Morgunblaðið - 04.04.1978, Page 22

22
MORGUNBLAÐIÐ, ÞRIÐJUDAGUR 4. APRÍL 1978
AUSTFIRÐINGAR OG ÞINGEY-
INGARSETTU MESTAN SVIP
Á LANDSFLOKKAGLÍMUNA
LANDSFLOKKAGLÍMAN var háð í 30. skipti á sunnudag-
inn og að þessu sinni var glímt í íþróttahúsi Kennaraháskól-
ans. Keppendur voru 27 í fullorðins- og unglingaflokkum.
Mest var þátttakan í drengjaflokki en þar mættu 9 drengir
til leiks. I öðrum flokkum var þátttaka minni og í sumum
voru aðeins þrír keppendur. Ef á heildina er litið var
keppnin skemmtileg og margar góðar glímur voru þar
glímdar. Það vakti sérstaka athygli að þessu sinni að
Austfirðingar og Þingeyingar tefldu fram mjög góðum
unglingasveitum og virðist mest gróska vera í glímu í
Mývatnssveit og á Reyðarfirði um þessar mundir.
Austfirðingar (ÚIA) hlutu tvo íslandsmeistara, Þingeying-
ar (IISÞ) tvo, Ármann einn og KR einn íslandsmeistara.
Sigurvegarnir í Landsflokkaglímunni 1978 og þar með íslandsmeistarar í sínum flokkum þetta árið.
Talið frá vinstrn Hjörtur Þráinsson HSÞ, Ólafur H. Ólafsson KR, Auðunn Gunnarsson UÍA, Þóroddur
Ilelgason UÍA. Guðmundur Freyr Halldórsson Ármanni og Ingi Þ. Yngvason HSÞ. Ljósm.i RAX.
Úrslit í einstökum flokkum
urðu sem hér segin
YFIRÞYNGD (YFIR 84 KG)
vinningar
1. Ingi Þ. Yngvason HSb 2,
2. Guómundur Ólafsson Á 1
3. Ingvar Engilbertsson Víkv. 0
Urslitaglíman í þessum flokki
var milii Inga og Guðmundar og
lagði Ingi Guðmund eftir snörp
átök. Tvíburabróðir Inga, Pétur,
var einnig skráður til leiks en
hann forfallaðist vegna veikinda.
MILLIÞYNGD (75-84 KG)
vinningar
1. Guðmundur Freyr IIalldórs.son Á 3'k
2. Eyþór Pétursson HSÞ 3
3. ómar Úlfarsson KR 2
4. Hjálmur Sigurðsson Vfkv. \'k
5. Árni Bjarnason KR 0
Mesta athygli í þessum flokki
vakti slök frammistaða nýbakaðs
skjaldarhafa Hjálms Sigurðsson-
ar. Hann var í einhverju óstuði og
var aðal baráttan milli Guðmund-
ar og Eyþórs. Síðustu glímuna í
þessum flokki glímdu þeir
Guðmundur og Hjálmur og leit út
fyrir að jafngli'mi yrði, en þá
hefði þurft að fara fram auka-
glíma milli Guðmundar og
Éyþórs. En rétt áður en bjalla
tímavarðar gall kom Guðmundur
bragði á Iljálm, sem hann virtist
geta varizt cn í gólfið fór hann og
Guðmundur varð sigurvegari.
Hann var vel að sigrinum kominn
en gaman heíði verið að sjá þá
eigast við Guðmund og Eyþór í
aukaglimu, en viðureign þeirra í
keppninni hafði lokið með jafn-
glími. Guðmundur er gamal-
rcyndur glimumaður en Eyþór
kornungur gh'mumaður, mjög
sterkur og fimur í vörn en helst
til ragur að reyna fyrir sér með
brögð. Ómar Ulfarsson var nú
með að nýju eftir nokkurt hlé og
var kappsfullur sem fyrr.
LÉTTÞYNGD (UNDIR 75 KG)
vinnin«ar
1. Þóroddur Helgason UÍA 2
2. Jón Magnússon KR 1
3. Halldór Konráðsson Víkv. 0
Enginn vaíi var með úrslit í
þessum flokki. Þóroddur var
áberandi beztur. Hann er sérstak-
lega skemmtilegur glímumaður,
senm vonandi á eftir að sjást oft
á mótum.
