Morgunblaðið - 28.09.1978, Page 2

2
MORGUNBLAÐIÐ, FIMMTUDAGUR 28. SEPTEMBER 1978
Menntamálaráðherra:
Vildi banna kaup á
Víðishúsi fyrir ári
Vill nú kanna „þarfir ráðuneytisins

RAGNAR Arnalds menntamálaráðherra flutti tillögu á Alþingi við afgreiðslu fjárlaga í
desembermánuði sl. þess efnis, að þáverandi ríkisstjórn skyldi ekki heimilað að kaupa Víðishúsið
svonefnda. Menntamálaráðherra flutti þessa tillögu ásamt Lúðvík Jósepssyni, en þeir voru þá í
forystu fyrir Alþýðubandalaginu í stjórnarandstöðu. Tillaga þeirra var á þá leið, að sú grein í
fjárlagafrumvarpi fyrir yfirstandandi ár, sem veitti þáverandi ríkisstjórn heimild til að kaupa
Víðishúsið yrði felld niður.
Lúðvík Jósepsson mælti fyrir
þessari tillögu og sagði m.a.:
„ ... við leggjum til, að ríkis-
stjórnin fái ekki heimild til að
kaupa það. Nóg er að gert, ég hef
þegar minnzt á það, af röngum
fjárfestingum og illa völdum, þó
að þessi bætist ekki ofan á allt
hitt. Og við viljum gjarnan að sá
haldi áfram að eiga þetta hús,
sem á það nú og að ríkið verði
laust við það.“
I frétt í Þjóðviljanum í gær
kemur hins vegar fram, að
menntamálaráðherra vill ekki
selja Víðishúsið „nema annað og
hentugra húsnæði sé fyrir
hendi". Ráðherrann segir í
viðtali við málgagn Alþýðu-
bandalagsins: „Ég tel að ráðu-
neytið þurfi að eignast sitt eigið
húsnæði og að leigubúskapur
opinberra stofnana þurfi að
taka enda. Víðishúsið hefur
þegar verið keypt, en spurning
er, hvort húsið hentar til þeirrar
starfsemi, sem fram fer í
ráðuneytinu. .
Ég hef ekki haft
aðstöðu til þess ennþá að kanna
þessi mál til hlítar, en við
munum byrja á því að kanna
hverjar raunverulegar þarfir
ráðuneytisins eru og hvernig
unnt verður að mæta þeim í
Víðishúsinu."
99
Árni Gunnarsson:
„Ungu krötunum þykir
lítil alvara liggja á bak
við ráðstafanirnar
„ALÞÝÐUFLOKKURINN getur ekki og má ekki taka þátt í
Hrunadansi. Þingsætin eru ungum Alþýðuflokksmönnum ekki svo
mikils virði. að þeir séu ekki tilbúnir að fórna þeim fyrir málstað
gjörbreytts efnahagslífs og umbóta á fleiri sviðum þjóðfélagsins.
Kjósendur Alþýðuflokksins munu frá þeim heyra, innan þingsala sem
utan. Hinir eldri þingmenn geta nefnt skoðanir þeirra blaður eða
strákahjal, en það munu kjósendur varla gera.“ Þannig hljóðar
niðurlag greinar sem Árni Gunnarsson alþingismaður og ritstjóri
skrifar á forsíðu Alþýðublaðsins í gær. í grein þessari ræðst Árni
harkalega á efnahagsstefnu ríkisstjórnarinnar og segir að
efnahagsbata sé fórnað á altari stjórnmálalegrar togstreitu.
Árni segir að hinir yngri þing-
menn Alþýðuflokksins hafi ekki
fengið inn í stjórnarsáttmálann
orð um hve harkalega skyldi barið
á verðbólgunni. Ekki einu sinni
setningu um það, að reynt skyldi
að koma henni ^niður í 30% á
næsta ári. Þeir hafi verið ljóst að
stefna í baráttunni gegn verðbólg-
unni hafi bara verið orð. Kjark
skorti til að skilgreina nánar hver
árangurinn ætti að vera. Þá segir
Árni að yngri þingmenn Alþýðu-
flokksins hafi litla trú á því, að
reynt verði í alvöru að breyta
vísitölunni. Orðin um athafnir séu
of loðin, og ýmsir stjórnmála-
foringjar mikli fyrir þjóðinni þann
vanda, að fylgi endurskoðuninni.
Menn hafi látið sér þjóðhagsvísi-
tölu í léttu rúmi liggja. Þó væri
hún eini raunhæfi mælikvarði á
getu þjóðarinnar til að brauðfæða
einstaklinga. Jafnvel orðið kjara-
sáttmáli mátti ekki sjást í sam-
starfsyfirlýsingunni. Ungu
krötunum þykir of lítil alvara
liggja á að baki ráðstöfununum.
