Morgunblaðið - 05.09.1978, Blaðsíða 19

MORGUNBLAÐIÐ. ÞRIÐJUDAGUR 5. SEPTEMBER 1978
19
EF ÞAÐ ER FRÉTT-
NÆMTÞÁERÞAÐÍ
MORGUNBLAÐINU
Frá þingi Sambands íslenzkra sveitarfélaga.
11. landsþing sveitarfélaga:
Sýnir 180 hand-
málaóa hluti
LISTAKONAN Auður Guð-
mundsdóttir sýnir um þessar
mundir 180 listaverk að Skóla-
vörðustíg 43.
Uppistaðan í verk-
um Auðar er handmálað gler og
málaðir steinar og fjörugrjót.
Einnig er hún með eitthvað af
máluðum trébrettum.
Þetta er í fyrsta sinn sem Auður
heldur slíka sýningu en 1965 hélt
hún sýningu á vatnslitamyndum.
Sýningin verður opin alla daga til
10. september frá 14.00—22.00.
Fatadeildirnar og tískusýningarnar á FÖT '78 i
Laugardalshöllinni eiga vafalaust eftir að koma
öllum rækilega á óvart.
Tískusýningarnar hefjast kl. 18 og kl. 21 á
virkum dögum, en um helgar hef)a,st þær kl.
15:30. Auk tískusýninga sýna félagar úr Hár-
greiðslumeistarafélagi Islands nýjungar í greiðslu.
FÖT '78 er opin daglega kl. 17—22, en kl.
14—22 um helgar. Aðgöngumiðar kosta kr. 700
(fullorðnir) og kr. 300 (börn).
STORGLÆSILEG SYNING 1—10. september 1978.
ISIENSK
FOT/78
„Auka ber vald
sveitarfélaganna’ ’
— segir Magnús H. Magnússon félagsmálarádherra
ELLEFTA landsþing Sam-
bands íslenzkra sveitarfé-
laga stendur yfir í Reykja-
vík um þessar mundir. Það
hófst í gær og mun standa
í þrjá daga. Magnús H.
Magnússon félagsmálaráð-
herra flutti ávarp við setn-
ingu þingsins og jafnframt
Sigurjón Pétursson forseti
borgarstjórnar. Þá flutti
formaður sambandsins,
Páll Líndal, ræðu og jafn-
framt flutti hann fram-
söguræðu um verkaskipt-
ingu ríkis og sveitarfélaga.
Þá flutti Sigurbjörn Þor-
björnsson ríkisskattstjóri
framsöguræðu um stað-
greiðslu opinberra gjalda.
í dag flytur formaður danskra
sveitarfélaga erindi um nýskipan
sveitarmála og einnig verða nefnd-
arálit afgreidd í dag.
í ræðu félagsmálaráðherra í gær
sagði hann m.a.: „Mín skoðun er
sú, að sum þeirra verkefna, sem
ríkisvaldið hefur nú með höndum,
eitt eða í samvinnu við sveitarfé-
lögin, eigi að ganga til sveitarfé-
laganna sjálfra eða samtaka
þeirra og auðvitað þarf að sjá
sveitarfélögunum fyrir tekjustofn-
um í samræmi við það.
Stjórnir sveitarfélaga vita í
flestum tilfellum betur hvar skór-
inn kreppir að hjá íbúum sínum en
ríkisvaldið. Auk þess leiðir þetta
til valddreifingar og aukins lýð-
ræðis í þjóðfélaginu og að því
keppum við að sjálfsögðu öll.
Verstu hindranir þessarar þró-
unar er hinn mikli stærðar- og
aðstöðumunur sveitafélaganna og
hinn mikli munur á fjárhagslegri
getu þeirra. Allt eru þetta sann-
indi, sem ykkur öllum eru ljós og
sem þið hafið ígrundað og haldið
áfram að ígrunda.
Um þessi mál segir svo í
starfsyfirlýsingu núverandi ríkis-
stjórnar:
„Haldið verði áfram athugun á
verkefnaskiptingu ríkis og sveitar-
félaga og fengin niðurstaða svo
fljótt sem kostur er.“
Ég lofa ykkur fullri samvinnu í
þessum efnum, sem öðrum.
„Þótt ekki sé sérstaklega getið
um það í starfsyfirlýsingu núver-
andi ríkisstjórnar þá held ég að
fullyrða megi, að allir aðilar
stjórnarinnar séu sammála um að
koma því kerfi á sem allra fyrst."
