Morgunblaðið - 18.05.1980, Blaðsíða 33
MORGUNBLAÐIÐ, SUNNUDAGUR 18. MAI1980
33
og Fleetwood Mac og enn erfið-
ari að fá, en þetta eru nokkur
nöfn sem selja sínar plötur vel
hér, þó listgildi svo vinsælla
hljómsveita hafi alla tíð verið
dregið í efa af ýmsum. Eins má
nefna aðra ódýra hljómsveit,
Police, sem er þriggja manna
hljómsveit, með einn rótara, en
þeir hafa selst vel hér, og rekja
rætur sínar í jazz, og hljóm-
sveitargryfjur í merkum Leik-
húsum í London!
Giska má á að kostnaður við
vinsælar hljómsveitir sé á bilinu
30—40 milljónir með flutningi á
hljómtækjum sem ætla má að sé
um 20 milljónir af því þar sem
um sérstakt leiguflug væri að
ræða.
Ef þessi tæki væru til hér á
landi, þ.e. leigutæki eins og
gengur og gerist annars staðar í
heiminum væri augsýnilegt að
hægt væri að komast sæmilega
En þó út úr góðum hljómleikum.
tæki væru fyrir hendi er vissu-
lega líklegt að helmingur allra
tónlistarmanna þyrfti að hafa
með sér sérbúnað og hreinlega
léki ekki nema með sínum eigin
tækjum þannig að það er spurs-
mál líka þó að það auðveldaði
allar umræður við erlenda að-
ilja.
Þess má líka geta að þó enn
haldi Listahátíð þeim möguleika
opnum að poppið eigi sinn full-
trúa á Listahátíð þá er hann
einn á móti 100.
Ef Listahátíðarmenn hafa
einhvern tímann þurft að ráða
hljómsveitir á árshátíðir eða
skólaböll, ættu þeir að vita, að
jafnvel íslenskar hljómsveitir
sem hafa kveinkað undan verk-
efnaskorti, eru oftast fullbókað-
ar 2—3 mánuði fram í tímann,
ef eitthvað er í þær spunnið.
T.d. hafa flest allar hljóm-
sveitir ráðstafað sumartíman-
um nú þegar.
Erlendar hljómsveitir sem
eru á plötusamningum og með
umboðsmenn eru mun erfiðari
að eiga við hvað viðvíkur tíma.
Yfirleitt eru umboðsmenn til-
búnir með ársáætlun fyrir fram
ársfjórðungslega, samkvæmt
viðtali við B.P. Fallon síðastliðið
sumar, en hann var einn af
lykilmönnum á Knebworth
hljómleikum Led Zeppelin í
fyrrasumar.
Fallon, sem einnig hefur
hljómsveitir eins og Boomtown
Rats o.fl. og var umboðsmaður
Marc Bolan upp á toppinn og
þar til hann tók við því sjálfur,
tjáði undirrituðum einnig að
undirbúningurinn að Kneb-
worth hljómleikunum hefði tek-
ið um ár, og þess má líka geta að
til stóð að þeir léku á íslandi
viku áður, en skiptu yfir á
Danmörku á síðustu stundu, þar
sem erfitt var að ná fótfestu
hér.
En þó Listahátíð telji ekki
þess vert að leggja jafn mikið í
að ná popp listamönnum og
öðrum, þá er það þó gleðifrétt
fyrir unnendur popp tónlistar að
söluskattsniðurfellingin á tón-
leikahaldi nær til popptónlistar
að þessu sinni og það ætti að
greiða veginn til þess að mögu-
legt sé að halda hér hljómleika
hvort heldur sé með innlendum
eða erlendum og ef stór og mikil
hljómflutningstæki koma í
sumar eykur það enn veg popp-
hljómleikahalds, og ætti jafnvel
að skapast álíka grundvöllur og
á jazzhljómleikum.
Og við efum það ekki að þó
Listahátíð mistakist enn einu >
sinni að fá popp fulltrúa þá
verður einhver annar til þess að
fylla það skarð.
Madness koma til íslands!
Hljómplötuútgáfan Steinar
hf. mun fá bresku „ný-ska“
hljómsveitina Madness til lands-
ins í sumar.
Þrátt fyrir það að allt útlit
sé fyrir því að Listahátíð bregð-
ist yngri kynslóðinni með popp-
hljómsveitir, þá eru aðrir sem
koma til með að uppfylla þær
óskir.
Steinar hf. eru þeir fyrstu
til að tilkynna komu popp-
hljómsveitar í sumar, og eflaust
ekki þeir siðustu.
