Morgunblaðið - 23.11.1976, Blaðsíða 31

grannur, kvikur ( hreyfingum og
allar stundir lifandi af atorku,
dulur um sína hagi, prúður í
framgöngu og stilltur vel. Allir
báru ósjálfrátt traust til hans.
Skapmaður mun hann hafa verið,
það sýnir dugnaður hans og harð-
fengi við öll störf. En skapsmun-
irnir voru svo vel tamdir að ég
hygg að enginn, hvorki skyldur
né vandalaus, hafi séð hann
skipta skapi. Hann gat verið fast-
ur fyrir og lét þá ekki hlut sinn þó
að eftir væri leitað.
Þorkell var hlédrægur að eðlis-
fari, fámáll hversdagslega og þag-
mælskur, en gamansamur gat
hann verið og alltaf hlýr í við-
móti.
I vinahópi var hann glaðastur
allra, enda gæddur sérstæðu og
persónulegu skopskyni, hnyttinn
í svörum og spaugsamur.
Á sínum yngri árum iðkaði
hann taflmennsku nokkuð og var
vel liðtækur á þvf sviði, hefði
vafalaust getað náð langt á þeirri
braut, ef hann hefði lagt meiri
rækt við þá íþrótt.
Þorkell tók ekki mikinn þátt i
félagsmálum, enda áttu þau störf,
sem hann stundaði, oftastnær
óskipta atorku hans. Hann var þó
á yngri árum virkur félagi I Ung-
mannafélagi Bolungarvikur og
starfaði mikið í því félagi um
skeið.
Samborgarar hans höfðu þó
auga fyrir starfshæfni hans og
kvöddu hann til starfa i almenn-
ingsþágu og þá stóð ekki á honum
að svara kallinu, þegar til hans
var leitað.
Hann var kosinn i hreppsnefnd
Hólshrepps á lista Sjálfstæðis-
flokksins árið 1958 og sat i
hreppsnefnd til ársins 1966.
1 einkalifi sfnu var Þorkell
hamingjumaður, hann kvæntist
24. desember 1944 Margréti í>or-
gilsdóttur ættaðri úr Bolungar-
vik. Hún bjó honum einkar hlý-
legt og smekklegt heimili á Skóla-
stig 7 í Bolungarvik og þar hafa
þau búið lengst af sfnum búskap.
Hjónaband þeirra hefur verið
ástúðlegt og farsælt, enda hefur
hún staðið ótrauð við hlið hans f
nærfellt þriðjung aldar. 1 lang-
vinnum veikindum hans hefur
hún best sýnt, hve mikilhæf hún
er og hvað í henni býr, með sfnum
óbifanlega kjarki og dugnaði.
Margrét lifir mann sinn ásamt 5
börnum þeirra, en þau eru þessi:
Guðlaug Málfríður, gift Guð-
brandi Benediktssyni rafvirkja-
meistara, Helga Jóna, kennari,
gift Stefáni Þórarinssyni lækni á
Egilsstöðum, Katrfn, lögreglu-
kona, gift Berki Skúlasyni lög-
reglumanni, Bjarni Jón, 19 ára, í
menntaskóla, og Anna Sigríður,
12 ára, I foreldrahúsum.
Dóttursynirnir eru orðnir þrir
og tveir þeirra heita nöfnum afa
sins. Þeir voru honum mjög kærir
og ég hygg að þeir hafi verið
skærustu sólargeislarnir, sem
skinu á sjúkrabeð afa sins.
Þorkell var mikill heimilisfaðir,
góður faðir barna sinna og heimil-
ið var honum allt. Þar vildi hann
helst vera f faðmi fjölskyldunnar,
þær stopulu stundir, sem hann
Afmælis-
og
minningar-
greinar
ATHYGLI skal vakin á þvf, að
afmælis- og minningargreinar
verða að berast blaðinu með
góðum fyrirvara. Þannig verð-
ur grein, sem birtast á i mið-
vikudagsblaði, að berast ( sfð-
asta lagi fyrir hádegi á mánu-
dag og hliðstætt með greinar
aðra daga. Greinar mega ekki
vera f sendibréfsformi eða
bundnu máli. Þær þurfa að
vera vélritaðar og með góðu
Ifnubili.
MORGUNBLAÐIÐ, ÞRIÐJUDAGUR 23. NÓVEMBER 1976
39
Guðlaug Ottesen
— Minningarorð
átti frá umsvifamiklum og eril-
sömum störfum.
