Tímarit hjúkrunarfræðinga - 01.03.2003, Blaðsíða 37

VIÐTAL
Hjúkrunarþjónustan Karitas
sjúklinga á Landspítala við Hringbraut og á
legu- og göngudeild í Fossvogi. Þar fór fram
mjög mikil starfsemi og sjúklingarnir fengu frá-
bæra þjónustu. Núna er öll starfsemin á Hring-
brautinni, á einni deild og örlitlum hluta ann-
arrar og þetta er eina krabbameinslækninga-
deildin á Islandi fyrir utan krabbameinslækn-
ingadeild kvenna. Þarna er lítil göngudeild þar
sem plássið er allt of lítið fyrir allt það fólk sem
er með þennan sjúkdóm, og læknarnir hafa tak-
markaðan tíma til að sinna sjúklingunum sín-
um. Fyrir sameininguna var hægt að senda
j sjúkling að heiman til skoðunar hjá lækni á
deildina í Fossvogi. Sjúklingurinn gat verið þar
í eftirliti í nokkrar klukkustundir og farið síðan
heim ef hann þurfti ekki að leggjast inn. Sjúkl-
ingurinn fékk þá úrlausn sinna mála strax en
þurfti ekki að bíða í langan tíma eða fara í langa
biðröð á bráðamóttöku eins og nú. Allir eru
sammála um að þjónustan hafi versnað til
muna, ekki síst sjúklingarnir. Núna þurfa þeir
að panta tíma hjá lækninum með löngum fyrir-
vara og það er ekki hægt að skjóta þeim þar inn
til að láta líta á þá þegar á þarf að halda.
Krabbameinssjúklingar eru einu sinni þannig
að þeir eru með einkenni NUNA og á þeim
þarf að taka FLJÓTT.“
.
- Hvaða lírræði hafa þeir þá?
„Bara bráðamóttökuna en hún er ekki rétti
staðurinn fyrir bráðveikan krabbameinssjúkl-
ing. Þeir þurfa að eiga samastað þar sem þeir
þurfa ekki að rekja sögu sína aftur og aftur.
Stað þar sem er fólk sem þekkir til þeirra sér-
stöku vandamála. Starfsfólkið á bráðamóttök-
unni er sama sinnis. Þetta er líka mjög mikið
afturhvarf frá því sem var þar áður þegar sjúkl-
ingar gátu komið beint inn á deildina sína.“
Ekki komist nærri eins langt og viö vildum
Og Hrund segir að vegna alls þessa sé ásóknin
í þjónustu Karitas orðin enn meiri og sjúklinga-
fjöldinn hafi aukist um helming. Til að sinna
þessari aukningu hafa þær einfaldlega unnið
meira. Opinberir aðilar virðist nefnilega ekki
hafa skynjað þetta ástand því enn eru aðeins
fjórir hjúkrunarfræðingar í fullu starfi sem
halda starfsemi Karitas gangandi. Að vísu hafa
fengist tvö aukaleyfi, annað tímabundið, svo nú
eru sex hjúkrunarfræðingar viðloðandi Karitas
en þar af er einn í barnsburðarleyfi og annar vinnur lítið.
Verst segir Hrund þó vera að Tryggingastofnun setur kvóta á
þær vitjanir sem þær mega fara í, þ.e. 70 á mánuði. Þetta
eigi allir bágt með að skilja og hún segir að í svona vinnu sé
afar erfitt að passa upp á að fara ekki yfir kvótann. Oft sé
það einfaldlega ekki hægt en þær vitjanir, sem farið er í fram
yfir kvótann, fái þær ekki greiddar. Þær hafi þvf engin önn-
ur ráð en skera niður þjónustuna en það þýðir aftur að inn-
lagnir verða fleiri á sjúkrahúsið, fáist pláss, og allir vita hvað
innlagnir kosta.
Nú er verið að vinna að nýjum samningi TR við hjúkrunar-
fræðinga í heimahjúkrun svo kannski verður unnin þarna
bragarbót á. Hrund er þó ekki bjartsýn og segir ákvörðun um!
svona þjónustu verða að koma frá heilbrigðisyfirvöldum en
ekki starfsfólki TR. Þar verði að taka um það ákvörðun hvort
sinna eigi sjúklingum f heimahúsum, og þá með öllu sem til
þess þarf, eða að það sé alls ekki gert.
Sjálf vildi hún sjá að veglegri fjárhæð væri veitt til rekstrar
og þróunar á því fyrirbæri sem Karitas er. Þær hjá Karitas
hafa farið á Auðar-námskeið þar sem þær hafa unnið úr ýms-
um hugmyndum til að útvíkka starfsemina.
„En starfið tekur svo mikla orku og við höfum ekki haft tíma
til að leita leiða til þess að afla fjár til að greiða stjórnanda,
eða einhverjum sem sæi um framþróun starfseminnar, og
höfum því ekki komist nærri því eins langt og við vildum,"
segir Hrund. „Öll okkar orka í þessi ár hefur fyrst og fremst
farið til þeirra sem hún á að fara, þ.e.a.s. sjúklinganna. Og
okkur langar til að halda áfram að starfa sjálfstætt á þessum
vettvangi," bætir hún við. „Og gera jafnvel enn betur þannig
að öll sú reynsla og þekking, sem tekist hefur að afla með
starfsemi Karitas í þessi 10 ár, komi enn fleirum til góða.“
Við Iátum þetta vera lokaorðin í spjalli okkar Hrundar en
þess má geta að ef einhverjir vilja láta fé af hendi rakna í
styrktarsjóð Karitas þá er hægt að fá um hann upplýsingar í
síma 551 5606. En auk þess að standa undir tækjakaupum
og að einhverju leyti menntun starfsmanna Karitas þá hafa
fjárhagslega illa staddir sjúklingar Karitas verið styrktir með
fé úr sjóðnum.
Bryndis Kristjánsdóttir
bryndisk@mmedia.is
Tímarit islenskra hjúkrunarfræðinga 1. tbl. 79. árg. 2003
35