Morgunblaðið - 08.02.1979, Blaðsíða 3

MORGUNBLAÐIÐ, FIMMTUDAGUR 8. FEBRÚAR 1979
3
„ Gaf út fyrstu bœkurnar
fyrir rúmlega 50 árum ”
— segir afmælis-
barnið Ragnar
Jónsson í
Smára 75 ára
AFMÆLISBARNIÐ Ragnar
Jónsson í Smára var á leið til
æskustöðva sinna að Munda-
koti á Eyrarbakka er okkur
bar að garði á heimili hans í
Reykjavík í gær en hann átti
þá sjötíu og fimm ára afmæli.
Ragnar kvað það sið hjá sér að
fara f Mundakot á afmælinu
sínu ár hvert.
Ragnar tók því mjög vel að
við spjölluðum örstutt við hann
í tilefni þessa merka afmælis
hans, en hann hefur eins og
alkunna er verið einn mesti
athafnamaður landsins í bóka-
útgáfu gegnum árin. Því var
fyrsta spurningin sem við
lögðum fyrir hann, hvenær
hann hefði fyrst gefið út bók og
Afmælisbarnið Ragnar Jónsson í Smára ásamt eiginkonu sinni Björgu Erlingsen á
heimili þeirra. Ljfem. mw.: ói.k.m.
þá hvaða rit. — „Ég gaf út mína
fyrstu bók fljótlega eftir að ég
lauk verzlunarskólaprófi 1924
og fyrstu höfundarnir voru
vinir mínir Tómas Guðmunds-
son með Stjörnur vorsins, og
Guðmundur Böðvarsson með
Kyssti mig sól,“ sagði Ragnar.
Aðspurður um 4,á höfunda
sem honum væru minnis-
stæðastir í gegnum árin sagði
afmælisbarnið að það væru án
efa þeir Vilhjálmur S. Vil-
hjálmsson, V.S.V., blaðamaður
og skáld, sem samdi feiknin öll
af ritverkum og svo auðvitað
Nóbelsskáldið Halldór Laxness,
en útgáfur af verkum hans
losuðu hundraðið í gegnum
árin. — Sagðist Ragnar sér-
staklega minnast V.S.V. með
hlýhug þar sem þeir hefðu
þekkst frá unga aldri er þeir
ólust upp saman á Eyrarbakka,
en Ragnar fluttist þaðan árið
1922 þegar hann ákvað að hefja
nám í Verzlunarsköla Islands.
Ragnar gerði lítið úr þátt-
töku sinni í tónlistarlífi borgar-
innar í gegnum árin, sagðist
aðeins vera mikill áhugamaður
um tónlist. Hann sagðist hafa
lesið mjög mikið og hefði mjög
gaman af því að fara á tónleika
og með þeim orðum kvöddum
við afmælisbarnið og konu hans
Björgu Erlingsen.
Læknaráð Landspítala kynnir greinargerð sína. Ljósm. Kristján.
Læknaráð Landspítalans:
Geðdeildin hefur
tafið byggingar-
áætlun spítalans
LÆKNARÁÐ Landspítalans og Rannsóknastofa Háskóians hafa sent frá
sér greinargerð um byggingamál Landspítalans, hlutverk hans í
heilbrigðisþjónustu og áform um sameiginlega nýtingu á nýju geðdeild-
inni. Segir þar að allt nýbyggingarfjármagn hafi runnið frá árinu 1972 til
geðdeildarhúss „þrátt fyrir það loforð þáverandi ráðamanna að sú
framkvæmd tefði ekki byggingaráætlun Landspítalans“, segir í greinar-
gerðinni og að enn hafi ekki verið hafist handa um framkvæmdir eftir
byggingaráætlun er tilbúin var 1972.
