Morgunblaðið - 08.02.1979, Blaðsíða 37

MORGUNBLAÐIÐ, FIMMTUDAGUR 8. FEBRÚAR 1979
37
Hafliði Eiríksson
—Minningarorð
Fæddur 7. júlí 1895.
Dáinn 30. janúar 1979.
Hafliði var fæddur í Fljótum í
Skagafirði. Foreldrar hans voru
þau Eiríkur Ásmundsson bóndi og
oddviti og Guðrún Magnúsdóttir
þá búandi í Neskoti. Síðar á
Reykjarhóli frá 1899—1938. Með
þeim ólst Hafliði upp. Hafliði var
elstur barna foreldra sinna. Áður
hafði móðir hans eignast Önnu
Björnsdóttur, er andaðist á s.l.
hausti.
Systkini Hafliða voru: Arnbjörg
ljósmóðir, gift Ásmundi Jósefs-
syni, búandi á Sauðárkróki; Magn-
ea, gift Árna Jónssyni, búa í
Reykjavík; Ásmundur er um mörg
ár veitti forstöðu Fíladelfíusöfnuð-
inum, kvæntur Þórhildi Jóhannes-
dóttur. Hann er látinn; Árni,
lengst af bóndi á Reykjarhólí,
síðast búandi í Reykjavík, kvæntur
Líneyju Guðmundsdóttur. Hann er
látinn; Anna, búandi með mág-
konu sinni, Þórhildi, að Hátúni 2,
Reykjavík.
Hafliði byrjaði ungur að taka til
verka. 14 ára gamall ræðst hann á
hákarlaskip. Var hann á hákarla-
skipum norðanlands um 14 ára
skeið. Hann fór og í ver til Eyja og
var í landskunnum heimilum, hjá
Þorbirni á Kirkjubæ og Ólafi
Auðunssyni í Þinghól.
Árið 1924 hóf Hafliði búskap að
Austarahóli í Fljótum. Er hann
bóndi allt til ársins 1953, að hann
bregður búi og flytur til Akraness
með fjölskyldu sinni.
Hvort sem Hafliði var til sjós
eða lands, þá var hann meira en
hlutgengur. Öll árin til sjós var
hann með aflamönnum. Bróðir
hans Ásmundur hefir í 1. hefti
bóka sinna „Skyggnst um af
skapabrún" skrifaði mjög
skemmtilega frásögn af hákarla-
túr á seglskipinu Urion. Er það ein
skemmtilegasta sjóferðasaga, er
um getur á íslensku máli.
Sem bóndi skaraði Hafliði fram
úr. Var heiðraður af Búnaðarfélagi
íslands. Hann ræktaði afburðagott
og heilbrigt sauðfé. Varð aldrei
heylaus. Miðlaði oft í hörkum og
bjargarskorti af sínum feng.
Hafliði steig mikið gæfuspor, er
hann kvæntist Ólöfu Björnsdóttur.
Ólöf var þá ekkja eftir Guðmund
Jónsson frá Austarahóli í Fljótum,
með þrjú eftirlifandi börn þeirra.
En þau eru Páll Ragnar bóndi að
Miðmói, kvæntur Björgu Jóhanns-
dóttur og eiga þau þrjú börn;
Líney, ekkja eftir Árna Eiríksson,
búandi í Reykjavík, áttu þau tvö
börn. Yngstur var Axel, kvæntur
Rannveigu Jónsdóttur og búa þau í
Reykjavík. Axel var fjögurra ára
er hann kom til stjúpa síns.
Samleið varaði um 50 ár og var
mjög gott með þeim alla tíð.
Hafliði og Ólöf eignuðust eina
dóttur barna, Guðrúnu, búandi í
Dísukoti í Þykkvabæ, gift Kristni
Markússyni og hafa þau átt 11
börn. Auk sinna eigin barna ólust
upp hjá þeim að meira og minna
leyti Hafliði Frímannsson, nú í
Keflavík og dóttursonurinn Haf-
liði Kristinsson, er dvaldi hjá þeim
öll sín skólaár.
Hafliði var mikill lánsmaður í
lífi sínu og hreinn bjargvættur
bæði til sjós og lands. Sigurlaug
Guðnadóttir frá Heiði, er gift var
Þorsteini Steinssyni vélsmið, taldi
sig eiga Hafliða líf sitt að launa.
Er hún ásamt 7 öðrum var á leið
til Skagafjarðar frá Siglufirði
síðla vetrar brast á þau NA-stór-
hríð, er þau voru rétt komin í
Siglufjarðarskarð. Veðrið var
mjög hart. Þeir er til þekkja vita
að þarna eru allar aðstæður erfið-
ar. Hafliði tók að sér forystuna og
giftusamlega var náð til bæja. Var
þetta talið þrekvirki eins og á stóð.
