Morgunblaðið - 14.01.1982, Qupperneq 37

MORGUNBLAÐIÐ, FIMMTUDAGUR 14. JANÚAR 1982
37
Engum manni hefi ég kynnst,
sem var ljúfari í viðmóti og fram-
komu, við hvern sem í hlut átti, en
Einar Eyjólfsson.
Við vinir hans kölluðum hann
Einar í KRON, hann vann hjá því
fyrirtæki frá því að hann byrjaði
að vinna sem ungur drengur og
endaði þar sem verslunarstjóri
sem ekki gat hjá farið sökum
mannkosta, trúmennsku og sér-
stakrar ljúfmennsku í framkomu
allri.
Ég undirritaður átti því láni að
fagna ásamt vini okkar beggja,
Tómasi Hallgrímssyni, að kynnast
Einari er við vorum ungir að ár-
um. Við Einar bárum vin okkar
Tómas til grafar í nóvember 1978
á Sauðárkróki, þar sem hann hafði
búið öll seinni ár ævi sinnar, vel
liðinn af öllum og mörgum harm-
dauði, sem og okkur vinum hans
tveim. Ekkert dauðsfall gat komið
mér meira á óvart en andlát Ein-
ars Eyjólfssonar. Hann var hress
og glaður að vanda, er ég hitti
hann í verslun hans 6. janúar um
eftirmiðdagsleytið, hann var að
hella upp á kaffikönnuna er mig
bara að garði. Hann bauð mér að
drekka með sér síðdegiskaffi, sem
ég því miður afþakkaði, sökum
anna að mér fannst. Sú harma-
fregn barst mér næsta dag, að
Einar vinur minn hefði látist milli
kl. 6 og 7, eða tæpum fjórum
stundum eftir að ég skildi við
hann hressan og kátan.
Einar var fæddur í Hafnarfirði
hinn 7. júní 1923. Foreldrar Ein-
ars voru bæði af traustum og góð-
um íslenskum stofni. Faðir hans
var Eyjólfur Eyjólfsson frá Vest-
mannaeyjum en móðir Sigríður
Einarsdóttir frá Bjarnarstöðum á
Álftanesi. Hún er nú á 86. aldurs-
ári og enn sópar af henni skör-
ungsskapurinn. Mér hefur alltaf
fundist að Sigríður væri í ætt við
fornkonurnar sem sagan rómaði
og sagði að öllum mannlegum
kostum væru búnar. Systkini Ein-
ars voru Valgerður, Rósa, Erla og
Ingólfur, sem var Ijúfur og lagleg-
ur maður, en lést af slysförum að-
eins tuttugu og fjögurra ára að
aldri. Einnig átti Éinar eina hálf-
systur, Kristbjörgu. Sigríður,
móðir Einars, missti mann sinn
frá börnunum ungum, síðan giftist
hún aftur Þórði Bjarnasyni prent-
ara, mesta ágætismanni, og með
honum eignaðist hún Kristbjörgu.
Einar átti því láni að fagna, að
kvænast góðri og traustri konu
Guðbjörgu Jónsdóttur. Þau gengu
í hjónaband hinn 7. júní árið 1946.
Á heimili Einars og Guðbjargar
var alltaf gott að koma því gest-
risnin og eindrægnin sátu þar allt-
af í fyrirrúmi. Börn þeirra hjóna
eru Jón, Ingólfur, Sigríður, Édda
Ingibjörg og Einar. Þau eru öll
gift að undanskildum tveim þeim
yngstu. Ingólfur starfar erlendis,
er skrifstofustjóri fyrir Flugleiðir
í London, en Einar sem er yngstur
er námsmaður. Öll eru börnin
mannvænleg og líkjast foreldrum
sínum að því leyti sem von er til.
Einar hætti störfum hjá KRON
laust upp úr árinu 1950 og stofn-
setti þá verslun ásamt félaga sín-
um, Oskari Jóhannssyni. Nefndu
þeir verslunina Sunnubúðina.
Reksturinn gekk vel hjá þeim fé-
lögum og urðu búðirnar fleiri. Síð-
ar slitu þeir samvinnu og ráku
verslanir sínar sitt í hvoru lagi.