UNGLINGAFLOKKUR
vinningar
1. Auðunn Gunnarsson UKÍA 2
2. Helgi Bjarnason KR 1
3. Ásgeir Víglundsson KR 0
Það er á engan hallað þótt þvi'
sé slegð föstu að Auðunn hafi
verið skemmtilegasti glímumað-
ur mótsins. Hann vann báðar
sínar glímur einkar fallega og
auðveldlega. Það var verst að
ekki voru fleiri keppendur í
flokknum, svo áhorfendur hefðu
getað séð Auðun gli'ma fleiri
glímur. Auðunn er Reyðfirðingur
eins og Þóroddur og mátti sjá á
glímum þeirra eins og annarra
Austfirðinga að þeir hafa haft
góðan glímukennara. Mun það
vera Aðalsteinn Eiríksson, sem á
mestan heiður að góðri glímu-
kunnáttu Reyðfirðinganna.
DRENGJAFLOKKUR
vinningar
1. Ólafur H. Ólafsson KR 7
2 Gústaf ómarsson UÍA 6‘A
3. Geir Gunnlaug.sson Víkv. 5lÆ
4. Geir Arngrímsson HSÞ 5
5—6. Karl Karlsson Víkv. 3V4
5—6. Þrándur Þorkelsson HSÞ 3V4
7—8. Bergsteinn Helgason HSÞ 2
7—8. Börkur Kjartansson HSÞ 2
9. Ragnar Þórisson Víkv. 1
Keppni í þessum flokki var
mjög skcmmtileg. Aðalkeppnin
var milli Ólafs H. Ólafssonar KR
og Gústafs Ómarssonar UÍA.
Þegar kom í næst síðustu umferð-
ina hafði Gústaf hálfum vinningi
meira en Ólafur og sigurinn
virtist blasa við honum. En í
þessari umferð tapaði Gústaf
óvænt fyrir Geir Gunnlaugssyni
og þar með komst Ólafur hálfum
vinningi upp fyrir Gústaf og
hann sigraði. Voru þrír efstu
drengirnir í flokknum áberandi
beztir og reyndar mjög efnilegir
glímumenn.
SVEINAFLOKKUR
vinningar
1. Hjörtur Þráinsson SÞ 2>k
2. Bryngeir Stefánsson UÍKA 2lÆ
3. Hreinn Sipmarsson UÍA 1
4. Kristján Asmundsson HSÞ 0
í þessum flokki voru glímu-
mennirnir ákaf%ega kappsamir
og höfðu áhorfendur mikla
skemmtun af viðureignum
þeirra. Aukaglíma þurfti að fara
fram milli þeirra Hjartar og
Bryngeirs og fór svo að Hjörtur
sigraði eftir fjöruga viðureign.
I mótslok afhenti Helgi Seljan
alþingismaður sigurvegurunum
sigurlaunin. Dómarar voru
Sigurður Jónsson, Gunnar R.
Ingvarsson og Arngrímur Geirs-
son en Sigtryggur Sigurðsson var
glímustjóri. — SS.
Frá keppni 1' milliþyngd. Eyþór Pétursson HSÞ leggur Arna
Bjarnason KR. Ljósm.i Kristján Elíasson.
Á föstudagskvöldið var mikiö um dýrðir hjá Körfuknattleiksmönnum.
Ekki var Þó verið aö leika körfubolta, heldur hélt KKÍ öllum 1.
deildarliöunum í karla- og kvennaflokki hóf í Hreyfilshúsinu við
Grensásveg. Var Þar saman kominn álitlegur hópur og Þrátt fyrir að hart
hafi veriö barist í aflan vetur fór vel á með mönnum og virtist sem allir
væru Þar mættir sem sigurvegarar.
