Morgunblaðið - 26.04.1980, Blaðsíða 3

MORGUNBLAÐIÐ, LAUGARDAGUR 26. APRÍL 1980
3
Þrír skipverjar Jökultinds taldir af:
VÉLBÁTURINN Jökultindur SI 200 fórst skammt
norðvestur af Vestmannaeyjum sl. miðvikudagskvöld
og eru þrír skipverjar, sem á honum voru taldir af.
Lík skipstjórans, Guðmundar E. Guðjónssonar kaf-
ara, fannst rekið í gær á Steinafjöru undan bænum
Berjanesi í A—Eyjafjöllum og var Guðmundur
bundinn við bauju og var klæddur sjóstakki og
stígvélum. Guðmundur var fæddur 23.3. 1931 til
heimilis að Bogahlíð 18 í Reykjavík. Með honum
fórust sonur hans, Magnús Rafn Guðmundsson,
fæddur 7.12.1959 til heimilis að Bogahlíð 18 og Kári
Valur Pálmason, fæddur 21.12. 1959 til heimilis að
Brekkugerði 12 í Reykjavík. Guðmundur hefur um
árabil unnið við kafarstörf í Eyjum ásamt syni sínum
og fleirum, en um skeið hafði hann stundað róðra á 15
tonna stálbáti sínum smíðuðum 1971 á Seyðisfirði.
Jökultinds var saknað á fimmtudagsmorgun, en
síðast sást til bátsins innst á Flúðunum, mitt á milli
lands og Eyja, um kl. 18 á miðvikudag. Trillubátar
voru þá á þessum slóðum og var veður gott og sléttur
sjór.
Leitarmenn í Vestmannaeyjum á útkikki.
Líklegt að bátnum hafi hvolft
þegar netin voru dregin inn
Strax og bátsins var sakn-
að var hafin leit, fjörur
gengnar, leitað á sjó og stór
hluti Suðurlandsmiða var
kembdur úr lofti, en einskis
varð vart úr bátnum. I gær
fór Lóðsinn og fleiri bátar úr
Eyjum að þeim stað sem
síðast sást til Jökultinds og
komu þar fram lóðningar á
dýptarmæli, sem benda
sterklega til þess að báturinn
liggi þar á 50 m dýpi. Líkur
benda til þess að slysið hafi
orðið með þeim hætti að
netatrossan hafi festst í
botni þegar verið var að
draga netin inn á spilinu og
að þeir skipsfélagar hafi ekki
náð að kúpla frá spilinu og
bátnum því hvolft. Vitað er
Jökultindur SI 200.
(Ljósm.: SÍKurKCÍr)
að stjórntækin á dekki voru
ekki í lagi, en hafi þeir verið
að hífa munu þeir allir hafa
verið á dekki. Sjómenn á
bátum sem komu að Jökul-
tindi síðdegis á miðvikudag
veittu því athygli að lest var
opin eins og ekki er óalgengt
á veiðum í öðru eins góðviðri
og var sl. miðvikudag.
Ekki tókst að kanna nánar
þann stað sem lóðningin fór
fram á, en það verður gert
við fyrsta tækifæri þegar
brælunni, sem skall á í fyrri-
nótt, linnir. I dag verða
fjörur gengnar frá Affalli í
Landeyjum, allt að Dyrhóla-
ey, auk þess sem bátar svip-
ast um og leitað verður úr
lofti ef vel viðrar.
Guðmundur Guðjónsson kafari
við vinnu sina við Vestmanna-
eyjar fyrir nokkru.

að s/á það nýjasta
Tækni-eða tískunýjungar, þad nýjasta í
læknisfræði eða leiklist, það sem skiptir
máli í vísindum eða viðskiptum. Það er í
rauninni sama hverju þú vilt kynnast-þú
finnurþað í Bandaríkjunum - þarsem
hlutirnir gerast. New York er mikil miðstöð
hvers kyns lista, þar eiga sér stað
stórviðburðir og stefnumótun í málaralist,
leiklistog tónlistsvo dæmiséu nefnd. Frá New
York er ferðin greið. Þaðan er stutt í sól og sjó
suður á Flórida - eða snjó í Colorado. Svo er
einfaldlega hægt að láta sér líða vel við að
skoða hringiðu fjölbreytilegs mannlífs.
NEW YORK-EINN FJÖLMARGRA STAÐA
íÁÆTLUNARFLUGI OKKAR.
FLUGLEIDIR