Tímarit hjúkrunarfræðinga - 01.03.2003, Blaðsíða 34
Bryndís Kristjánsdóttir ræðir við Hrund Helgadóttur, einn af
stofnendum Hjúkrunarþjónustunnar Karitas
■ ■
Oll okkar orka hefur farið
til sjúklinganna
Hjúkrunarþjónustan Karitas fagnaði 10 ára afmæli í okt-
óber sl. en þjónustan hóf starfsemi sína 1. október 1992.
Hrund Helgadóttir er einn stofnendanna og var hún
fengin til að segja lesendum Tímarits hjúkrunarfræöinga
frá Karitas. Hún byrjar að segja frá aðdragandanum:
„Karitas varð eiginlega til út frá Heimahlynningu Krabba-
meinsfélags Islands. Þar höfðum við verið að störfum, ég og
Þóra Björg Þórhallsdóttir, hjúkrunarfræðingur, og sáum þörf
fyrir þjónustu sem Heimahlynning veitti ekki en það var
þjónusta við sjúklinga krabbameinslækningadeildar Land-
spítalans við Hringbraut. A þessum tíma var líknarmeðferð
rétt að taka sín fyrstu skref og menn voru ýmist með eða á
móti því að tala um líknandi meðferð. Við Þóra Björg fórum
í samstarf við stjórn spítalans og deildarinnar og vorum í
hlutastarfi við að þróa þjónustuna en fórum jafnframt í vitj-
anir í heimahús sem greiddar voru af Tryggingastofnun."
Hrund segir að nokkru síðar hafi hjúkrunarfræðingarnir
Kjellrun Langdal og Erna Haraldsdóttir komið til starfa hjá
Karitas og að töluverðar breytingar hafi orðið á starfseminni
í byrjun árs 1994. Það var í kjölfar þess að Tryggingastofnun
setti starfseminni ákveðna úrslitakosti, annars yrði samn-
ingnum við hana sagt upp.
„Við höfðum fengið aðsetur í einu horni herbergis aðstoðar-
lækna krabbameinslækningadeildarinnar og fengum þangað
sendan póst og geymdum þar pappíra. Að öðru leyti unnum
við aðeins í heimahúsum. Tryggingastofnun gerði miklar at-
hugasemdir við þessa aðstöðu inni á spítalanum og við urð-
um því að fara þaðan. Við leigðum okkur þá herbergi fyrir
ofan Laugavegsapótek, sem segja má að hafi verið okkar
sjúkrahúsapótek sem sá um allar sérþarfir sjúklinga okkar.
Þetta varð til þess að ákveðinn aðskilnaður varð við deildina
og samstarfið minnkaði. En fyrir vikið urðum við miklu sjálf-
stæðari og okkar vinna varð mælikvarði á gæði þjónustunnar."
Breytingar voru gerðar á rekstri Laugavegsapóteks og þá
þurfti Karitas aftur að flytja, í þetta sinn í núverandi hús-
32
Tímarit íslenskra hjúkrunarfræðinga 1. tbl. 79. árg. 2003
Karitas er komið úr latinu og merkir kærleikur. Karitas var ennfremur
gyðja kærleikans og dregur hjúkrunarþjónustan nafn sitt af henni.
næði starfseminnar að Ægisgötu 26. Þar hefur
Karitas haft aðsetur í fjórum litlum herbergjum
sem þó duga starfseminni vel. I upphafi, þegar
Hrund fékk leyfið frá TB til að stunda heima-
hjúkrun, fékk hún 20.000 kr. í rekstrarstyrk og
síðan ekki söguna meir. Fjárskortur hefur því
alltaf háð starfseminni þó hún hafi að öðru
leyti gengið ágætlega. „Við fáum vitjanalaun,"
segir Hrund. „En öll þessi ár höfum við sinnt
bakvöktum launalaust. Við skiptum með okkur
vöktum allan sólarhringinn, allan ársins hring,
en fáum ekki laun fyrir það. Við fáum þó greitt
sérstaklega ef við erum kallaðar út. Ef vitjanir á
bakvakt eru skipulagðar fyrir fram eru aðeins
greidd dagvinnulaun og þá er alveg sama hvort
þær eru að næturlagi eða á stórhátíðum. I ár-
anna rás höfum við oft rætt um að reyna að fá
fjárveitingu einhvers staðar til að standa
straum af kostnaði við bakvaktirnar, s.s. frá
Krabbameinsfélagi Islands sem sér um að
greiða bakvaktastarfsemi Heimahlynningar,
eða frá einhverjum öðrum.
En við höfum alltaf komist að þeirri niðurstöðu
að við kjósum heldur að halda áfram að vera al-
veg sjálfstæðar og óháðar nokkrum launagreið-