Morgunblaðið - 19.06.1979, Blaðsíða 25

MORGUNBLAÐIÐ, ÞRIÐJUDAGUR 19. JÚNÍ 1979
25
r,
renndu sér gjarnan á fætur mót-
herjanna næðu þeir ekki til knatt-
arins. Fengu tveir KR-ingar að sjá
gula spjald dómarans fyrir ítrek-
uð slík brot. KR liðið er mjög jafnt
og enginn sem ákveðið sker sig út
úr hópnum. Magnús var öruggur í
markinu en ekki reyndi þó veru-
lega á hann. I framlínunni voru
þeir sprækir Jón Oddsson og
Sverrir Herbertsson en Ottó
Guðmundsson hinn trausti „ör-
yggisvörður" í vörninni. KR-ingar
eiga eftir að koma mikið við sögu í
mótinu í sumar og hala inn stigin.
Eyjamenn komu niður á jörðina
með dynk eftir Valssigurinn á
dögunum. Barátta leikmanna var
nú í lágmarki og lítið um keyrslur
og skiptingar. Mjög erfitt er að
átta sig á liðinu, stundum leikur
það stórgóða knattspyrnu en síðan
gengur ekkert upp hjá liðinu í
næsta leik. Óskar Valtýsson var
besti maður liðsins á laugardag-
inn, berst ávallt vel kappinn sá og
gefst aldrei upp. Tómas Pálsson og
Omar Jóhannsson tóku góða
spretti í sókninni en vörnin var
nokkuð óörugg að þessu sinni.
Ársæll verður ekki sakaður um
mörkin.
Annað er það sem er frásagn-
arvert við þennan leik. Föngulegur
kvenmaður, Guðbjörg Pedersen úr
Ármanni, sá um línuvörslu í
leiknum og skilaði hlutverki sínu
með ágætum. Þetta mun vera í
fyrsta skipti sem kvenmaður tek-
ur þátt í 1. deildarleik hér á landi.
Jafnréttisbaráttan kemur víða
við.
— hkj.
í STUTTU MÁLI:
1. deild, Vestmannaeyjavöllur 16.
júní 1979.
ÍBV — KRO—2(0—1).
MÖRK KR: Sverrir Herbertsson á 30.
mín. og Sigurður Indriöason á 82.
mín.
GUL SPJÖLD:Sigurður Pétursson
KR, Guöjón Hilmarsson KR.
ÁHORFENDUR:605.
jósm. Mbl. Guðlaugur Sigurgeirsson.
WMflfH flfflflffl
• Víkingar sækja að marki KA í leiknum á Iaugardaginn en hinn efnilegi markvörður Aðalsteinn Jóhannsson er við öllu búinn. Leikmaður no.
7 hjá Víkingi er Heimir Karlsson. Ljósm. Mbl. Emelía.
kafsigldu
VÍKINGAR unnu stórsigur yfir KA frá Akureyri þegar liðin mættust
í Laugardalnum s.l. laugardag. Leikurinn endaði 4:0 og var sigurinn
síst of stór því Víkingarnir misnotuðu fjölmörg dauðafæri þar á meðal
vítaspyrnu í seinni hálfleiknum. Leikmenn KA áttu afleitan dag að
þessu sinni, þeir fengu varla umtalsverð tækifæri og það var eins og
baráttuandinn hefði hreinlega orðið eftir á Akureyri. Þetta var fyrsti
leikur KA á grasi og kann það að hafa átt hér hlut að máli.
Víkingarnir hófu fljótlega stór-
sókn að marki KA og hurð hafði
tvívegis skollið nærri hælum við
mark KA þegar Víkingur skoraði
fyrsta markið á 12. mínútu. Vík-
ingur fékk þá hornspyrnu, sem
kom þegar KA bjargaði í horn
eftir að Lárus Guðmundsson hafði
átt lúmskt skot í stöngina. Sigur-
lás Þorleifsson tók hornspyrnuna
og gaf vel fyrir markið. Heimir
Karlsson skallaði boltann út ' í
teiginn til Lárusar og hann sendi
boltann fyrir markið til Ómars
Torfasonar. Ómar skaut að mark-
inu en á leið sinni fór boltinn í
Steinþór bakvörð og af honum í
markið.
Þremur mínútum síðar lá bolt-
inn aftur í netinu. Víkingarnir
fengu aftur hornspyrnu frá vinstri
og aftur tók Sigurlás spyrnuna.
Hann gaf vel fyrir markið, mark-
vörðurinn sló boltann út í teiginn
til Helga Helgasonar sem skaut
viðstöðulausu skoti rétt innan
vítateigslínunnar og boltinn hafn-
aði efst í markvinklinum fjær,
fallegt mark. Það sem eftir var
hálfleiksins áttu Víkingarnir
þrisvar góð tækifæri en Aðal-
steinn markvörður bjargaði ætíð
mjög vel og í eitt skipti með
úthlaupi, mjög laglega.