Einbeitni og ratvísi Hafliða varð
þar til björgunar.
Arið 1931 hafði Hafliði eignast
afturhvarf og frelsandi trú á
Jesúm Krist. Sem afleiðingu af
því, þá lét hann skíra sig fciblíu-
legri skírn í Sandósi í Fljótum 26.
dag júnímánaðar 1931. Trúin var
Hafliða heilagt mál. Hann flíkaði
ekki tilfinningum sínum. Hann
var traustur meðlimur í Hvíta-
sunnuhreyfingunni á Islandi um
nærri hálfrar aldar skeið. Þar var
aldrei hik á. Guðs Orð, Heilög
Ritning, var sú bók er hann las
mest. Hann var einlægur aðdáandi
Jesú Krists. Hann var honum
Drottinn og frelsari. Hafliði mætti
dauða sínum öruggur og viss um
hjálpræðið í Jesú Kristi.
Árið 1960 flytur Hafliði með
fjölskyldu sína frá Akranesi og bjó
í eigin íbúð að Bergþórugötu 25 í
Reykjavík upp frá því.
Við andlát Hafliða Eiríkssonar
ríkir birta og heiðríkja um minn-
ingu góðs drengs. Samúðarkveðjur
eru fluttar Ólöfu ekkju hans og
öllum börnum þeirra.
Einar J. Gíslason.
Hafliði frá Neskoti er dáinn.
Hann lézt á Landakotsspítala
þann 30. janúar s.l. eftir stutta
legu. Hafliði var fæddur að Nesi í
Flókadal, 7. júlí, árið 1895. Hann
var því á 84. aldursári er hann lézt.
Foreldrar Hafliða voru, Eiríkur f.
1867 bóndi og oddviti á Reykjar-
hóli í Haganeshreppi, Ásmunds-
sonar í Neskoti, Eiríkssonar á
Illugastöðum, Ásmundssonar á
Bjarnastöðum, Jónssonar á Mann-
skaðahóli, Ásmundssonar í Málm-
ey á Skagafirði.
Móðir Hafliða og sambýliskona
Eiríks, var Guðrún f. 1856
Magnúsdóttir, bónda á Hugljóts-
stöðum, Gíslasonar í Garðshorni,
Guðmundssonar. Ættmenn Haf-
liða voru dugmikið bændafólk til
lands og sjávar og létu ekki deigan
síga, þótt á móti blési. Systkini
Hafliða eru: Arnbjörg f. 1896,
ljósmóðir, g. Ásmundi Jósefssyni.
Þau voru lengi búendur á
stóru-Reykjum í Flókadal og var
þá Arnbjörg jafnframt ljósmóðir í
Haganeshreppi, nú búsett á Sauð-
árkróki. Magnea f. 1898, g. Árna
Jónssyni. Þau voru lengi búendur í
Fljótum og víðar í Skagafirði. Nú
búsett í Reykjavík. Ásmundur f.
1899 — d. 1975, lengi forstöðumað-
ur Fíladelfíusafnaðarins í Reykja-
vík. Kv. Þórhildi Jóhannesdóttur.
Árni f. 1905 — d. 1967, bóndi á
Reykjarhóli í Haganeshreppi
1938—1962. Siðustu árin búsettur í
Reykjavík. Kv. Líneyju Guð-
mundsdóttur. Anna Magnea f.
1908, óg. búsett í Reykjavík. Tvö
hin síðast nefndu voru hálfsystk-
ini Hafliða. Þau voru börn Eiríks
og seinni sambýliskonu hans,
Önnu Magnúsdóttur. Einnig var
hálfsystir Hafliða, Anna f. 1888 —
d. 1978. Hún var barn Guðrúnar
Magnúsdóttur og Björns Björns-
sonar, síðar bónda á Þorbjargar-
stöðum í Laxárdal, Skag. Ólst hún
upp hjá móður sinni og Eiríki.
Reykjarhóll heitir bær, sem
stendur á ræktuðum marbakka úti
við haf í Fljótum. Venjulegast
kallaður Reykjarhóll á Bökkum.
Fjallshlíðin upp frá bænum er
klettótt og ögrandi brött. Norður-
hafið fellur ógnandi að hinum
mörkum jarðarinnar. Afli er
þannig boðið viðfang á báðar
hendur. Á hinn veginn getur
mannlíf við yzta haf átt sínar
unaðsstundir. Um sumarsólhvörf
gengur sól ekki í sæ, heldur stend-
ur eldrauð í dyrum hins víða
norðurs. Klæðir fagra sveit mild-
um litum og lætur engan ósnort-
inn.