Verslun Einars er Sunnukjör í
Skaftahlíð og má segja að fjöl-
skyldan hafi unnið þar saman,
sem einn maður, Jón, Sigríður og
Edda Ingibjörg vinna öll við versl-
unina og hafa gjört síðan þau
komust á legg, einnig Guðbjörg
eiginkona Einars, þegar hún hafði
tíma til frá húsmóðurstörfunum,
en hún hefur alltaf haft stórt og
mannmargt heimili sem er til
fyrirmyndar um alla hluti.
Einar keypti húsnæði það er
hann hefur rekið verslun sína í, að
mig minnir, fyrir þrem árum síð-
an. Hann gat þess við mig, ekki
alls fyrir löngu, að nú hefði hann
komið sínum málum í það horf,
sem að honum líkaði og gæti farið
að minnka við sig vinnu því hann
hefði traust og gott starfsfólk, þar
sem börn hans væru.
Einar var aldrei hálfvolgur við
það starf. sem hann tók sér fyrir
hendur, heldur starfaði af lífi og
sál.
Þar sem góðir menn fara eru
Guðs vegir, megi Guð geyma vin
minn Einar og hugga eiginkonu
hans, börn hans og fjölskyldur
þeirra og aldraða móður hans.
Guð veri með þeim öllum.
Jón Ágúst Guðbjörnsson
Kveðja frá Félagi
matvörukaupmanna
Að morgni 6. janúar sl. spurðist
það út meðal matvörukaupmanna
að Einar Eyjólfsson kaupmaður í
Sunnukjöri við Skaftahlíð, hafi
látist kvöldið áður, langt um aldur
fram. Menn setti hljóða, gat þetta
verið rétt, hann Einar sem aldrei
hafði orðið misdægurt. En fréttin
reyndist sönn því miður.
Einar Eyjólfsson var ekki nema
58 ára þegar kallið kom, fæddur í
Hafnarfirði 7. júní 1923. Um eða
innan við tvítugt hóf hann störf
hjá KRON á Skólavörðustíg og
átti því um 40 ár að baki við verzl-
unarstörf í matvöruverzlunum.
Hjá KRON starfaði hann til árs-
ins 1951, en þá stofnaði hann sína
eigin verzlun, Sunnubúðina, ásamt
félaga sínum Óskari Jóhannssyni,
en hann hafði einnig hafið störf
hjá KRON á svipuðum tíma. Ráku
þeir félagarnir, Sunnubúðina við
Mávahlíð af miklum myndarbrag,
og fljótlega færðu þeir út kvíarnar
stofnuðu fleiri verzlanir, við
Sörlaskjól, Laugateig, og síðast
við Langholtsveg ásamt kjöt-
vinnslu. Samstarf þeirra var mjög
náið og varði til ársins 1968, en þá
skiptu þeir fyrirtækinu og stofn-
aði Einar þá verzlunina Sunnu-
kjör við Skaftahlíð sem hann rak
af dugnaði til dauðadags ásamt
Jóni syni sínum.
Það fór ekki hjá því, að jafn
traustum manni og Einari yrði
falin ýmis trúnaðarstörf. Hann
var kjörinn í stjórn Félags mat-
vörukaupmanna og sat þar í mörg
ár. Einn af stofnendum Stofnlána-
sjóðs matvörukaupmanna og í
stjórn sjóðsins núna í mörg ár. Á
sínum tíma stofnaði Einar ásamt
fleiri kaupmönnum heildverzlun-
ina Matkaup hf., og var nú stjórn-
arformaður þar.
Einar var mjög félagslyndur
maður, viðræðugóður og traustur í
hvívetna. Það er ekki ætlun mín
að skrifa hér neitt um einkalíf
Einars, til þess verða aðrir kunn-
ugri, aðeins að þakka honum
margvísleg störf í þágu Félags
matvörukaupmanna. Hann var
ætíð boðinn og búinn að starfa
fyrir félagið þegar til hans var
leitað.
Ég vil fyrir hönd félaga í Félagi
matvörukaupmanna senda eftir-
lifandi eiginkonu, börnum og öðr-
um ættingjum innilegustu samúð-
arkveðjur um leið og við þökkum
Einari fyrir samfylgdina. Guð
blessi minningu hans.
Fyrir hönd stjórnar Fél. mat-
vörukaupmanna,
Ólafur Björnsson, formaður.
