Morgunblaðið - 19.06.1979, Qupperneq 37
MORGUNBLAÐIÐ, ÞRIÐJUDAGUR 19. JÚNÍ 1979
37
.
.
Lengsta leikfang í heimiY, gert úr kassakúlum. í tvo daga bjuggu gestir til
kassakúlur undir stjórn Einars Þorsteins, sem síðan á að setja saman í eina stóra
Unnur Jensdóttir söngkona skemmtir gestum inni í Kjarvalsstöðum.
Nýstárleg uppákoma
Samtökin Líf og land efndu um helgina til nýstárlegrar
samkomu á Kjarvalsstöðum. í tvo daga sátu ráðstefnugestir í
Kjarvalssal og hlýddu á 24 erindi um „Manninn og borgina“, og
reyndu að kryfja skipulagsmál borgarinnar og lifnaðarhætti
borgarbúa. En þar sem markmið samtakanna er öðrum þraibi að
glæða umhverfið meira lífi, var ákvcðið að efna jafnframt til
útihátíðar eftir hádegi báða dagana, sem einkum var ætluð yngri
kynslóðinni og sköruðust þessir tveir þættir.
Á útihátíðinni, sem raunar
fluttist að sumu leyti inn í húsið
vegna veðurs, voru margs konar
„uppákomur". Alls konar flokkar
skemmtu í sjálfboðavinnu. Tvær
söngkonur opnuðu skemmtunina
sín hvorn daginn, þær Unnur
Jensdóttir og Elisabet Eiríks-
dóttir. Svo tók við hvað af öðru
inni og úti, popphljómsveitin
Stormsveitin, Tóti trúður og
félagar, Alþýðuleikhúsið með
þætti úr Norninni Baba Jaga,
Oddur Sigurðsson þandi harmo-
nikuna, Trítiltoppa tríóið
skemmti. brúðuleikhúsflokkur
sýndi, nýlistamenn voru með
gjörninga inni og úti, stúlkur úr
Handíða- og myndlistarskólan-
um teiknuöu. Uti á túni voru
skátar með klifurgrindur og
kassabíla, og þar var bæði flóa-
markaður og blómatjald. Báða
dagana lögðu gestir sitt fram til
að koma íslandi í heimsmetabók
Guinness, með því að búa til
heimsins lengsta leikfang úr
kassakúlum, sem Einar Þor-
steinn arkitekt var með. Og
stanslausar kvikmyndasýningar
voru.fyrir börn í fundasal. Var
mikið líf- og fjör á staðnum.
Útisamkomurnar settu Elín
Pálmadóttir á laugardag og
Guðrún Helgadóttir á sunnudag.
Á meðan fjölluðu ráðstefnu-
gestir um borgarmál, „Reykjavík
í dag“ á laugardagsmorgun og
„Frið og varðveislu" síðdegis,
„Manninn og borgarkerfið" á
sunnudagsmorgun og síðdegis
„Skipulag og nýsköpun". Ráð-
stefnan hófst með ávarpi Jóns
Ottars Ragnarssonar, formanns
Lífs og lands. Erindin voru öll
tilbúin í bók, sem er til sölu.
Þorsteinn Gunnarsson, arkitekt,
nefndi sitt erindi „Borg skoðuð",
Logi Kristjánsson, bæjarstjóri í
Neskaupstað talaði um borg og
land, Hörður Ágústsson sagði
með myndum ágrip af húsagerð-
arsögu þéttbýlis á íslandi, Guð-
rún Hannesdóttir, félagsfræð-
ingur fjallaði um félagslegt sam-
neyti í Reykjavík, Sturia Frið-
riksson, vistfræðingur um lífríki
Reykjavíkur, Hjörleifur Stefáns-
son, arkitekt, ræddi viðfangsefn-
iö „hvenær á að friða hús?“,
Björn Bjarnason, skrifstofu-
stjóri, ræddi um afstöðuna til
Bernhöftstorfunnar, Þór Magn-
ússon, þjóðminjavörður, um
Bernhöftstorfuna og Nanna
Hermannsson um framtíð
Grjótaþorps. Ólafur Davíðsson,
hagfræðingur, talaði um kostnað
við verndun, Sigurður Líndal,
prófessor, um lög og friðunarað-
gerðir, Ingimar Erlendur Sig-
urðsson, skáld, um mann í borg
og borg í manni, Eiður Guðna-
son, alþingismaður, um fólkið og
fjölmiðlana, Jón E. Ragnarsson,
hdl., um lög og reglur í borg,
Þórður Þorbjarnarson, borgar-
verkfræðingur, um samgöngur í
borg, Jón Sigurðsson, forstöðu-
maður Þjóðhagsstofnunar, fjall-
aði um það hver ræður
neysluvenjum, Birgir ísl. Gunn-
arsson talaði um aðalskipulag
Reykjavíkur og Stefán Thors
arkitekt um aðalskipulagið og
raunveruleikann, Sigurður Guð-
mundsson, skipulagsfræðingur,
um landnotkun og skipulag,
Björn G. Ólafsson um hlutverk
borga í hagþróun, Bjarki Jó-
hannesson, arkitekt, um Reykja-
vík framtíðarinnar, Haukur
Viktorsson, arkitekt, um miðbæ-
inn í Reykjavik og Jónas
Kristjánsson, ritstjóri, um líf í
borg. Sýnir þetta frá hve mörg-
um hliðurn var fjallað um við-
fangsefnið, en báða dagana urðu
fjörugar almennar umræður í
lokin, fyrri daginn einkum um
friðunarmál og Bernhöftstorf-
una og síðari daginn um skipu-
lag Reykjavíkur. Og á meðan
skemmtu börn og fullorðnir sér
á göngum og kaffistofu hússins
og úti á túni.
Meðan yngri kynslóðin skemmti sér úti og inni. sátu virðulegir ráðstefnugestir í
Kjarvalssal og hlýddu á fyrirlestra um borgina.
Gaman og alvara
Skátar höfðu klifurgrindur og kassabfla til afnota fyrir gesti úti á Miklatúni.