Þau Eiríkur og Guðrún höfðu
byrjað búskap sinn að Nesi í
Flókadal árið 1895. Þar búa þau í
þrjú ár. Síðan eitt ár að Höfða á
Höfðaströnd, 1898—99 og þaðan
flytjast þau í Reykjarhól. Á
Reykjarhóli slítur Hafliði síðan
barnsskónum, í glöðum systkina-
hópi á kærleiksríku heimili.
Hann gengur snemma til erf-
iðisverka, eins og títt var með
unglinga á þessum árum. Þó að
hann væri ekki hár vexti, var hann
tilþrifamikill og þolgóður til átaka
eins og hann átti kyn til. Eiríkur
faðir hans var mikill félagsmála-
og framkvæmdamaður, sem
breytti Reykjarhóli á skömmum
tíma, í stærsta bú sinnar tíðar í
Vestur-Fljótum.
Ein af fjáröflunarleiðum Fljóta-
manna á þessum tíma var að
komast í skiprúm á hákarla- eða
fiskiskipum. Hafliði lét ekki sitt
eftir liggja í þessum efnum frekar
en öðrum.
Fljótlega eftir fermingu ræðst
hann á seglskip frá Siglufirði. Þar
með hófst nýr þáttur í lífi Hafliða,
— sjómennskan. Næsta áratug er
Hafliði meira og minna á sjó, á
siglfirzkum eða eyfirzkum skipum.
Þess á milli vinnur hann að búi
foreldra sinna heima á Reykjar-
hóli. Árið 1924 byrjar Hafliði svo
sjálfur búskap að Austarahóli í
Flókadal. Þar býr hann í þrjú ár.
Næst býr hann í Neskoti 1927—28
og á Minni-Reykjum 1928—29.
Árið 1929 flytur hann aftur í
Neskot og býr þar síðan samfleytt
til ársins 1953 eða í 24 ár. Neskot
er falleg og góð bújörð í vestan-
verðum Flókadal. Skýla sveitinni
há og tignarleg fjöll, en við túnfót-
inn rennur Flókadalsá lygn og
bakkafögur. Á þessari jörð, höfðu
ættmenn Hafliða búið af og til frá
árinu 1849, er langafi hans Eiríkur
Ásmundsson fluttist þangað
ásamt konu sinni, Guðrúnu Jóns-
dóttur. Árið 1931 reyndist mikið
gæfuár í lífi Hafliða. Þá kvæntist
hann eftirlifandi konu sinni, Ólöfu
f. 1895, Björnsdóttur, bónda á
Sigríðarstöðum, Hafliðasonar,
rímnaskálds Fljótamanna Finn-
bogasonar. Ólöf er hin mætasta
kona og var samlíf þeirra hjóna til
mikillar fyrirmyndar. Dóttir
þeirra er Guðrún f. 1932 g. Kristni
Markússyni og eru þau búsett að
Dísukoti í Þykkvabæ. Hjá þeim
Hafliða og Ólöfu, ólust einnig upp
í Neskoti: Axel f. 1924 Guðmunds-
son, sonur Ólafar frá fyrra hjóna-
bandi. Nú búsettur í Reykjavík, kv.
Rannveigu Jónsdóttur. Og Hafliði
f. 1927 Frímannsson, er kom til
þeirra 5 ára gamall. Nú búsettur í
Keflavík, kv. Elínu Ormsdóttur.
Ólöf hafði áður verið gift Guð-
mundi Jónssyni frá Austarahóli í
Flókadal, mætum manni er lézt á
bezta aldri árið 1927. Börn Ólafar
og Guðmundar, sem upp komust
éru: Páll f. 1917, bóndi á Mið-Mói í
Fljótum, kv. Björgu Jóhannsdótt-
ur. Líne'y f. 1919, ekkja eftir Árna
Eiríksson, fyrrum bónda á Reykj-
arhóli. Nú búsett í Reykjavík. Og
Axel er áður er nefndur. Eftir að
Hafliði og Ólöf fluttust hingað
suður, ólst upp hjá þeim að miklu
leyti, dóttursonur þeirra, Hafliði f.
1956, Kristinsson. Búsettur i
Reykjavík, kv. Steinunni Þorvalds-
dóttur.
Haustið 1953 flytur Hafliði með
fjölskyldu sinni alfarinn úr Fljót-
um. Hann sezt fyrst að á Akranesi,
þar sem dvalartíminn verður sjö
ár. En árið 1960 flytur fjölskyldan
hingað til Reykjavíkur. Hefur
heimili þeirra hjóna staðið að
Bergþórugötu 25, alla tíð síðan. Þó
að Hafliði væri fyrst og fremst
bóndi í eðli sínu, þá gat hann lagt
fleira fyrir sig með góðum árangri,
t.d. smíðar.