Sárast finnur maðurinn til
smæðar sinnar og umkomuleysis,
þegar engill dauðans knýr dyra.
Sem þrumu lostinn verður hann,
er hann finnur þyt handarinnar,
sem skyndilega og fyrirvaralaust
slekkur það ljós er veitt hefur
honum og öðrum samferða-
mönnum birtu og yl á liðinni tíð,
um farinn veg.
Miðvikudagskvöldið 6. þessa
mánaðar bárust mér þau sorglegu
tíðindi, að samstarfsmaður minn
um árabil, félagi og vinur, Einar
Eyjólfsson, kaupmaður í Sunnu-
kjöri, hafi orðið bráðkvaddur þá
um kvöldið.
Þótt við vitum öll að dauðinn
geri ekki alltaf boð á undan sér,
hefði ég talið Einar síst af öllum
líklegan til að kveðja svo snögg-
lega. Þegar ég nú sest niður og
reyni að festa á blað nokkur minn-
ingar- og þakklætisorð fyrir að
hafa fengið að njóta samfylgdar
og vináttu Einars allt frá ungl-
ingsárum til hinsta dags, fallast
mér hendur. Ég finn að ég hef ekki
ennþá áttað mig á þessum snöggu
umskiptum og orð mín verða því
færri og fátæklegri en ég hefði
viljað.
Árið 1943, þegar Einar var 20
ára og ég 15, réðist ég sem af-
greiðslumaður undir hans stjórn í
KRON á Skólavörðustíg 12. Betri
leiðbeinanda gat ég ekki fengið,
því Einar var orðlagður fyrir ein-
staka lipurð og prúðmennsku bæði
af viðskiptavinum og samstarfs-
fólki.
Þótt 5 ára aldursmunur á þessu
æviskeiði sé mikill, tókst með
okkur einlæg vinátta, sem hélst
óslitin upp frá því. Við unnum ým-
ist saman eða sinn í hvorri verslun
hjá KRON til ársins 1951, en þá
um vorið réðst ég í að kaupa
Stjörnubúðina í Mávahlíð og kall-
aði hana Sunnubúðina. Einar
hafði fylgst með þeim málum og
sýndi áhuga á að gerast meðeig-
andi í versluninni. Ég tók því boði
hans fegins hendi, því betri sam-
starfsmann gat ég ekki hugsað
mér. Sameignarfélagið var stofn-
að með handarbandi án nokkurrar
undirskriftar.
Á þeim tíma var ekki síður en
nú erfitt að byrja verslunarrekst-
ur með tvær hendur tómar. Vöru-
skorturinn var þá eitt aðalvanda-
málið, því flestar innfluttar vörur
voru skammtaðar, bæði til versl-
ana og einstaklinga.
Þá nutu sín vel hæfileikar Ein-
ars, sem voru einstök iðjusemi,
hagsýni, stjórnsemi, hlýlegt við-
mót og ekki síst bjartsýni og hæfi-
leikar til að koma auga á færar
leiðir, sem öðrum virtust lokaðar.
Samstarf okkar var einstaklega
gott og bar þar aldrei skugga á
enda ræddum, við málin af
hreinskilni og urðum alltaf sam-
mála um lausn þeirra.
Árið 1968 rákum við 4 verslanir
og kjötvinnslu. Börn okkar voru í
auknum mæli farin að starfa með
okkur og því þótti okkur eðlilegast
að skipta fyrirtækinu og hver fjöl-
skylda hefði með sitt að gera. Það
gerðum við um áramótin 1968 og
’69. Einar nefndi sinn hluta
Sunnukjör.
Einar var fæddur 7. júní 1923 í
Hafnarfirði, sonur hjónanna Eyj-
ólfs Eyjólfssonar og Sigríðar Ein-
arsdóttur. 10 ára gamall missti
hann föður sinn og tveim árum
seinna fluttist Sigríður með börn-
in sín 5 að tölu til Reykjavíkur.
Nokkrum árum síðar giftist hún
Þórði Bjarnasyni prentara og
eignaðist með honum eina dóttur.
Eiginkona Einars er Guðbjörg
Jónsdóttir og eiga þau fimm
mannvænleg börn. Þau eru Jón,
Sigríður, Ingólfur, Edda og Einar.
Auk þess ólu þau upp dótturson
sinn, Ragnar.
