Morgunblaðið - 26.04.1980, Page 18

18
BRESKA VIKAN
Breskt síðdegiste með
sekkjapípu- og píanótónlist
NÚ STENDUR yfir bresk vika á
Hótel Loftleiðum o« nú um helg-
ina verður þar ýmisleíft á boðstól-
um sem ber breskt yfirbraííð.
I hádeginu verður framreitt
kalt borð á breska vísu og skoskur
sekkjapípuleikari mun skemmta
matargestum. Á Vínlandsbar hef-
ur verið komið fyrir breskum
„pub“ og verður þar einnig fram-
reiddur matur sem ber heitið „Pub
grub“.
Breskt síðdegiste verður á
boðstólum um kaffileytið og mun
píanóleikari og sekkjapípuleikari
flytja tónlist gestum til yndis-
auka.
Á kvöldin er breskur matseðill í
Víkingasal. Þar verður einnig
dansað að borðhaldi loknu.
Þá mun Magnús Magnússon
flytja erindi í ráðstefnusal Hótels
Loftleiða um þessa helgi.
Gestum á bresku vikunni á Hótel Loftleiðum verður m.a. boðið upp á
breska hijómiist ýmiss konar. Hér spiiar pianóleikarinn Cockney.
MYNDLIST
Málverkasýningar í
Reykjavík og víöar
SÝNINGIN frá Sonju Heine og
Nils Onstad-safninu stcndur enn
yfir í Norræna húsinu en auk
hennar verður sýning á norskum
grafíkverkum í anddyri hússins
nú um helgina. Á Kjarvals-
stóðum verður Nordisk Textiltri-
ennalsýningin en henni mun
Ijúka 4. mai n.k.
Árni Garðar opnaði málverka-
sýningu í Nýja Galleríinu um sl.
helgi en þeirri sýningu mun ljúka
á morgun, sunnudag. Árni sýnir
nú 45 vatnslita-, pastel- og olíu-
krítarmyndir en þetta er 4. einka-
sýning hans.
í FIM-salnum á Laugarnesvegi
verður opin sýning á verkum eftir
Hjörleif Sigurðsson í dag og á
morgun kl. 14—22.
Á sumardaginn fyrsta opnuðu
12 frístundamálarar sýningu á
verkum sínum í Safnahúsinu á
Selfossi. Sýna þeir þar 71 verk.
Sýningin verður opin kl. 14—22 en
henni lýkur á morgun.
í Listhúsinu á Akureyri er
sýning á myndum feðginanna Sig-
rúnar Steinþórsdóttur Eggen og
Steinþórs Marinós Gunnarssonar.
Sýningunni lýkur á morgun.
í Eden sýnir Soffía Þórkelsdótt-
ir 40 myndir málaðar hin síðari
ár. Sýningin verður opin til 28.
þessa mánaðar. Sýningin er til
styrktar einhverfum börnum.
Á sýningu Sonju Heine og Nils Onstad-safnsins í Norræna húsinu
getur að líta verk ýmissa meistara málaralistarinnar. Þar á meðal er
verk það eftir Edvard Munch sem þessi mynd er af.
Aðstandendur Leikbrúðuiands ásamt Þóru Kristjánsdóttur listráðunauts fyrir utan Kjarvalsstaði.
BRÚÐULEIKHÚS
Sálin hans Jóns míns
LEIKBRÚÐULAND sýnir „Sálin hans Jóns míns“ á Kjarvalsstöðum í dag og á morgun kl. 15 báða
dagana. Leikurinn er gerður upp úr þjóðsögunni og leikritinu Gullna hliðið og hefur Bríet Héðinsdóttir
samið handritið en hún er jafnframt leikstjóri. Messíana Tómasdóttir bjó brúðurnar til en 11
atvinnuleikarar leggja þeim til raddir sínar. Leikbrúðuland hefur veg og vanda að sýningunni og
aðstandendur leikhússins stjórna brúðunum og aðstoðuðu við gerð þeirra.
MYNDLIST
Málverkasýning
BRESKI listmálarinn Brian
Pilkington mun opna málverka-
sýningu í Djúpinu, Hafnarstræti,
laugardaginn 26. april. Sýndar
verða 20 acrylmyndir, sem málað-
ar hafa verið siðustu sex mánuð-
ina. Þetta er önnur einkasýning
listamannsins á íslandi.
Brian er fæddur árið 1950 í
Liverpool í Englandi. Hann stund-
aði listnám í Liverpool Art College
og síðar í Leicester Art College,
þar sem hann hlaut B.A.-gráðu
1975.
Málverkin sem Brian sýnir í
Djúpinu að þessu sinni, eru ýmist
af íslensku fólki í íslensku um-
hverfi, eða af áhrifum tónlistar á
hlustandann, yfirfærðum í mynd-
mál.
Fyrir tæpum fjórum árum kom
Brian til íslands í sumarleyfi og
hefur hann ekki snúið til baka
enn. Fyrstu sýningu sína hér á
landi hélt hann árið 1977 í gallerí-
inu Sólon Islandus.
Sýningin stendur til 9. maí og er
opin daglega frá kl. 11 til 23.
Listamaðurinn með eina af mynd-
um sinum.
LEIKLIST
Leiksýningar
í Reykjavik
Þjóðleikhúsið:
Sumargestir á stóra sviðinu í dag kl. 20.
Óvitar á stóra sviðinu á sunnudag kl. 14.
Smalastúlkan og útlagarnir á stóra sviðinu á sunnudag kl. 20.
Leikfélag Reykjavíkur:
Er þetta ekki mitt líf? í dag kl. 20.30.
Hemmi á sunnudag kl. 20.30.
Klerkar í klípu í Austurbæjarbíói í dag kl. 23.30.
Úr sýningu Þjóðleikhússins á leikriti Sigurðar Guðmundssonar og
Þorgeirs Þorgeirssonar, „Smalastúlkan og útlagarnir“. Hér eru þau
Árni Blandon og Tinna Gunnlaugsdóttir í hiutverkum smalastúlkunn-
ar og eins útlagans.
KVIKMYNDIR
Milljónin
FJALAKÖTTURINN sýnir í
Tjarnarbíói í dag frönsku mynd-
ina „Le Million" (Milljónin) eftir
franska leikstjórann René Clair.
Mynd þessi lýsir ferðalagi happ-
drættismiða og leitinni að honum.
Aðalhlutverkin eru í höndum
René Leferre og Annabella.