Norður í Fljótum var hann
talinn með betri fjárhirðingar-
mönnum og þar hafði hann á
hendi forðagæslu um skeið. Haf-
liði var ættfróður og mundi vel
liðna tíð, einnig gat hann frætt
viðmælendur sína um atburði og
árferði í Fljótum langt aftur í
tímann. Mér er það í barnsminni
hversu mikill aufúsugestur hann
var á heimili mínu í Neðra-Haga-
nesi, er ég var að alast þar upp. Má
vera að nokkru hafi þar ráðið, sá
tími sem hann hafði ávallt aflögu
fyrir spurulan strák. Hafliði var af
kynslóð aldamótamanna og gædd-
ur mörgum þeirra tíma mannkost-
um, en samt var áhugi hans fyrst
og fremst helgaður líðandi stund
og framtíðinni. Hinn örláti góð-
vilji og mannkærleiki sem honum
bjó í brjósti gerði hann síheitan
umbótamann á akri hins.mann-
lega lífs. Hafliði var mikill trú-
maður og gekk hann fljótlega í
söfnuð Hvitasunnumanna. Er út-
för hans gerð frá kirkju þess
safnaðar.
Ólöfu konu hans og öðrum nán-
ustu vandamönnum sendi ég hug-
heilar samúðarkveðjur og bið þeim
guðsblessunar.
Guðmundur Sæmundsson.
Skyrtu
markaður
Seljum næstu daga ódýrar herraskyrtur í
glæsilegu úrvali.
m i é\
Verö aöens kr. 1500.--2500.-
GEKSÍB
H
+
Faöir okkar, tengdataöir og afi,
GUDMUNDUR HARALDUR ÁRNASON,
andaöist að Hrafnistu 3. þ.m.
Jaröarförin fer fram frá Fossvogskirkju föstudaginn 9. febrúar kl. 3 e.h.
Árni H. Guðmundsson Ingibjörg StefAnsdóttir
Kéri Guömundsson Elin Sigurjón_,.ttir
Lára H. Guömundsdóttir Clarka Arthur E. Clarke
og barnabörn.
Það eru líka peningar
Vöttur SU-37
Jón Jónsson SH-187
Hvalnes GK-121
Sóley ÁR-50
Hrafn Sveinbjarnarson II GK-10
Gunnar SU-139
Hrafn Svelnbjarnarson GK-255
Sæborg RE-20
Geirfugl GK-66
Frár VE-78
Víkurberg GK-1
Vonin KE-2
Garðar II SH-164
Guöbjörg ST-17
Veröandi RE-9
Kambaröst SU-200
Árntýr VE-115
Saxhamar SH-50
Þóröur Sigurðsson KE-16
Þór TFIA
Höfrungur III ÁR-250
Stígandi VE-77
Óskar Magnússon AK-177
Ærún HF-60
Bjarni Ásmundar ÞH-320
Kristbjörg VE-70
Steinunn RE-32
Bjarni Ólafsson AK-70
Álaborg ÁR-25
Sigrún GK-380
Grótta AK-101
Fróöi SH-15
Siguröur Sveinsson SH-36
Hrafn Sveinbjarnarson III GK-11
Dalarafn VE-508
Þinganes SF-25
Eldhamar GK-37
Snaetindur ÁR-88
Gunnar Bjarnason SH-25
Kári VE-95
Guðfinna Steinsdóttir ÁR-10
Krossanes SU-5
Sigurbára VE-248
Hólmatindur SU-220
Vísir ÍS-171
Fiskibátar, litlir og stórir, togarar, varöskip, flutningaskip, loönubátar
Allar hafa þessar fleytur eitt sameiginlegt: MWM-MANNHEIM Ijósamótora af
gerðinnj D-226, þriaqja, fjögurra og sex strokka. Góöur félagsskapur.
Gerð D-226, er fáanleg meö eftirfarandi HÖ/SN: 33/1500, 39/1800, 43/2000,
44/1500, 52/1800, 57/2000, 66/1500, 78/1800, 86/2000, 100/1500,
112/1800, 119/200. Allt vestur-þýsk ,A“ hestöfl. Semsagt stór fjölskylda.
Viö 1500 snúninga er stimpilhraöi aöeins 6 metrar á sekúndu og
vinnuþrýstingur 6,1 BAR. Brennsluolíunotkun 161 —165 grömm á
hestaflsklukkustund er allt aö 1/5 hluta mlnna en í mörgum eyöslufrekum
mótorum. Þaö eru líka peningar. Þetta er netnilega atburöa gööir motorar.
Bjóöum líka stærri rafstöövar og skipavélar, upp í 8000 hestöfl, oft meö
stuttum fyrirvara. Og stundum merkilega hagstætt verö.

REYKJAVMC