Morgunblaðið - 14.01.1982, Blaðsíða 2
MORGUNBLAÐIÐ, FIMMTUDAGUR 14. JANÚAR 1982
Vonskuveður
á SV-landi
Mikið um járnplötur á flugi
VONSKUVEÐUR gekk yfir sunnan- og vestanvert landið í
gærkvöldi og í nótt. í Reykjavík var mikið um fok og til
dæmis var lögreglan kölluð út oftar en 10 sinnum vegna foks
á járnplötum. Þá ruddu Elliðaárnar sig, og að sögn lögregl-
unnar er jafnvel óttast að efri brúin á Elliðaánum hafi
skemmst vegna jakaruðnings.
Guðmundur Hafsteinsson,
veðurfræðingur, sagði
skömmu eftir klukkan eitt í
nótt, að áttin hefði fyrst
staðið af suðri og síðan
vestri og vindhraðinn verið
þetta 9—10 vindstig. Sagði
hann að reikna mætti með
éljagangi í nótt, en í dag
myndi lægja. Hins vegar
væri önnur lægð að búa um
sig suður í hafi og ef hún
dýpkaði mikið myndi áhrifa
frá henni líklega gæta hér er
líða tæki á daginn.
Samninganefnd ASV á fundi í dag:
Viljum samstöðu um
aðgerðir til að ná
viðunandi samningum
- segir Pétur Sigurðsson
„ÞAÐ, sem við viljum, er, að á
þessum fundi verði mynduð sam-
staða félaga á svæðinu um aðgerð-
ir til að ná samningum, sem hægt
er að sætta sig við,“ sagði Pétur
Sigurðsson, formaður verkalýðsfé-
Elvar náði
áfanga að
FIDE-titli
GIJÐMIJNDUR Sigurjónsson,
stórmeistari, vann Svíann Lars
Karlsson í 4. umferð svæðamótsins í
Randers í gær. Helgi Olafsson tap-
aði fyrir Norðmanninum Tiller í 4.
umferð en Jón L. Árnason sat yfir í
gær.
Karl Þorsteins er nú einn efstur
á alþjóðlega unglingamótinu í
Brazilíu. í gær vann hann einn
helsta keppinaut sinn, D’Lugy frá
Bandaríkjunum í 35 leikjum og
hefur vinnings forskot á helstu
andstæðinga sína. Hann hefur
hlotið 8 vinninga eftir 10 umferð-
ir.
Elvar Guðmundsson náði
áfanga að FIDE-titli á alþjóðlegu
skákmóti, sem lauk í Hamar í
Noregi í gær. Elvar hlaut 5 vinn-
inga í 9 umferðum og hafnaði í
5.-8. sæti.
Þorsteinn Þorsteinsson hlaut 4
vinninga á mótinu.
lagsins Baldurs á ísafirði, i sam-
tali við Mbl. í gærkvöldi, en um
helgina samþykkti fundur í Baldri
áskorun til samninganefndar Al-
þýðusambands Vestfjarða um að
knýja fram kjarasamninga.
Samninganefndin kemur saman á
ísafirði í dag og sagði Pétur Sig-
urðsson, sem einnig er forseti Al-
þýðusambands Vestfjarða, að
væntanlega yrði stefnan mörkuð á
þeim fundi.
Þjóðarframleiðsla undir vinstri stjórn:
Minnkandi vöxtur
- þrátt fyrir góðæri
í ÁR getur þjóðin nýtt 130 til 150 þúsund tonna meiri þorsk-
afla en á árinu 1978, þegar valdaferill vinstri stjórnanna
hófst, sem enn er ekki lokið. Afli þessa mikilvægasta hráefn-
is fiskiðnaðarins er því 30—40% meiri nú en á árinu 1978.
Verð á sjávarafurðum á erlendum mörkuðum hefur einnig
verið gott síðan 1978, þegar á heildina er litið.
Drukknaði í
Eyjafjarðará
Myndin er af Sigtryggi Ómari Jó-
hannessyni sem drukknaði í Eyja-
fjarðará á sunnudag. Sigtryggur
Omar var fæddur 5. apríl 1977.
En hvernig hefur vexti þjóð-
arframleiðslunnar verið hátt-
að þessi ár? Það sést á mynd-
inni. Þrátt fyrir aukinn afla og
hagstæðar markaðsaðstæður
hefur þjóðarframleiðslan auk-
ist sáralítið á þessu tímabili.
Á árunum 1977 og 1978, síð-
asta 1 xh ári ríkisstjórnar
Geirs Hallgrímssonar, jókst
þjóðarframleiðslan á mann
samtals um 9%. En árin 1979
til og með 1982 er þessi aukn-
ing á tvöfalt lengri tíma talin
vera aðeins 3,7% í heild. Vöxt-
ur þjóðarframleiðslunnar á
mann varð aðeins 1,6% á ár-
inu 1980, og aðeins 0,2% á ár-
inu 1981, á þessu ári verður
enginn vöxtur á þjóðarfram-
leiðslunni á mann, ef hún
dregst ekki beinlínis saman.
