Morgunblaðið - 23.11.1976, Blaðsíða 11
MORGUNBLAÐIÐ, ÞRIÐJUDAGUR 23. NÖVEMBER 1976
11
í UMRÆÐUM um skyldur og
réttindi nútimafólks, meðal annars
þegar talað er um skattamál og ótal
mörg efni önnur, er ekki lengi talað
unz að því er komið, að sjálfsagt sé
að stefna að því markmiði að fólk —
og þá er í flestum tilvikum átt við
konur — geti valið, hvort það vill
vinna heima hjá sér eða vinna utan
heimilis
Það gleymist svo yfirleitt, og er
sárgrætilegt til þess að vita, að geta
um þann þjóðfélashóp, sem ekki
getur valið, þ.e einstæða foreldra,
þar sem þeir hafa aðeins á sjálfa sig
að treysta sem fyrirvinnu heimilis og
hið opinbera sem skammtar barna-
lífeyri og foreldralaun virðist sannar-
lega ekki á þeim buxunum að
nálgast það hugarfar að þetta fólk
geti valið, hvort það vill vera heima
hjá sér eða vera úti á vinnumarkaði
Af þessu leiðir að einstæðir for-
eldrar verða að kaupa gæzlu fyrir
börn sín og eins og rakið hefur verið
er ástandið l þeim málum þannig að
ekki komast einu sinni öll þau börn
einstæðra foreldra sem um það
sækja á dagheimili og verður þð að
koma til einkafóstrun sem getur
verið ágæt svo langt sem hún nær
en er til muna ótryggari en dag-
heimili, þar sem konur sem taka
börn heim til sín geta fyrirvaralaust
hætt því og sagt börnunum upp og
þá tekur við leitin að nýrri pössun og
svo koll af kolli
En vandinn er ekki aðeins leystur
með dagheimilum, þar sem þau ná
aðeins til þess er barnið verður sex
ára. Og ekki getur foreldrið hætt að
vinna og hver heilvita maður sér að
sex ára barn er ekki þess umkomið
að annast sjalft sig að undanteknum
þeim eina og hálfa klukkutíma sem
það er í skóla
Því foreldri sem veit barn sitt
flækjast um án umhirðu og öruggs
skjóls líður naumast vel í starfi slnu.
þegar þarf að hafa sifelldar áhyggjur
KYNNING Á DAGVISTUNARMÁLUM
Jóhanna
Kristjóns-
dóttir:
af barni eða börnum, sem svo er
ástatt fyrir.
Mjög fljótlega eftir að Félag ein-
stæðra foreldra var stofnað fyrir sjö
árum, komu því upp þær raddir að
nauðsynlegt væri að koma á fót
skóladagheimili fyrir börn eftir sex
ára aldur, þ.e. fyrir allan barnaskóla-
aldurinn Einhverjar tilraunir höfðu
verið gerðar með slík heimili, en
þær runnið út i sandmn og enda
var róðurinn býsna þungur, þegar
Skóladagheimilin
haf a sannað ágæti sitt
félagið reyndi að hefjast handa og
gera viðkomandi yfirvöldum Ijóst
hversu brýnt hagsmunamál hér væri
á ferðinni fyrir börn og foreldra.
Málið var kynnt eftir föngum og
Albert Guðmundsson, alþm., lét það
þá snöfurmannlega til sín taka.
