálfsagt að séu fyrir hendi. Greinarn-
ar í handbókinni endurspegla eldd skoðanir Krafts heldur eru
á ábyrgð þeirra sem þær skrifa.
Kraftur var stofnaður 1. október 1999 fyrir ungt fólk sem hef-
ur greinst með krabbamein og aðstandendur þess því aðstand-
endur þurfa ekki síður á aðstoð að halda, segir Linda, þar sem
athyglin beinist oft mjög mikið að þeim sem er veikur.
Kraftur er með heimasíðu www.kraftur.org.
Námsstyrkur
Frá Minningarsjóði Hans Adólfs Hjartarsonar, náms- og feröasjóði hjúkrunarfræðinga.
Hér með er auglýstur til umsóknar styrkur úr Minningarsjóði Hans Adólfs Hjartarsonar fyrir árið 2003. Sjóð-
urinn hefur til ráðstöfunar allt að 120.000 kr. Tilgangur sjóðsins skv. skipulagsskrá er að styrkja hjúkrunarfræð-
inga „til frekara náms og eins til ferðalaga í sambandi við félagsmál".
Stjórn sjóðsins hefur ákveðið að veita styrkinn til framhaldsnáms í hjúkrun.
Umsóknir sendist stjórn Minningarsjóðs Hans Adólfs Hjartarsonar, skrifstofu Félags íslenska hjúkrunarfræð-
inga, Suðurlandsbraut 22, 108 Reykjavík, fyrir 15. apríl 2003, með sem fullkomnustum upplýsingum um
hvernig umsækjandinn hyggst nota styrkinn.
Minningarsjóður Hans Adólfs Hjartarsonar, framkvæmdastjóra, var stofnaður í mars 1951 af ættingjum hans
og bekkjarsystkinum, en Hans Adólf lést í janúar 1951. Sjóðurinn var stofnaður til að styrkja hjúkrunarfræð-
inga í framhaldsnámi. Var það skv. ósk hins látna og þess jafnframt getið að hann hefði borið þakklæti í huga
fyrir góða hjúkrun á Landspítalanum.
Vextir af höfuðstól sjóðsins eru til úthlutunar til styrkja. Stjórn sjóðsins hefur ákveðið að veita 120.000 kr. styrk
árlega. Sjóðurinn er í vörslu Félags íslenskra hjúkrunarfræðinga og tekur skrifstofa félagsins við áheitum og
gjöfum í sjóðinn.
Timarit íslenskra hjúkrunarfræöinga 1. tbl. 79. árg. 2003
25