Tímarit hjúkrunarfræðinga - 01.03.2003, Blaðsíða 40

Fríða Proppé ræðir við Guðrúnu Einarsdóttur, hjúkrunarfræðing
hjá Heimahlynningu Krabbameinsfélags Islands
Starfa í nánasta
umhverfi sjúklingsins
Aðalmunurinn á því að vinna við aðhlynningu í heimahús-
um og spítala er, að nálægðin við sjúklinginn er meiri í
heimahúsum. Einnig gefst meiri tími meö hverjum og ein-
um þannig að hægt er að sinna andlegri líðan sjúklinganna
og aðstandenda þeirra betur. Andlega líöanin verður aldrei
skilin frá þeirri líkamlegu í hjúkrun, segir Guðrún Einars-
dóttir, hjúkrunarfræðingur hjá Heimahlynningu Krabba-
meinsfélags Islands, m.a. í viðtalinu sem hér fer á eftir. Enn
fremur segir hún starfið í Heimahlynningu fjölskylduvænna
en spítalastarfið. Guðrún útskrifaðist sem hjúkrunarfræð-
ingur frá Háskóla Islands 1995 og starfaði fyrstu sex árin
á almennri handlækningadeild á Landspítala-háskóla-
sjúkrahúsi. Síðan lá leiðin í Heimahlynningu Krabbameins-
félagsins en þar hafði hún starfað í tvö ár í janúar sl.
Við hittum Guðrúnu að máli í húsnæði Krabbameinsfélags-
ins við Skógarhlíð. Hjúkrunarfræðingarnir hjá Heimahlynn-
ingu, sem eru sex talsins, eru sjálfstætt starfandi. Krabba-
meinsfélagið veitir þeim aðstöðu og greiðir þeim ákveðna
upphæð á mánuði fyrir bakvaktir en að öðru leyti stendur
Tryggingastofnun ríkisins undir greiðslu þjónustunnar. Auk
þeirra starfa við Heimahlynningu þrír læknar í hlutastarfi og
einn ritari í hálfu starfi.
Aðspurð segir Guðrún að flestir sjúklingarnir, sem Heima-
hlynning annast, séu krabbameinssjúklingar þó undantekn-
ingar hafi verið frá því. Sjúklingunum er vísað til þeirra af
sérfræðingum, líknarteymi Landspítala-háskólasjúkrahúss,
hjúkrunarfræðingum eða aðstandendum. „Sjúklingarnir,
sem við sinnum, eru yfirleitt með langt genginn sjúkdóm og
er því um að ræða líknandi meðferð. Algengt er að sjúkling-
arnir séu einnig í lyfja- eða geislameðferð og þá fyrst og
fremst til að halda niðri eða draga úr einkennum sem fylgja
sjúkdómnum," segir Guðrún.
Heimahlynning Krabbameinsfélagsins sinnir að meðaltali
45-50 sjúklingum hverju sinni. Þjónustusvæðið er Stór-
Reykjavíkursvæðið, að Kjalarnesinu undanteknu.
Guðrún Einarsdóttr, hjúkrunarfræðingur hjá Heimahlynningu
Krabbameinsfélags islands.
Að sjúklingi líði sem best
„Við vinnum í heimahúsum og erum því inni í
nánasta umhverfi sjúklingsins og fjölskyldu
hans. Við störfum því á forsendum sjúklingsins
og vinnum við þær aðstæður sem hann býr við.
Til að bæta aðbúnað sjúklings og vinnuaðstöðu
útvegum við ýmis hjálpartæki, svo sem sjúkra-
rúm, baðbretti og fleira," segir Guðrún og bætir
við: „Mjög misjafnt er hversu oft hver sjúklingur
er heimsóttur, það getur verið allt frá einu sinni
í viku upp í nokkrum sinnum á sólarhring.
Neyðarlínan veitir Heimahlynningu símþjón-
ustu og þannig er hægt að ná í hjúkrunarfræðing
allan sólarhringinn alla daga ársins."
- I hverju felst þjónusta ykkar þegar heim til
sjúklingsins er komið?
„Þjónusta okkar felur í sér allt sem lýtur að
þörfum sjúklingsins til að honum líði sem allra
best. Einkennameðferð er hluti starfsins en
hún felur til dæmis í sér að stilla verki og ógleði
og er stöðugt mat á líðan sjúklingsins. Við tök-
um til lyf, fræðum og styðjum sjúklinginn og
fjölskyldu hans. I raun veitum við í heimahús-
um því sem næst alla þá þjónustu sem viðkom-
andi fengi inni á sjúkrastofnun."
Betur sjá augu en auga
Guðrún segir mikið öryggi að hafa beinan aðgang
að læknunum því alltaf sé hægt að hringja í þá og
38
Timarit islenskra hjúkrunarfræöinga 1. tbl. 79. árg. 2003