Efnahagsaðgerðir ríkisstjórnarinnar:
Alþýðubandalagsmenn vilja skatta-
hækkanir og skyldusparnað á hátekjur
Framsóknarmenn vilja að vísitölubætur 1. marz verði ekki hærri en 1%
MKÐAL hugmynda alþýðubandalagsmanna um væntanlegar efna-
hagsaðgerðir eru skattahækkanir, skyldusparnaður á hátekjur, niður
skurður á opinberum framkvæmdum o.fl., en þeir eru algjörlega
mótfallnir hugmyndum framsóknarmanna um skerðingu vísitöluupp-
bóta á laun hinn 1. marz nk. Samkvæmt heimildum Mbl. vilja fram-
sóknarmenn að vísitölubætur verði eingöngu 7% í stað a.m.k. 11%,
eins og útlit er nú fyrir að þær eigi að verða.
Ekki er ljóst, samkvæmt heimild-
um Mbl., hversu háar fjárhæðir er
hér um að ræða. Ekki er talið að
skýrar línur fáist í efnahagsdæmi
þetta, fyrr en um eða eftir næstu
helgi.
Miklar umræður hafa átt sér
stað síðustu daga um til hverra
efnahagsaðgerða ríkisstjórnin
grípur á næstunni, en ljóst er, eins
og komið hefur fram í fréttum, að
til verulegra aðgerða þarf að
koma. Ráðherranefndir, auk efna-
hagsnefnda og fulltrúa Alþýðu-
bandalags og Framsóknarflokks í
meirihluta fjárveitinganefndar,
hafa setið á fundum undanfarið og
rætt stöðu þjóðarbúsins, mögu-
leika á tilfærslu ríkisfjár o.fl.
Þá
hafa þingflokkar stjórnarflokk-
anna rætt málin á sínum fundum.
Wagoneer-jeppinn:
Þjófarnir handteknir
Kannsóknarlögreglan í Keflavík
handtók tvítugan mann í Bolungarvík í
g*r og hefur hann játað að hafa stolið
Wagoneerjeppanum, sem á mánudag
fannst í Njarðvíkurhöfn. í kjölfarið á
handtöku mannsins, sem er af Suður
nesjum, var maður á Akureyri hand-
tekinn og hefur hann viðurkennt að
Markús Örn Antonsson um dagvistarstofnanir:
Lofuðu á þriðja hundrað pláss-
um árlega - niðurstaðan 60 í ár
Fjárveiting ársins ekki notuð að fullu
í KOSNINGABARÁTTUNNI 1978 lofaði Alþýðubandalagið að bæta við
á þriðja hundrað nýjum plássum árlega á dagvistarheimilum, sagði Mark-
ús Órn Antonsson, borgarfulltrúi Sjálfstæðisflokksins, á fundi borgar
stjórnar Reykjavfkur í síðustu viku, en meirihlutinn getur einungis státað
af 60 plássum á öllu árinu 1981 undir forystu Alþýðubandalagsins.
Borgarfulltrúinn sagði, að
raunar mætti um það deila,
hvort talan væri svona há.
Markús Örn Antonsson benti
ennfremur á það í ræðu sinni, að
á sl. ári hefði vinstri meirihlut-
inn í Reykjavík varið tveimur
milljónum nkr. minna til þess-
ara framkvæmda en áætlað
hafði verið. Á fjárhagsáætlun sl.
árs var gert ráð fyrir að leggja
fram 6,3 milljónir til dagvist-
unarstofnana en niðurstaðan
verður að líkindum um 4,3 millj-
ónir.
Sagði borgarfulltrúinn að
þessi útkoma væri í athyglis-
verðri mótsögn við allan bægsla-
ganginn í sumum talsmönnum
meirihlutans.
Markús Örn Antonsson sagði,
að í framkvæmdaáætlun þessa
árs væri gert ráð fyrir um 8
milljónum króna til þessara
framkvæmda og yrði að taka
þeirri tölu með varúð vegna fyrri
reynslu enda þótt tillögur Fé-
lagsmálastofnunar um framlög
til þessara mála hefðu verið
skornar ríflega niður en þær
hljóðuðu upp á 16 milljónir
króna.
hafa stolid jeppanum í félagi við Suður
nesjamanninn.
„Þegar í upphafi vaknaði grunur
um að Suðurnesjamaðurinn hefði
stolið jeppanum. Ég fór svo vestur
þegar vísbending kom fram um aðild
hans að hvarfi jeppans og handtók
manninn. Hann játaði að hafa stolið
jeppanum," sagði John Hill, rann-
sóknarlögreglumaður í samtali við
Mbl. í gærkvöldi, en hann var þá
staddur vestur á ísafirði.
Með því að sökkva jeppanum i sjó
munu mennirnir hafa talið sig lausa
allra mála; jeppinn mundi týndur
um alla framtíð.
„Við höfum ekki fengið stærra og
umfangsmeira bílaþjófnaðarmál það
ég man,“ sagði Guðmundur Her-
mannsson, yfirlögregluþjónn í sam-
tali við Mbl. í gærkvöldi. „Það var
gerð víðtæk leit að jeppanum víðs
vegar um landiö. Vegaeftirlitið svip-
aðist um eftir honum og eftir ábend-
ingum höfðum við samband við lög-
reglumenn víðs vegar um landið og
báðum þá um að svipast um eftir
jeppanum. Víðtæk leit fór fram í
Borgarfirði eftir ábendingu sem
barst þaðan. Þá fengum við ábend-
ingar að vestan, fyrir austan fjall og
úr Húnavatnssýslum. Nú síðast fyrir
nokkrum dögum eyddum við miklum
tíma í leit í kjölfar ábendingar. En
ég vil að það komi skýrt fram, að
þessum ábendingum höfum við tekið
með þökkum, þó komið hafi í ljós, að
þær áttu ekki við rök að styðjast,"
sagði Guðmundur Hermannsson.