Þá segir Árni að bráðabirgða-
ráðstöfunum sé sífellt haldið
áfram. Áhrifa fyrstu aðgerða
muni ekki gæta lengi. Þau séu
þegar að mestu úr sögunni. Því
færi fjarri að bjart sé framundan.
Að óbreyttu stefni í 50% verð-
bólgu á næsta ári. Vísitölukerfið
haldi áfram að etja saman verð-
lagi og launum.
Þá segir Árni Gunnarsson á
einum stað: „Aðeins tvær leiðir
eru færar. Sú fyrri að láta reka á
reiðanum, stefna í stórfellt at-
vinnuleysi, stéttarstríð, ógnarlega
verðbólgu, frekari gengisfellingar,
stöðvun atvinnufyrirtækja og
hrun á flestum sviðum. — Hin eru
sú að stjórna af hörku, gera
uppskurð á efnahagskerfinu, vísi-
tölu, peningamálum og hamla
gegn þrýstihópum kröfugerðar-
manna. Aðrar leiðir eru ekki fyrir
hendi, en kannski þurfa íslending-
ar ærlega hýðingu svo undan
bláni.“
Frestun tollalækkunar mælist
illa fyrir hjá EFTA og EBÉ
HUGMYNDIR þær sem ræddar
hafa verið í ríkisstjórninni um að
fresta um sinn að afnema tolla af
ýmsum vörúm frá Evrópuiöndum
í samræmi við fríverzlunarsamn-
inga við EFTA og EBE hafa
mælzt iila fyrir bæði innan EFTA
og EBE samkvæmt því sem
Morgunblaðið komst að í gær.
I samtali sem Mbl. átti við
fulltrúa í þeirri deild Efnahags-
bandalagsins í Brússel er fer með
málefni Islands kom fram að ekki
4 ávaxtategundir ódýrari
í Reykjavík en Kaupmannah.
TALSVERÐ umræða hefur orðið
um verðlag hér og erlendis að
undanförnu. í gær bárust upplýs-
ingar til Morgunblaðsins um
verðlag á nokkrum tegundum
ávaxta í Kaupmannahöfn í gær-
Fundað með
fulltrúaráðum
AÐ UNDANFÖRNU hafa þingmenn
Sjálfstæðisflokksins í Reykjanes-
kjördæmi átt fundi með fulltrúaráð-
um sjálfstæðisfélaganna í kjördæm-
inu og verður seinasti fundurinn með
fulltrúaráðum sjálfstæðisfélaganna í
Kópavogi og Seltjarnarnesi í kvöld,
fimmtudag, og hefst ki. 20.30 í
Sjálfstæðishúsinu í Kópavogi.
Áður hafa þingmennirnir haldið
fundi með fulltrúaráðunum á Suður-
nesjum, Kjósarsýslu, Hafnarfirði,
Garðabæ og Bessastaðahreppi.
Hefur á fundum þessum verið fjallað
um breytt viðhorf á vettvangi
stjórnmálanna og ýmis innri mál
flokksins og hafa fundirnir tekist hið
besta.
Á fundinn í Kópavogi í kvöld koma
alþingismennirnir Matthías Á.
Mathiesen og Oddur Ólafsson.
morgun og er hér birt verðlag á
sömu vöru í Reykjavík.
Hvert kg af grænum delicious
eplum var í Reykjavík 415 krónur, en
í Kaupmannahöfn 570 krónur,
sítrónur voru hér á 426 krónur, en í
Kaupmannahöfn á 517 krónur,
grape-fruit kostaði í Reykjavík 467
krónur, en í Kaupmannahöfn 681
krónu, gular melónur kostuðu hér
528 krónur, en í Höfn 457 krónur og
appelsínur kostuðu í Reykjavík 423
krónur, en 504 krónur í Kaupmanna-
höfn.
Þá var verð á kartöflum 121 króna
í Reykjavík, en 109 krónur í
Kaupmannahöfn.
Af þessum 6 vörutegundum voru 4
á iægra verði í Reykjavík, en 2 voru
dýrari hér en í Kaupmannahöfn.
væri að vænta neinna viðbragða af
hálfu bandalagsins fyrr en form-
leg ákvörðun íslenzku ríkisstjórn-
arinnar lægi fyrir í þessu efni, því
að ella mætti líta svo á að
bandalagið væri að blanda sér í
íslenzk innanríkismálefni. Af
hálfu bandalagsins yrði því beðið
átekta og fylgzt með framvindu
málsins, og auðvitað væri vonast
til að sú framvinda yrði í samræmi
við þann samning sem þegar lægi
fyrir milli íslands og EBE.