HOCKENOS
LEIKMAÐUR
MÓTSINS
Megintilgangur hófsins var að
afhenda leikmönnum liða verðlaun
sín auk einstaklingsverölauna
mótsins. Fyrstur var kallaöur fram
Dirk Dunbar ÍS. Hann fékk verðlaun
fyrir langbesta vítahittni í mótinu,
skoraði úr yfir 90% tilrauna sinna
og er slíkt vafalaust með bestu
vítahittni í heiminum og að sjálf-
sögðu íslandsmet. Dunbar var
einnig stigahæsti leikmaður ís-
landsmótsins og setti auðvitað met
í Þeim efnum, en fyrra metið átti
Curtis „Trukkur" Carter. Dunbar fer
svo sannarlega ekki tómhentur
heim, Því auk Þessara einstaklings-
verðlauna varð Dunbar bikarmeist-
ari með ÍS og hefur auk Þess gert
ÍS-stúlkurnar að Reykjavíkur- og
bikarmeisturum og aö öllum líkind-
um íslandsmeisturum einnig.
Þá var komið að eftirsóttustu
verðlaunum mótsins, Leikmaður
íslaridsmótsins 1978. Kom það
sjálfsagt engum að óvart að valinn
var Valsmaðurinn Rick Hockenos.
Hann hefur sýnt jafna og góða leiki
í allan vetur auk þess, sem hann
hefur náð fram því besta í Vals-
mönnum þótt ekki hafi unnist titill
í ár. Kosning Leikmanns Islands-
mótsins fór þannig fram að fyrirliði
hvers liðs valdi hver 5 leikmenn og
fengu stig eftir því í Hvaða sæti þeir
voru settir. Rick Hockenos fékk 35
stig, en fast á hæla honum kom IS
maðurinn Dirk Dunbar með 34 stig.
í 3. sæti var Jón Sigurðsson KR með
29 stig og í næstu tveimur sætum
voru Mark Christiansen og Andrew
Piazza.
Körfuknattleiksblaðið Karfan
hefur undanfarin ár veitt einhverj-
um einum leikmanni verðlaun auk
verðlauna til besta dómarans. Valinn
var körfukóngur í ár og hlaut þann
titil verðskuldað KR-ingurinn Jón
Sigurðsson.
Besti dómarinn í ár var valinn Jón
Otti Ólafsson. Fékk hann 3 atkvæði,
Kristbjörn Albertsson 2 atkvæði,
Hörður Túliníus 1 atkvæði, en tveir
fyrirliðar töldu sig ekki gc-ta gert
upp á milli hver dómara væri bestur.
Jón Otti hefur verið mjög umdeildur
dómari í vetur og hefur sætt harðri
gagnrýni frá Njarðvíkingum og
stúdentum og létu þeir viðeigandi
hijóð frá sér er úrslit voru gerð
kunn. Þessi útnefning ætti þó að
kveða nokkrar þessara radda niður.
Jón Otti hefur nú ákveðið að hætta
öllum afskiptum af dómarastörfum
en Jón hefur einnig verið formaður
dómaranefndar KKÍ og unnið þar
ómetanlegt starf. Það er því mikill
missir að þessi maður lætur nú af
störfum fyrir óvægna gagnrýni
aðila, sem sjálfir búa í glerhúsum.
Væri réttast að skylda þá Njarðvík-
inga og stúdenta til að finna hæfan
mann til að koma í stað Jóns, en slíkt
myndi þó vafalaust reynast þeim um
megn því ekki eru þessi félög mjög
virk hvað þátttöku í störfum KKI
varðar.
Undirritaður telur að sú gagnrýni,
sem beint var gegn Jóni, hafi verið
ósanngjörn. Vissulega má gagnrýna
störf dómara almennt í vetur, en um
leið verður að benda á leiðir til
úrbóta, en ekki skella skuldinni á
þann mann, sem mestu hefur fórnað.
Ef Jón er talinn bestur, en verður að
hrökklast frá starfi sínu vegna
nokkurra „blaðurskjóða", hvar
standa þá aðrir dómarar okkur“.
Telja þeir sér fært að halda starfi
sínu áfram og verða næsta fórnar-
lamb orðhákanna?
Að lokinni afhendingu verðlauna
las Guðni Kolbeinsson annál ársins
og var lesturinn vel metinn, enda
maðurinn meinfyndinn.
GG.
TVEIR SNJALLIR - Rick
Hockenos leikmaður (lands-
mótsins í körfuknattleik og Jón
Sigurðsson „körfukóngur“.

il