Madness er hljómsveit sem
er búin að gefa út eina breið-
skífu sem gengið hefur ágætlega
hérlendis og gekk mjög vel í
Bretlandi. Þess má geta að
þrjú lög af þessari plötu, „One
Step Beyond“ náðu toppnum í
Bretlandi.
Madness verða í heimsreisu
í júni-júlí og er á stefnuskrá að
hagraeða íslandi inn í þá mynd.
en ef það bregst kemur hljóm-
sveitin gagngert til íslands að
þeirri reisu lokinni. Steinar
Berg, forstjóri Steina hf. tjáði
Slagbrandi jafnframt að útgáf-
an væri þess utan með mörg
járn í eldinum og kæmu margar
hljómsveitir og listamenn til
greina að koma til íslands.
Þursarnir í Þjóðleikhúsinu
Hinn íslenski Þursaflokkur heldur
lokatónleika sína í Þjóðleikhúsinu á
mánudagskvöldið 19. maí næstkom-
andi klukkan níu.
Þessi setning hljómar kannski einkennilega,
en það hefur þó gerst að popphljómsveit hefur
fengið Þjóðleikhúsið til umráða eitt kvöld til
hljómleikahalds ef kalla má Þursana popp-
hljómsveit.
Undanfarna mánuði hafa þeir farið víðreist
um landið og leikið á 31 hljómleik og gerðu sér
meira að segja ferð til ísafjarðar, en sá
landshluti hefur oftast verið skilinn út undan.
Efni hljómleika þeirra byggist að mestu upp á
seinni plötu þeirra „Þursabiti", en lögin hafa
mörg hver tekið á sig nýjan búning í
meðförum þeirra í þessari ferð, en auk þess
eru þeir með lög af fyrstu plötunni og ný lög
sem enn hafa ekki myndast á plast.
Dagskráin er orðin um tveggja og hálfs
klukkutíma löng með hléi.
Verður gaman að heyra hvernig tónlistin
nýtur sín í þessu völundarhúsi, en það ku vera
búið ágætum hljómskilyrðum. Um 600 manns
komast í sæti og miðaverð vera nokkuð
skaplegt, eða 5000 kr. í betri sætunum en
eitthvað lægra á svölum, enda þörf á kíkjum
þar.
Lokatónleikar
ÞURSANNA
á þessu ári!
Hljómleikar þessir verða líklega þeir
síðustu með Þursunum í þeirri mynd sem þeir
eru í dag, því til stendur að stokka ríflega upp
í sveitinni, þó ekki sé komið á hreint hvernig.
Einnig gerðu þeir ráð fyrir að tónlistarstefnan
breyttist eitthvað, og þeir semdu efnið að
mestu leyti sjálfir. Annars stendur til hjá
þeim að hefja vinnu að nýrri rokkóperu um
Gretti í samvinnu við Leikfélag Reykjavíkur,
og verður það að líkindum sýnt í Iðnó í haust.
Munu þeir semja tónlistina við stykkið.
Þar að auki hyggjast þeir taka sitt fyrsta
sumarfrí síðan Þursaflokkurinn var stofnaður,
en þess má líka geta að í sumarfríinu ætla þeir
að hefja vinnu á nýrri breiðskífu! Og hluti
þeirra mun þess utan koma við sögu í
væntanlegri kvikmynd um Tívolí, sem byrjar í
haust, en þar munu þeir sjá um tónlistina.
Þannig að þó Þursarnir verði önnum kafnir
er hér um síðasta tækifæri að ræða til að sjá
þá flytja þá tónlistarstefnu sem þeir hafa
byggt upp á undanförnum tveim árum.
Þess má geta að ef miðar verða einhverjir
eftir á mánudeginum verða þeir til sölu í
Þjóðleikhúsinu nokkrar stundir fyrir sýningu.
Rolling Stones enn að vinna að nýju plötunni
Þeir sem hafa beðið eftir nýju Rolling Stones plötunni, sem reyndar
var tilbúin 1979, og átti svo að koma út i mars, síðan í april, siðan var
komið á hreint að hún ætti að koma úr 2. mai, þeir verða að biða ögn
lengur!
Þó að það hafa verið komið plötunúmer og hvaðeina hefur það nú
gerst að Jagger og félagar eru i stúdiói þessa dagana að endurblanda
nokkur lög, og nafnið „Emotional Rescue“ verður jafnvel ekki
endanlega nafnið.
Annars er plata þeirra nokkuð merkilegt fyrirbæri, þar sem hún á
að vera haldin þeim eiginleika að ekki sé hægt að gera nema ónýta
afsteypu af henni þannig að ólöglegar útgáfur verða ekki til staðar í
þetta sinn.
Þó er sagt að platan komi um miðjan maí, en við eigum eftir að sjá
það.