Samkvæmt upplýsingum sem
Mbl. aflaði sér í gær má gera ráð
fyrir að önnur ÉFTA-lönd muni
taka það óstinnt upp, ef íslending-
ar ákveða einhliða frestun af því
tagi, sem til umræðu hefur verið,
þar sem slíkt væri brot á fríverzl-
unarsamningnum og þess væri
vænzt að íslenzk stjórnvöld finndu
einhverja aðra leið til að leysa
vandamál íslenzks iðnaðar.
í aðalstöðvum EFTA í Genf er
einnig minnt á í þessu sambandi,
að þar standi nú yfir úttekt á
fyrirkomulagi ríkisstyrkja til út-
flutningsgreina í einstökum aðild-
arlöndum að frumkvæði íslands og
fyrir þrýsting frá forsvarsmönn-
um samtaka íslenzks iðnaðar og í
ljósi þess að þessi athugun stæði
nú yfir yrði að teljast óviður-
kvæmilegt að íslenzk stjórnvöld
gripu einhliöa til aðgerða af þessu
tagi og það myndi kalla á viðbrögð
af hálfu annarra EFTA-ríkja.
Iðnrekendur
og þingmenn
á Þingvöllum
FÉLAG ísl. iðnrekenda efndi til
fundar með aiþingismönnum og
ráðherrum í ValhöII á Þingvöll-
um í sl. viku og hélt þeim þar
veizlu. Á fundinn, sem hófst kl. 2
á fimmtudag, mætti um þriðj-
ungur þingmanna og ráðherr-
arnir Ólafur Jóhannesson, Svav-
ar Gestsson og Hjörleifur Gutt-
ormsson voru meðal gesta fyrri
daginn. Hópur þingmanna gisti
á Þingvöllum um nóttina í boði
Félags ísl. iðnrekenda, en fund-
inum var síðan fram haldið
daginn eftir og stóð hann til kl.
4 þann dag.
Að sögn Hauks Björnssonar,
framkvæmdastjóra FII, var rætt
almennt um ýmis hagsmunamál
iðnaðarins, þar sem forsvars-
menn og starfsmenn FÍI höfðu
framsögu um ákveðin mál en
síðan voru umræður. Haukur
kvað eðlilega töluverðan kostnað
hafa verið samfara þessum fundi,
en kvaðst ekki hafa handbærar
tölur þar að lútandi.
Sigríður sýnir
í FÍM salnum
SIGRÍÐUR Candi opnar í dag
sýningu á verkum sínum í
FÍM-salnum að Laugarnesvegi. Á
sýningunni eru 16 myndvefnaðar-
verk, unnin á s.l. 4 árum.
Sýningarinnar verður nánar getið
í blaðinu á morgun.
Siglufjörður:
Ekki tekið á móti loðnu
sökum svartolíuskorts
o
INNLENT
SILDARVERKSMIÐJUR ríkisins
í Siglufirði hafa ekki getað tekið
á móti loðnu frá því um helgi
sökum skorts á svartolíu og ekki
eru horfur á að verksmiðjurnar
geti tekið á ný við loðnu fyrr en
um næstu helgi. þar sem ekki er
von á svartolíu fyrr til Sigluf jarð-
ar. Hjá öðrum loðnuverksmiðjum
er ástandið þannig að þær eiga
ekki svartolíu almennt nema til
1—2 sólarhringá. en vart er húizt
við að þær stöðvist, þar sem
rússneskt skip kom með 19 þús.
lestir af svartolíu til landsins í
fyrrinótt.
Jón Reynir Magnússon, fram-
kvæmdastjóri Síldarverksmiðju
ríkisins, sagði í samtali við
Morgunblaðið í gær, að ef einhver
veruleg loðnuveiði hefði verið
síðustu daga og vikur, hefði orðið
öngþveiti hjá loðnuflotanum, því
að þá hefðu sennilega allar verk-
smiðjurnar orðið svartolíulausar.
Kvað hann SR hafa hætt að taka á
móti loðnu um helgina sökum
olíuskorts, og ekki væri væntanleg
svartolía til Siglufjarðar fyrr en
um helgi og þá fyrst yrði hægt að
hefja móttöku á ný.
Olíufélögin kaupa svartolíuna
frá Rússlandi og sj.á Rússar um
flutning á henni eins og öðrum
rússneskum olíutegundum til
landsins. Skip það sem kom með
olíuna í fyrrinótt, átti upphaflega
að koma til landsins með olíuna
fyrir þremur vikum, en einhverra
hluta vegna seinkaði því þetta
mikið, en það er með 19 þús. lestir
af svartolíu eins og fyrr segir.