Hann lánaði félaginu húseign sem
hann átti í Skipasundi og FEF endur-
lánaði húsið síðan borginni. Var
þetta heimili gert vel úr garði og
starfsemi hófst þar upp úr áramót- 1
um 1971
Á skóladagheimili koma börn
straxá morgnan^fá þar morgunverð
og þaðan eru þau send í skóla og
fylgzt með að þau sæki sína auka-
tíma. Þau borða þar í hádegi og
drekka þar síðdegiskaffi og viss tími
fer síðan í að búa sig undir skólann
næsta dag. Þvi er barnið undirbúið
þegar heim kemur og þarf því for-
eldri ekki að hafa af því stöðugar
áhyggjur eða að minna á skóla
námið Reynslan af heimilinu i
Skipasundi. sem frá upphafi hefur
verið undir stjórn Hólmfriðar Jóns-
dóttur varð svo jákvæð að borgin
ákvað að beita sér fyrir uppbygg-
ingu þessara heimila og stefnt var
að því að eitt tæki til starfa á ári, unz
fimm væri náð og síðan yrði áfram
haldið
Það vó þungt á metunum er
skólastjórar viðkomandi skóla sem
börnin sóttu gáfu þeim þann vitnis-
burð að bæði hegðan þeirra og
frammistaðá hefði i flestum tilvikum
tekið miklum framförum. þau
komust i öruggt skjól heimilisins.
Næsta heimili var siðan sett á stofn i
Heiðargerði, hið þriðja i Skála við
Kaplaskjólsveg og í haust tók svo
hið fimmta til starfa i Auðarstræti.
Borgin hefur og hug á að koma upp
að minnsta kosti tveimur heimilum i
Breiðholti hið fyrsta enda þörfin þar
brýn. Enda þótt áætlun borgarinnar
um fimm skóladagheimili á fimm
árum hafi ekki staðizt ber þó að
fagna þvi sem tekizt hefur og að
viðurkenning hefur fengizt fyrir þvi
að þessi heimili séu nauðsynleg.
Sú hefur orðið reyndin að aldur
barna á þessum heimilum er yfirleitt
6— 1 0 ára og eftir þann tíma sækja
börn ekki skóladagheimili, enda þótt
heimilt sé að veita allt upp i 1 2 ára
börnum dvöl þar. Segja má og að
tíu ára séu börnin orðin allvel sjálf-
bjarga, svo að allt öðru máli gegnir
um áðstöðu þess eða hinna yngri
barnanna
Hið sama gildir með skóladag-
heimili og aðrar dagvistarstofnanir
að ég lít svo á að þau séu ekki ill
nauðsyn heldur mjög jákvæð lausn
á málum barnanna Og sömuleiðis
teldi ég æskilegt að þar væru ekki
aðeins hinir margumræddu for-
gangshópar, þ.e börn einstæðra
foreldra og námsmanna. heldur
ættu þar öll börn að eiga aðgang ef
þau vildu og þyrftu á að halda Öll
þessi heimili eru til húsa í gömlum
húsum, sem ekki hafa verið byggð
sérstaklega. heldur eru bara ósköp
venjuleg íbúðarhús og hvergi er
..stofnanabragur" innan veggja. Þá
hefur verið farin sú leið að takmarka
barnafjölda á heimilunum bæði með
tilliti til plássins á hverjum stað og
svo til að hverju barni verði sinnt
betur og nákvæmar en ella væri
unnt Skóladagheimili hafa sem bet
ur fer sannað tilverurétt sinn eins og
að hefur verið vikið og reynslan
hefur sýnt að foreldrar og börn
kunna vel að meta þau því er
óskandi að borgaryfirvöld sjái hag
sinn og sóma I því að láta ekki
deigan síga og vinni að framgangi
skóladagheimilismála til jafns við
aðra uppbyggingu í dagvistunarmál-
um almennt
ORÐ í EYRA
Prjónaskapur
Þar kom að þvl að svoköll-
uðu starfsfólki sjónvarpsins
tókst að skemmta þjóðinni svo
um munaði. — Að vísu hefur
dálaglegur hluti þess hóps
verið til þess ráðinn undanfar-
inn áratug. Gott ef ein deild
þessarar eðla stofnunar ber
ekki nafnið lista- og skemmti-
deild eða eitthvað I þá veru. —
Menn minnast þess samt ekki
að því fólki tækist að vekja
mönnum annað en leiða og
munu kjallaraþættir nýjasta
dæmið um slíkt — En Lén-
harður fóviti það dýrasta.
