Tímarit hjúkrunarfræðinga - 01.03.2003, Blaðsíða 41

VIÐTAL
Guðrún Einarsdóttir hjá
Heimahlynningu K.l.
enn fremur sé mikið og gott samstarf á milli
hjúkrunarfræðinganna. „Við förum til skiptis í
vitjanir til skjólstæðinga okkur og það kemur vel
út því betur sjá augu en auga. Einn hjúkrunar-
fræðingur er á bakvakt alla daga, sólarhring í
senn hvert okkar, og alltaf er hægt að ná í lækni.“
- Hver finnst þér helsti munurinn á starfi
þínu á spítalanum og í Heimahlynningu?
„Hér er starfið miklu persónulegra. Það gefst
meiri tími með hverjum og einum og hægt að
sinna sjúklingunum betur andlega, en andleg
líðan verður ekki skilin frá þeirri líkamlegu í
hjúkrun."
- Þessi nánd og aðstæðurnar sem þií nefnir.
Veldur það ekki auknu álagi á hjúkrunar-
fræðinginn?
Guðrún svarar því til, að starfinu fylgi oft erfið-
ar aðstæður en bætir við: „En hvort þær valda
auknu álagi veit ég ekki, kannski frekar öðru
vísi álagi. Hvað mig sjálfa varðar tel ég mikil-
vægt að vera búin á ná færni í að aðskilja vinnu
og einkalíf þó það takist ekki alveg alltaf.“
Fjölskylduvænt starf
Guðrún er gift og á þrjú börn, 20 ára, 16 ára og 6 ára. Hún
segir að Heimahlynningin sé mun fjölskylduvænni en
sjúkrahúsvinnan því vaktavinnan þar sé erfið fyrir alla fjöl-
skylduna. „Nú er ég á bakvakt sjötta hvern sólarhring og get
verið heima á milli útkalla. Það var gaman að vinna á sjúkra-
húsinu en álagið var mikið og vinnutíminn óreglulegur. Það
er stór þáttur í því að mínu mati að hjúkrunarfræðingar leita
í æ ríkara mæli starfa utan sjúkrastofnana."
- Eru hjúkrunarfræðingar þá að fjarlægjast sjúklingana á
spítölunum að þínu mati?
„Það held ég nú ekki, þetta hefur breyst samfara styttri legu-
tíma. Þar af leiðandi er hraðinn oft meiri og tengslin við
sjúklinginn kannski ekki eins mikil og náin og áður,“ svarar
hún.
Guðrún er að lokum spurð, hvort einskis sé að sakna frá
spítalalífinu. Hvað til dæmis með ímyndina, búninginn?
„Taskan mín tók svolítið við þessu hlutverki sem þú nefnir
með búninginn. Ég er alltaf með töskuna mína með mér.
Hún veitir mér eflaust visst öryggi,“ segir Guðrún brosandi,
og við þökkum henni skemmtilegt viðtal.
Fríöa Proppé, fproppe@isl.is
Fréttir frá Innsýn
Síðastliðið ár hjá Innsýn (félagi hjúkrunarfræðinga sem
starfa viö speglanir á meltingarvegi og öndunarfærum)
var fremur rólegt og stórtiöindalítið. Þó voru félagar
sem oft áður á faraldsfæti á ráöstefnur hér og þar um
heiminn. í byrjun ársins 2002 var haldin heimsráöstefna
meltingarlækna og speglanahjúkrunarfræðinga i Ban-
kok íTælandi. Tveir hjúkrunarfræðingarfrá Innsýn sóttu
þessa ráöstefnu sér til fróöleiks og skemmtunar.
Síðastliöið vor var amerisk ráðstefna fyrir speglana-
hjúkrunarfræðinga haldin í Arizona í Bandaríkjunum og
sótti einn Innsýnarfélagi þá ráðstefnu og á svipuðum
tima var norræna ráöstefnan haldin, að þessu sinni i
Danmörku. Einn íslenskur hjúkrunarfræöingur sótti
einnig þá ráðstefnu. Að lokum, þ.e.a.s. i október, var svo
evrópska meltingarráðstefnan haldin í Genf í Sviss og
sóttu hana að þessu sinni fjórir Innsýnarfélgar. Það er
gaman að geta sagt frá þvi hversu duglegir íslenskir
hjúkrunarfræðingar eru að sækja sér símenntun og
fræðslu og hversu vel þeir fylgjast meö þeim nýjungum
sem boðið er upp á í faginu.
Það kemur berlega í Ijós þegar við förum til útlanda á
ráðstefnur að við hér í íslandi erum mjög framarlega í þessu fagi og
erum fljót að tileinka okkur nýjungar, bæði tæknilega séö og í öllu því
sem við kemur hjúkruninni. Það er einnig í þessu sambandi gaman að
geta þess að í tengslum við ráðstefnuna í Genf var haldinn fundur hjá
SIGNEA, sem eru alþjóðsamtök hjúkrunarfræðinga sem starfa við spegl-
anir, og var formaður Innsýnar, Herdís Ástráðsdóttir, kjörin í stjórn
þeirra samtaka.
Undanfarin ár hefur veriö starfandi nefnd á vegum ESGENA (Evrópu-
samtaka hjúkrunarfræðinga sem starfa við speglanir) sem hefur haft
það hlutverk að gera tillögur að starfslýsingu speglanahjúkrunarfræö-
inga og einnig aö leggja fram tillögur um hvernig að sérnámi þessara
hjúkrunarfræðinga skuli staðið. Einn íslenskur hjúkrunarfræðingur situr
í þessari nefnd. Nefndin hefur nú nýverið skilað sínum tillögum og
verða þær kynntar félögum í Innsýn innan skamms.
Aðalfundur Innsýnar var haldinn i nóvember 2002. Á dagskrá fundarins
voru venjuleg aðalfundarsörf. Einn stjórnarmeölimur baðst lausnar og
var annar hjúkrunarfræðingur frá sömu stofnun kosinn í stjórn í henn-
ar stað. Að ööru leyti var stjórnin endurkjörin óbreytt.
Aö lokum sendi ég, fyrir hönd félaga i Innsýn, bestu óskir til ykkar allra
um gleðilegt ár.
Ragnheiöur Gunnarsdóttir,
gjaldkeri í stjórn Innsýnar
Tímarit íslenskra hjúkrunarfræöinga 1. tbl. 79. árg. 2003
39