Þorkeli frænda mfnum á ég
skuld að gjalda, sem héðan af
verður ekki goldin til fulls. Ég
átti þvf láni að fagna að búa á
barns- og unglingsaldri f þrjá vet-
ur á heimili móður hans og þeirra
systkina, ekki þarf að orðlengja
það, að mér hefði ekki liðið betur
f foreldrahúsum.
Mest hændist ég samt að þess-
um stóra og hlýja frænda mfnum
sem alltaf var heima og var mér
svo góður, að mér fannst hann
vera stóri bróðir minn, hann tók
mér lfka eins og að ég væri litli
bróðir hans.
Allt þetta og ótalmargt annað
þakka ég og fjölskylda min nú að
leiðarlokum.
Við biðjum honu*n allrar bless-
unar handan við móðuna miklu.
Margréti, börnum hennar og
barnabörnum, systkinum hans og
öðru venslafólki sendum við inni-
legustu samúðarkveðjur og biðj-
um hinn hæsta höfuðsmið að
styðja þau og styrkja I raunum
þeirra og sorg.
Guð blessi frænda minn.
JAn Ólafur Bjarnason.
Fædd 27. september 1932
Dáin 11. nóvember 1976.
„Mætari er silfri f sjóði sólfögur
minning."
Þessi vfsuorð rifjuðust upp
fyrir mér, er ég nú með trega f
huga festi á blað fáein kveðjuorð
um vinkonu mina Guðlaugu
Ottesen. Minningarnar leita á
hugann, enda margs að minnast
frá 26 ára órofa vináttu. — Gulla
eins og hún var ætfð kölluð, var af
mætu og góðu fólki komin i báðar
ættir og bar þess rækileg merki.
Hún var sérstæður og ógleyman-
legur persónuleiki öllum þeim,
sem kynntust henni. Leiftrandi
kimni, orðheppni og frjálsleg
framkoma voru heillandi eigin-
leikar f fari hennar. Við nánari
kynni duldist engum að hún var
vel greind og hjartalagið einstak-
lega viðkvæmt og hlýtt. Er
áhyggjuleysi æskuáranna lauk,
tóku við alvara og ábyrgð lffs-
starfsins.
Gulla var farsæl gæfu-
manneskja i Iffi sinu og starfi.
Hún giftist eftirlifandi eigin-
manni sfnum, Þorkeli Gunnars-
syni deildarstjóra, árið 1956. Börn
þeirra fjögur bera vott góðs og
kærleiksrfks uppeldis
foreldranna beggja. Nú eiga þau á
bak að sjá mætri og góðri móður.
— Og mikill er missir yngri
dótturinnar, sem er aðeins sex
mánaða gömul.
Með kjarki og reisn mætti Gulla
örlögum sfnum f strangri bana-
legu. Hún er harmdauði öllum
þeim, er hana þekktu, en
minningin um hana er vafin
heiðríkju góðvildar í hugum
okkar vina hennar og vanda-
manna. Mannúð f orðsins bezta
skilningi var rauði þráðurinn i
gegnum líf hennar allt.
Með þakklæti í huga kveð ég
kæra vinkonu. Ég bið börnum
hennar, eiginmanni og fjölskyldu
styrks f þungum raunum og
blessunar Guðs alla ókomna daga.
Blessuð sé minning góðrar
konu.
Gyða Jónsdóttir.
PHILCO ÞVOTTAVÉLAR
frábærgæoi
1. Heitt og kalt vatn inn — sparar tíma og
rafmagnskostnað.
2. Vinduhraði allt að 850 snún/mín — flýtir
þurrkun ótrúlega.
3. 4 hitastig (32/45/60/90°C) — hentar öll-
um þvotti.
4. 2 stillingar fyrir vatnsmagn — orkusparnaður.
5. Viðurkennt ullarkerfi.
6. Stór þvottabelgur — þvær betur fulla vél.
7. 3 mismunandi hraðar í þvotti og tveir í vindu
—tryggir rétta meðferð alls þvottar.
8. Stór hurð — auðveldar hleðslu.
9. 3 hólf fyrir sápu og mýkingarefni.
10. Fjöldi kerfa — hentar þörfum og þoli alls
þvottar.
11. Nýtt stjórnborð skýrir með táknum hvert
þvottakerfi.
12. Fullkomin viðgerðarþjónusta — yðar hagur.
Sparið rými:
Þurrkarinr. ofan á þvottavél-
inni og handhægt útdregið
vinnuborð á milli.
heimilistæki sf
HAFNARSTRÆTI 3 — 20455 SÆTÚNI 8 —15655