Morgunblaðið - 22.02.1979, Side 10

10
MORGUNBLAÐIÐ. FIMMTUDAGUR 22. FEBRÚAR 1979
EFTA:
Fullur skilningur á
aðstæðum Mendinga
MorRunblaðinu hcfur borist
eftirfarandi fréttatilkynning frá
ríkisstjórninni:
Ríkisstjórnin samþykkti á fundi
6. þ.m. að lýsa þeirri stefnu sinni
að hækka jöfnunargjald af inn-
fluttum iðnaðarvörum úr 3% í 6%
i því skyni að jafna samkeppnisað-
stöðu íslensks iðnaðar. Aður en
hækkunin væri endanlega ákveðin
yrði málið kynnt EFTA og EBE og
undirtektir kannaðar.
Skipuð var sendinefnd til að
annast þetta kynningarhlutverk. í
hana völdust Ingi R. Helgason hrl.
fulltrúi viðskiptaráðherra, for-
maður nefndarinnar, Jón Skafta-
son deildarstjóri, Þorsteinn Ólafs-
son aðstoðarmaður iðnaðarráð-
herra og Vilhjálmur Lúðvíksson
formaður Samstarfsnefndar um
iðnþróun.
Átti nefndin fyrst viðræður við
utanríkisverslunarráðuneytið
danska um málsmeðferð og rök-
-semdir íslensku ríkisstjórnarinn-
ar, en Danmörk er ein Norður-
landa í EBE. Var fundurinn mjög
gagnlegur og leiðbeinandi fyrir
nefndina.
I Genf átti nefndin fyrir milli-
göngu fastanefndar Islands hjá
EFTA óformlegan fund með sendi-
herrum allra EFTA-ríkjanna og
kom þar á framfæri ákvörðun
íslensku ríkisstjórnarinnar og rök-
semdum fyrir henni. Kom fram
fullur skilningur hjá öllum sendi-
herrunum á málsástæðum Islands,
en þeir töldu að skoða þyrfti nánar
sjálfa útreikningana og finna
hækkuninni lagastað sem ekki
hefði fordæmisgildi. Því var sér-
staklega fagnað að málið skyldi
kynnt með þessum hætti. Unnið er
nú að nánari útreikningum, en
lagastoðin byggist á fyrirvara
íslands við 20. grein EFTA-sátt-
málans á sínum tíma.
í Brussel átti nefndin viðræðu-
fund með fulltrúum framkvæmda-
stjórnar EBE. Kom þar fram sami
skilningur á málsástæðum Islands
og hjá EFTA, og því lýst yfir að
EBE vildi stuðla að sem jafnastri
samkeppnisaðstöðu iðnaðar beggja
aðilanna í samræmi við samning
íslands og EBE frá 1973. Til þess
að flýta endanlegri afgreiðslu
málsins var ákveðið á þessum
fundi að láta sérfræðinga Islands
og EBE fara sameiginlega yfir
útreikninga jöfnunargjaldsins og
skoða betur lagarökin.
Eftir að málið hefur verið tekið
upp gagnvart EFTA og EBE með
þessum hætti, verður því nú með
hliðsjón af undirtektum fylgt eftir
á næstu vikum.
„t>ad á ekki að selja
björninn áður en bú-
ið er að skjóta hann”
KJARTAN Arnórsson, 14 ára
gamall piltur, opnaði sína
fyrstu myndlistarsýningu á
Mokka við Skólavörðustíg síð-
astliðinn laugardag. Sýningin
fylgir opnunartima veitinga-
hússins og mun standa næstu
tvær til þrjár vikur.
Verkin eru aðallega tússlita-
myndir, tuttugu og tvær alls,
eldri myndir og myndir gerðar í
ár og á síðastliðnu ári.
„Eg hef haft mikinn áhuga á
teiknun frá barnsaldri, og gert
þó nokkuð af því að teikna,"
sagði Kjartan. „Foreldrar mínir
og vinir gáfu mér hugmyndina.
Flestar eru þetta nú gamlar
myndir, gerðar áður en hug-
myndin að sýningunni kom
fram. Ég vona, að þessu verði
vel tekið en það er aldrei auðvelt
að setja upp sína fyrstu sýningu.
Ég fór á námskeið hjá Katrínu
Briem í Ásmundarsal á sínum
tíma, en sem stendur hef ég
engar fastar ákvarðanir varð-
andi myndlistina. Það fer eftir
því hvernig sýningunni verður
tekið. Maður á ekki að selja
björninn áður en búið er að
skjóta hann,“ sagði Kjartan í
lokin.
Frá lokafundinum í Valhöll.
Sjálfstœðisfélögin í Reykjavík:
4—500 manns á skattafundunum
Sjálfstæðisfélögin í Reykjavík hafa nú lokið fundahöldum um skattamál, en
fundirnir voru sex og sóttu þá 4 — 500 manns. Fyrst voru haldnir fimm hverfafundir
og lokafundurinn var í Valhöll á mánudágskvöld. Þar ræddu þeir Birgir ísleifur
Gunnarsson borgarfulltrúi og Ellert B. Schram alþingismaður um stefnu Sjálfstæðis-
flokksins í skattamálum.
1200 manns koma við
sögu læknamálsins
TÆPLEGA 1200 manns koma við
sögu læknamálsins svokallaða og
hafa 265 manns þegar verið yfir-
heyrðir vegna málsins. Þetta kom
MYNDAMÓT HF.