Læknaráð kynnti greinargerð sína
á blaðamannafundi og telur að fjár-
magn er fari til rekstrar spítalans sé
nú illa nýtt vegna slæmrar aðstöðu á
stoðdeildum og skurðdeildum og
telur einu varanlegu lausnina á
húsnæðisvandræðunum vera að
framkvæma byggingaráætlunina og
að sá hluti geðdeildarbyggingar sem
enn sé ófrágenginn verði tekinn til
víðtækari sameiginlegrar nýtingar
en upphaflega var ákveðið. Grétar
Ólafsson formaður læknaráðs sagði
að mörgum þáttum væri stefnt í
voða með húsnæðisskorti og mætti
rekja það til þeirrar ákvörðunar
heilbrigðisráðherra 1971 að láta
byggingu geðdeildar njóta forgangs
og þeirrar áherzlu, sem á síðari
árum hefur verið lögð á byggingu
heilzugæzlustöðva. Læknaráðsmenn
sýndu fréttamönnum ýmsar deildir
spítalans og kom m.a. fram eftirfar-
andi um húsnæðiserfiðleika í sam-
tölum við þá og aðra starfsmenn
spítalans:
Á geisladeild þar sem komu 6.500
sjúklingar sl. ár standast tæki ekki
þær kröfur er gerðar eru til fyrsta
flokks geisladeildar og þrátt fyrir að
ráðamenn hafi fjármagnað kaup á
nýjum tækjum getur ekki orðið af
því fyrr en tryggt hefur verið stærra
húsnæði. Þar vantar einnig viðtals-
og skoðunarherbergi og aðstöðu til
að hægt sé að bæta við aðstoðarfólki.
Ekki er hægt að nýta nema 4 af 5
nýrnavélum sem til eru þar sem
rými skortir og ekki hægt að auka
starfsemi deildarinnar vegna skorts
á starfsfólki. Heilbrigðiseftirlit telur
aðstöðu deildarinnar óhæfa og vill
að henni sé lokað. Á endurhæfingar-
deild og göngudeild koma vel yfir 20
þúsund sjúklingar árlega og búa þær
deildir við þröngan húsakost og
hefur ekki verið mögulegt að opna þá
nýju göngudeildarþjónustu sem þörf
er fyrir né að nýta til fullnustu
sjúkrarúm á hinum ýmsu deildum
spítalans vegna aðstöðuleysis endur-
hæfingardeildar.
Við myndatökur á röntgendeild
með gammamyndavél og ísótópa-
rannsóknir er 2—3 daga biðlisti sem
var áður 7 dagar áður en tekin var í
notkun afkastameiri myndavél. Ekki
er hægt að nýta báðar vélarnar þar
eð pláss vantar. Lyfjabúrið getur
ekki tekið inn nema vikubirgðir af
nauðsynlegustu lyfjum og skapar
það óhagræði.
Læknaráð taldi að ekki hefði verið
tekið tillit til ábendinga þess varð-
andi úrbætur, en það hefur átt
viðræður við ráðamenn vegna þess-
ara húsnæðisvandræða og sagði
Grétar Ólafsson formaður þess að
greinargerðin hefði verið samþykkt
af læknum spítalans og rannsókna-
stofnunar.
Sjá fyrri hluta bls. 20—21.
„DERBY“ frystitækin hafa vandað yfirbragð, með haganlega lausn á hverju smáatriði eins og:
* „Hermetisk1' frystiþjappa sem tryggir hámarks frystiafköst.
* Ytrabyrði úr stáli, rafzinkhúðuð til ryðvarnar, búið hitarörum gegn daggarmyndun.
* Innrabyrði úr hömruðu áli, en kostir þess eru ótvíræðir, ál er mjög góður varmaleiðari með
afar lágan eðlisvarma, þetta flýtir djúpfrystingunni. Jafnframt er ál framúrskarandi auðþrifið.
* Lokið lokast óaðfinnanlega þétt, búið jafnvægisgormum sem létta það við opnun, læsingu og
ljósi. Ennfremur er yfirborð þess klætt plasthúð til prýðis og til varnar gegn rispum.
* Sérstakt djúpfrystihólf er í „DERBY“, þannig má djúpfrysta ný matvæli án þess að kosta til
frekari kælingu á matvælum sem þegar liggja frosin fyrir í kistunni.
Þetta hraðar djúpfrystingunni og sparar rafmagn.
* Einangrunin er hið viðurkennda „Pely.uretan" frauðplast.
* í „DERBY" frystikistum er botninn auðvitað frystiflötur líka.
FÁLKIN N
SUOURLANDSBRAUT 8, SÍMI 84670 j