— Nú brá hinsvegar svo við
að grínið tókst. Sjónvarps-
stjórnur af öllum gráðum,
allfrá verðlaunuðum málrófs-
mönnum uppí smfnkara og
hárgreiðsluséní, settust sumsé
niður og prjónuðu I stað þess
að sinna öðrum og tilgángs-
minni verkefnum. Og það voru
blaðaviðtöl við prjónafólkið.
Og það birtust myndir af
huggulegheitunum. Fólkið
vildi hærra kaup.
Fæstum þótti það tíðindum
sæta. Á tslandi mun vandfund-
inn sá maður sem ekki telur
sig þurfa og eiga skilið hærra
kaup. Það eru bara misjafnar
aðferðir sem menn nota tilað
vekja athygli á þessu áhuga-
máli sínu.
— Sjálfsagt var það yfirsjón
af okkur að rísa ekki upp og
heimta sjónvarpsfólkið frá
prjónunum á skerminn. —
Kannski var það dónaskapur
að lýsa ekki samstöðu með
hinum þjáðu einsog gerðu
flugmenn og stjórn starfs-
mannafélags Tryggfngastofn-
unar ríkisins? — Eftilvill var
það skortur á kurteisi að fara
ekki í fýlu og bölva stjórninni
fyrst hún borgaði Eiði ekki
nóg til þess að hann mætti
opinberast landslýðnum á
skjánum einsog fyrridaginn?
En þjóðinni láðist þetta allt.
Margir voru meiraðsegja
guðslifandi fegnir og flestir
skemmtu sér prýðilega.
Nú er skemmtuninni
þvímiður lokið og Kólumbó
leysir prjónaskapinn af hólmi.
Og sjónvarpsmenn hóta okkur
þvf jafnvel að vinna á fimmtu-
dögum — hvurju Guðs misk-
unn forði.
Væri ekki nær að lofa þeim
að prjóna?
Plúpp fer
til íslands
Ný myndabók fyrir
börn frá AB
PLUPP fer til Islands nefnist
nýútkomin myndabók fyrir börn
eftir senska teiknarann og barna-
bókahöfundinn Ingu Borg. Utgef-
andi er Almenna bókafélagið.
Efni bókarinnar er ævintýri um
lftinn huldusvein f Norður-
Svíþjóð, sem er ósýnilegur
mönnum en ekki dýrum og getur
talað við hvaða dýr sem er. Huldu-
sveinninn tekur sér langferð á
hendur og lendir á Islandi. Þar
kemst hann f kynni við mörg dýr,
sel, veiðibjöllu, sauðkind, hest,
krumma o.fl. og með hjálp þeirra
skoðar hann landið, einkum það
sem sérkennilegast er hér að sjá
svo sem Surtsey, jökla, hveri,
hraun, Mývatn o.s.frv. Bókin er
þvf ævintýri samið f fræðslutil-
gangi, kynning á landinu og sér-
kennum þess.
Myndirnar eru ýmist f titum eða
svarthvítar og allar gerðar af
höfundi.
Plúpp litli og ferðalög hans eru
fræg f barnaheimi Svíþjóðar. Er
Plúpp þar bæði aðalpersóna I
mörgum bókum og sjónvarps-
stjarna.
Bjoðið gestunum
í Blómasalinn
! Paö er skemmtilegt og stundum
Is nauösynlegt aö taka vel á móti fólki
— án sérstakrar fyrirhafnar.
Hvort sem um vináttu- eöa
l§ viðskiptatengsl er aö rseöa er þægi-
legt og stundum ómetanlegt aö geta
setið og spjallað saman í ró og næöi
yfir góðri máltíö.
HÓTEL
LOFTLEIÐIR
I Blómasalnum á Hótel Loftleiðum
er glæsilegt kalt borö í hádeginu.
Þar aö auki fjölbreyttur matseðill.
Og notalegur bar.
Opið 12-14.30 og 19-22.30.
Sími 22322