TÓMAS Árnason fjármálaráð-
herra hefur ritað stjórn Fram-
kvæmdastofnunar rfkisins bréf
og farið þess á leit við hana, að
fá leyfi frá störfum um óákveð-
inn tíma, en Tómas hefur gegnt
starfi framkvæmdastjóra við
Framkvæmdastofnun ríkisins
frá árinu 1973. Þá hefur
Morgunblaðið fregnað að
Alþýðubandalagið hafi nú mik-
inn áhuga á, að fá framkvæmda-
stjóra við Framkvæmdastofnun
og er helzt rætt um Guðmund
Vigfússon í því sambandi, en
hann gegndi störfum fram-
kvæmdastjóra við stofnunina um
hrfð. Þá fregnaði Mbl. að
Alþýðuflokkurinn ætti að fá
stjórnarformann Framkvæmda-
stofnunar.
Ekki hefur tekizt að ná tali af
Sverri Hermannssyni fram-
kvæmdastjóra og spyrja hvort
hann hugsi sér að gegna störfum
framkvæmdastjóra áfram.
GREIÐSIAN1979
Utanríkismálanefndin
undir forsætisráóherra:
Leiðir af eðli málsins
- segir Sighvatur Björgvinsson
Kemur mér á óvart
— segir Arni Gunnarsson
NEFND sú sem ríkisstjórnin
ætlar að skipa varðandi utan-
ríkis- og öryggismál kom mjög
við sögu á sfðasta spretti
stjórnarmyndunar. Tveir þing-
menn Alþýðuflokksins, Árni
Gunnarsson og Jóhanna Sig-
urðardóttir, settu það skilyrði
fyrir samþykkt sinni á sam-
starfsyfirlýsingunni að
formaður nefndarinnar yrði
ekki alþýðubandalagsmaður.
Mbl. snéri sér í gær til þeirra
tveggja og einnig Eiðs Guðna-
sonar og Sighvats Björgvins-
sonar og spurði hvort það hefði
komið þeim á óvart að nefndin
félli undir forsætisráðherra.
Svör þingmannanna fara hér á
eftir.
„Það leiðir af eðli málsins að
þessi nefnd heyri undir for-
sætisráðherra", sagði Sighvatur
Björgvinsson.
„Mér finnst hins vegar ekki
koma til greina að formaður
hennar verði úr Alþýðubanda-
laginu." Mbl. spurði Sighvat
hvort hann felldi sig við fram-
sóknarmann í formannsstöðuna.
„Já, ég treysti til dæmis frá-
farandi utanríkisráðherra ágæt-
lega til formennsku nefndarinn-
ar,“ svaraði Sighvatur.
„Það kemur mér á óvart að
þessi utanríkismálanefnd heyri
undir forsætisráðherra", sagði
Árni Gunnarsson. „Ég stóð í
þeirri trú að hún félli undir
utanríkismálaráðuneytið eðli
málsins samkvæmt."
„Það er ljóst að nefnd, sem
ríkisstjórnin skipar, heyrir að
forminu til undir forsætisráð-
herra", sagði Eiður Guðnason.
„Hitt er svo aftur að mér finnst
eðlilegra, að utanríkisráðherra
hafi verulega hönd í bagga með
því hver verður formaður
þessarar nefndar.
Ég er algjörlega andvígur því
að formaðurinn verði frá
Alþýðubandalaginu eins og
minn fyrirvari sagði, en hins
vegar tel ég það ekki frágangs-
sök, þótt framsóknarmaður
verði formaður þessarar
nefndar".
„Ég vildi að frá formennsku
nefndarinnar yrði gengið áður
en samstarfsyfirlýsingin yrði
endanleg", sagði Jóhanna Sig-
urðardóttir.
„I sjálfu sér fellst ég á að
þessi nefnd heyri undir for-
sætisráðherra enda þótt mér
hefði þótt eðlilegra að hún félli
undir embætti utanríkisráð-
herra. Ég setti þann fyrirvara
að ég gæti ekki sætt mig við
alþýðubandalagsmann sem
formann nefndarinnar". Mbl.
spurði Jóhönnu hvort hún sætti
sig við að framsóknarmaður
yrði formaður nefndarinnar:
„Ég hugsa að ég gæti sætt mig
við það“, svaraði Jóhanna.
Tómas Árnason biður um
fri frá Framkvæmdastofnun