PRENTMYNDAGERÐ
AÐALSTRÆTI • SlMAR: 17152-17355
frá hjá Steingrími Hermannssyni
dómsmálaráðherra á Alþingi í
gær, þegar hann svaraði fyrir-
spurn frá Vilmundi Gylfasyni
alþm. um stöðu nokkurra dóms-
mála.
Svo sem kunnugt er var læknir
einn í Reykjavík kærður árið 1977
fyrir meint misferli í sambandi við
greiðslur frá sjúkrasamlögum. Lék
grunur á að hann hefðí sent inn
reikninga fyrir aðgerðir og vitjan-
ir, sem aldrei voru framkvæmdar.
Samkvæmt upplýsingum, sem
Mbl. aflaði sér í gær hefur þessi
grunur styrkst í yfirheyrslum yfir
þeim 265 sjúklingum, sem tekin
hefur verið skýrsla af. Kannast
þeir ekki við að hafa gengist undir
sumar þær læknisaðgerðir, sem
læknirinn hefur rukkað sjúkra-
samlögin fyrir.
Ekki liggur ljóst fyrir hve
marga sjúklinga til viðbótar þarf
að yfirheyra af þeim 1200, sem eru
á skrá hjá sjúkrasamlögum. Ranh-
sókn málsins er geysiumfangs-
mikil og tímafrek og má sem dæmi
nefna að læknirinn gaf út 3000
reikninga á þá 265 sjúklinga, sem
þegar er búið að yfirheyra. Enn-
fremur er ógjörningur að segja um
það á þessu stigi, hve háar upp-
hæðir er hér um að ræða.
Jarðhitaskóli
tekur til starfa
ORKUSTOFNUN og Iláskóli Sameinuðu þjóðanna hafa
undirritað samning um að Orkustofnun tengist Háskóla
Sameinuðu þjóðanna og sjái um rekstur jarðhitaskóla þar sem
veitt verði starfsþjálfun fyrir styrkþega Háskólans á sviði
rannsókna og nýtingar jarðhita. Jafnframt verður Orku-
stofnun ráðgjafaraðili Iláskóla Sameinuðu þjóðanna um
jarðhitamálefni.
Upphaf þessa máls er að í
janúar 1976 sendu íslensk
stjórnvöld Háskóla Sameinuðu
þjóðanna óformlegar tillögur
um samstarf á sviði rannsókna
og nýtingar jarðhita. Sumarið
1977 kom aðstoðarrektor HSÞ,
dr. W. Manshard, ásamt ráðu-
naut sínum, fyrrum aðstoðar-
framkvæmdastjóra Unesco, til
að ræða tillgöurnar við
fulltrúa íslenskra stjórnvalda
og vísindastofnana. I lok við-
ræðnanna óskuðu fulltrúar
HSÞ eftir formlegum tillögum
um skipulag og umfang
þjálfunarstarfsemi fyrir styrk-
þega HSÞ í rannsóknum og
nýtingu jarðhita á vegum
Orkustofnunar í samvinnu við
Háskóla íslands. Jafnframt
var ákveðið að HSÞ héldi
alþjóðiega vinnuráðstefnu á
íslandi sumarið 1978 til að
fjalla um skipulag jarðhita-
þjálfunar í heiminum og þarfir
þróunarlandanna fyrir slíka
þjálfun.
Síðan starfaði hópur manna
að máli þessu og skipuðu þann
starfshóp fulltrúar mennta-
málaráðuneytisins, iðnaðar-
ráðuneytisins, utanríkisráðu-
neytisins, Orkustofnunar,
Háskóla íslands, Rannsókna-
ráðs ríkisins og íslensku
Unesco-nefndarinnar. Sam-
kvæmt tillögu þessa hóps sendi
ríkisstjórn Islands í mars 1978
tillögur til HSÞ um fyrirkomu-
lag þjálfunar styrkþega HSÞ
hér á landi á sviði rannsókna
og vinnslu jarðhitaorku. í til-
lögunum var gert ráð fyrir að
íslendingar stæðu straum af
meginhluta þess kostnaðar
sem beint væri tengdur inn-
lendri aðstöðu og innlendum
mannafla en HSÞ kostaði
ferðir og dvöl styrkþega. Jafn-
framt tilkynnti ríkisstjórnin
að hún hefði í hyggju að veita
árlega einn styrk er tengdur
væri þessari starfsemi og
myndi sá styrkþegi valinn af
íslenskum stjórnvöldum.
Á alþjóðlegri vinnuráðstefnu
sem haldin var á vegum HSÞ á
Laugarvatni í júlí 1978 voru
síðan lögð drög að samningn-
um sem nú hefur verið undir-
ritaður milli Orkustofnunar og
Háskóla Sameinuðu þjóðanna.
Einnig hefur verið gerður
samningur milli Orkustofnun-
ar og Háskóla íslands um þátt
Háskóla íslands í þjálfun
styrkþeganna og verður
hugsanlega einnig leitað til
verkfræðiskrifstofa, hitaveitna
og annarra jarðhitafyrirtækja
Samningar milli
Orkustofnunar og
Háskóla Sameinuðu
þjóðanna hafa verið
undirritaðir um
rekstur skóla á sviði
rannsókna og nýt-
ingar jarðhita