Morgunblaðið - 26.04.1980, Page 17

Samþykkti
ályktun
um orkumál
Bæjarstjórn Sauðárkróks sam-
þykkti eftiríarandi ályktun um
orkumái á fundi sínum 15. apríl
sl.:
Bæjarstjórn Sauðárkróks vekur
athygli orkumálaráðherra og
stjórnar Rafmagnsveitna ríkisins
á því, að undanfarið hefur mjög
gætt raforkutruflana í Skagafirði
og á Sauðárkróki og er almennt í
héraðinu öllu kvartað undan afar
slæmu ástandi í orkumálum á
þessum vetri.
Þarf ekki að fjölyrða um þann
vanda og það tjón sem slíkt ástand
veldur íbúum héraðsins, og hefur
sýslunefnd Skagafjarðar nýlega
bent á þetta í ályktun sinni.
Skorar bæjarstjórn Sauðár-
króks á yfirvöld orkumála að ráða
sem fyrst bót á þessum vanda og
bendir í því sambandi á eftirfar-
andi:
a. Aðveitustöð við Varmahlíð
verði fullgerð og tekin í notkun
eins fljótt og hægt er.
b. Vel verði séð um endurnýjun og
viðhald dreifilína fyrir raf-
magn um héraðið og sérstakt
tillit tekið til iðnaðar- og upp-
hitunar iðnaðarhúsnæðis.
c. Bæjarstjórn Sauðárkróks skor-
ar á yfirvöld orkumála að
hraðað verði undirbúningi að
virkjun á Norðurlandi vestra
svo að unnt verði að hefja
framkvæmdir sem allra fyrst.
Höfuðborgarsvæðið:
Lóðirnar
orðnar 700
í FRÉTT Mbl. um byggingarlóðir
á höfuðborgarsvæðinu til úthlut-
unar á þessu ári var greint frá, að
þær væru kringum 600. Voru þar
taldar til lóðir í Reykjavík, Sel-
tjarnarnesi, Hafnarfirði, Kópa-
vogi og Mosfellssveit, en Garða-
bæjar var í engu getið. Þar eru
hins vegar til ráðstöfunar og
byggingarhæfar á þessu ári kring-
um 100 lóðir og eru þær því alls
orðnar um 700 í Reykjavík og
nágrannasveitarfélögum.
I Garðabæ var um áramótin
úthlutað 44 einbýlishúsalóðum í
svonefndu Hnoðraholti og á árinu
verða og byggingarhæfar milli 40
og 50 lóðir undir raðhús og
parhús, sem úthlutað hefur verið
til Byggungs. Þá hefur íbúðaval
fengið sérstaka úthlutun til 5 ára,
úm 20 lóðir á ári, undir keðjuhús
og einbýlishús og standa nú yfir
framkvæmdir við þau hús.
í björtum
bláum lit
NÝIR einkennisbúningar fyrir
flugfreyjur, flugafgreiðslufólk
og starfsfólk á söluskrifstofum
Flugleiða eru nú á lokastigi
hönnunar og hefst úthlutun
þeirra 1. nóvember nk. segir í
Félagspósti Flugleiða. Bún-
ingarnir verða úr íslenzku ullar-
efni, í björtum bláum lit. Um
svipað leyti verða tilbúnir nýir
einkennisbúningar flugliða, þeir
verða úr dökkbláu ullarefni frá
Gefjun.
MYNDAMÓTA
Aónlstræti 6 simi 25810
MORGUNBLAÐIÐ, LAUGARDAGUR 26. APRÍL 1980
17
Hæfileikakeppnin í Kópavogi:
Frumsamið
efnií
meirihluta
Snælandssex hét þessi hljómsveit i Snælandsskóla og hlutu þau önnur verðlaun fyrir flutning í keppninni.
Willy Hanssen söng sem gestur á hæfileikakeppninni. Hér er hann
ásamt ólafi Þórðarsyni sem var kynnir.
Hæfiieikakeppni Kópavogs
fór fram i Félagsheimili Kópa-
vogs sl. miðvikudagskvöld.
Keppni þessi er orðin árviss
viðburður i Kópavogi og hefur
svo verið sl. 8 ár. Tómstunda-
ráð Kópavogs stendur fyrir
keppninni og að þessu sinni
voru atriðin 9. Fern verðlaun
voru veitt, ein fyrir besta
frumsamda efnið og þrenn verð-
laun fyrir flutning.
Dómnefndin, undir forsæti
Kristjáns Guðmundssonar, kom
sér saman um að skipta verð-
laununum fyrir frumsamda
efnið í tvennt og hlutu þau að
þessu sinni söngtríó John Hans-
sens sem söng tvö gospellög og
Kristinn Jón Guðmundsson og
Steinn Skaftason sem fluttu
ljóð við píanóundirleik. Með
John söng Hrafnhildur Hall-
dórsdóttir og Jóhanna Sigrún
sem samdi lögin ásamt John.
Kristinn Jón Guðmundsson og Steinn Skaftason skiptu verðlaunum um besta frumsamda efnið með
söngtríó John Hanssens. Myndir Emiiia.
Fyrstu verðlaun fyrir bestan
flutning hlaut hljómsveit sem
kallar sig Víghólaflokkinn og er
undir stjórn Ólafs Þórðarsonar.
önnur verðlaun hlaut hljóm-
sveitin Snælandssex og þriðju
verðlaun hlaut dansflokkur úr
Þingholtsskóla. Hann sýndi
frumsaminn diskódans. For-
seti bæjarstjórnar afhenti verð-
laun og viðurkenningarskjöl.
Aðrir sem þátt tóku í keppn-
inni voru: Pétur Már ólafsson
sem flutti ljóð, hljómsveitin
Dordinglar sem flutti 3 frum-
samin lög, Skúli Hilmarsson
sem las frumsamda smásögu og
Hallgrímur Guðsteinsson lék
frumsamið píanóverk.
Þá kom á hæfileikakeppnina
gestur, Willy Hanssen gospel-
söngvari, og söng tvö lög við
mikinn fögnuð viðstaddra, sem
troðfylltu Félagsheimilið.
Eins og sjá má var Félagsheimili Kópavogs þétt setið á Hæfileikakeppninni.