Sóttu meira
móti vindinum
Víkingarnir léku á móti strekk-
ingsvindi í seinni hálfleik og var
þá búist við sókn KA en það var
öðru nær. Strax á fyrstu mínútu
hálfleiksins brauzt Sigurlás upp
að endamörkum hægra megin og
Víkingur
— KA 4:0
• Sigurlás Þorleifsson átti stór-
leik í liði Víkings og hlýtur þessi
frábæri leikmaður að fá tækifæri
í landsliði fyrr en seinna.
gaf boltann fyrir markið til Gunn-
ars Arnar. Opið markið blasti við
af þriggja metra færi en á ein-
hvern óskiljanlegan hátt tókst
Gunnari að skjóta í eina manninn,
sem staddur var á marklínunni,
nafna sinn Gíslason, og hættunni
var bægt frá. Mínútu síðar fékk
KA sitt bezta tækifæri. Elmar
brauzt þá upp hægra megin og var
það í eina skiptið sem Magnús
bakvörður hleypti KA manni í
gegn hjá sér. Elmar gaf boltann
fyrir markið til Óskars Ingimund-
arsonar en skallabolti hans smaug
yfir þverslána.
Á 5. mínútu seinni hálfleiks
skoruðu Víkingar sitt þriðja mark.
Eftir góðan samleik Gunnars Arn-
ars og Heimis fékk Sigurlás bolt-
ann inn í vítateig, lék á varnar-
mann og skoraði með þrumuskoti í
stöngina og inn úr mjög þröngri
aðstöðu. Aftur mjög fallegt mark
hjá Víkingunum.
Fjórða markið kom svo á 14.
mínútu seinni hálfleiks og var það
hrein gjöf dómarans. Gunnar Örn
sendi góða sendingu inn fyrir vörn
KA. Ómar Torfason og Aðalsteinn
markvörður freistuðu þess báðir
að ná boltanum og var Ómar að
tapa þeirri baráttu þegar hann
brá á það ráð að slá boltann með
hendinni framhjá Aðalsteini.
Leikmenn KA stoppuðu en Hinrik
Þórhallsson sendi boltann til von-
ar og vara í markið. Og viti menn,
Magnús dómari hafði ekkert
athugavert séð og dæmdi markið
gilt.
Tveimur mínútum síðar sendi
Gunnar Örn aftur góða sendingu
inn fyrir vörn KA. Hinrik Þór-
hallsson brunaði með boltann í átt
að markinu þegar honum var
brugðið innan teigs og vítaspyrna
réttilega dæmd. Gunnar Örn, sem
hingað til hefur verið mjög örugg
vítaskytta, var heldur kærulaus og
skot hans fór í stöngina utanverða
og útaf.
Nokkru síðar sleppti Magnús
dómari augljósri vítaspyrnu þegar
varnarmaður KA handlék boltann
inni í vítateig og vítaspyrnukeim-
ur var af broti Helga Helgasonar
gegn Njáli Einarssyni snemma í
s.h.
Það sem eftir lifði leiksins fékk
Víkingur tvö mjög góð tækifæri en
Aðalsteinn markvörður varði vel í
bæði skiptin.
Liðin ;
Víkingsliðið virðist vera að
rétta úr kútnum eftir slæma
byrjun. í þessum leik lék það
prýðilega knattspyrnu á köflum
en datt niður þess á milli. Tveir
menn áttu stórleik í Víkingsliðinu,
Sigurlás Þorleifsson, sem er ein-
hver albezti framherji okkar í dag '
og á skilyrðislaust að fá tækifæri1
til þess aö spreyta sig í landsliðinu
og Magnús Þorvaldsson, sem var
geysisterkur í bakvarðarstöðunni
og tók einnig mikinn þátt í sókn-
inni. Róbert Agnarsson og Diðrik
Ólafsson voru og mjög sterkir.
Gunnar Örn átti ágætan leik úti á
vellinum en brást herfilega boga-
listin í marktækifærunum.
Um lið KA þarf ekki að hafa
mörg orð. Þar voru tveir menn í
sérflokki, Aðalsteinn markvörður
og Njáll Eiðsson. Aðalsteinn er
efnilegasti markvörður Akureyr-
inga síðan Árni Stefánsson kom
fram á sjónarsviðið og Njáll var sá
eini í liði KA, sem reyndi virkilega
að leika knattspyrnu.
Dómari var Magnús Pétursson
og var þetta einn af örfáum
„slæmu dögum“ þessa annars
mjög góða dómara.
í STUTTU MÁLI:
Laugardalsvöllur 16. júní, Víkingur
- KA 4:0 (2:0).
MÖRK Víkings: Ómar Torfason á
12. mínútu, Helgi Helgason á 15.
mínútu, Sigurlás Þorleifsson á 50.
mínútu og Hinrik Þórhallsson á 59.
mínútu.
ÁMINNINGAR: Einar Þórhallsson
KA bókaður í s.h.
ÁHORFENDHR: 293. - SS.
isiandsmAtia t. delld