Fjölskyldan er einstaklega sam-
hent og vinnur öll að meira eða
minni leyti við verslunina.
Ég og fjölskylda mín sendum
Guðbjörgu og fjölskyldu hennar,
Sigríði móður Einars, systrum
hans, fjölskyldum þeirra og öðrum
aðstandendum, okkar innilegustu
samúðark veðj ur.
Við skulum hafa í huga að sú
hönd, sem nú veldur sorg og
hr.VRgð með skyndilegu fráfalli
Einars, er sú sama og kveiki það
Ijós, sem hann var sem sonur,
bróðir, eiginmaður, faðir, tengda-
faðir og afi.
I stað skærasta ljóssins kemur
dekksti skugginn, þegar það
skyndilega slokknar. Það tekur
tima að átta sig, en þegar fram
líða stundir og aftur rofar til
verða eftir minningarnar um góð-
an dreng og ástvinir hans munu
áfram njóta starfa hugar hans og
handa.
Oskar Jóhannsson.
ATHYGLI skal vakin á því, að
afmælis- og minningargreinar
verða að berast blaðinu með góð-
um fyrirvara. Þannig verður
grein, sem birtast á í miðviku-
dagsblaði, að berast í síðasta lagi
fyrir hádegi á mánudag og hliðst-
ætt með greinar aðra daga.
Greinar mega ekki vera í sendi-
bréfsformi. Þess skal einnig get-
ið, af marggefnu tilefni, að frum-
ort Ijóð um hinn látna eru ekki
birt á minningarorðasíðum
Morgunblaðsins. Handrit þurfa
að vera vélrituð og með góðu
Knubili.
t Innilegar þakkir sendi ég öllum þeim sem auösýndu samúö og vináttu viö fráfall AXELS FRIORIKSSONAR, Akurgeröi 7. Fyrir hönd vandamanna, ' Jenný Ásmundsdóttír. + Þökkum innilega auðsýnda samúö og aöstoð vegna veikinda, andláts og útfarar eiginmanns míns, fööur, tengdafööur, afa og langafa, GUNNLAUGSJÓSEFSSONAR, Suðurgötu 38, Sandgerði. Þóra Loftsdóttir, Kristín Gunnlaugsdóttir, Gylfi Gunnlaugsson, Hulda Gunnlaugsdóttir, Þórhallur Þorsteinsson, Haukur Gunnlaugsson, Ragnheiður Bjarnadóttir, Hilmar Gunnlaugsson, Málfríður Þórðardóttir, barnabörn og barnabarnabörn.

f
Eiginmaöur minn og faöir.
HANS BENJAMÍNSSON, rennismiður, Drafnarstíg 7, veröur jarösunginn frá Fossvogskirkju, föstudaginn 15. janúar kl. 15.00. Blóm vinsamlegast afþökkuð, en þeim, sem vildu minnast hans, er bent á líknarstofnanir. Nína Lárusdóttir, Benjamín Hansson. Verzlunin verður lokuð frá kl. 12.00 á hádegi vegna jarðarfarar Einars Eyjólfssonar, kaupmanns. Verzlunin Sunnukjör, Skaftahlíö 24.

+
1 Þökkum af alhug auösýnda samúö og vinsemd viö andlát og útför eiginmanns míns, föður, tengdafööur, afa og langafa, THEODÓRS GUDMUNDSSONAR, vélvirkjameistara. Laufey Þorgeirsdóttir, Louise Kristín Theodórsdóttir, Ragnar Már Hansson, Hlíf Theodórsdóttir, Þorgeir Theodórsson, Birna Björnsdóttir, Guðmundur Ægir Theodórsson, Ingveldur Ragnarsdóttir, barnabörn og barnabarnabörn.
Lokað vegna jarðarfarar Einars Eyjólfssonar, kaup- manns, frá kl. 12—4 í dag. Hlídabakarí, Skaftahlíd 24.

1
+
1 Alúðarþakkir til allra þeirra er sýndu okkur samúð, vinarhug og aöstoö viö andlát og útför MAGNÚSAR GUÐMUNDAR ELÍASSONAR, bónda, Melkotí, Stafholtstungum. Sérstakar þakkir skulu færöar starfsfólki sjúkrahúss Akraness fyrir frábæra hjúkrun í veikindum hins látna. Guö blessi ykkur öll. Jóhanna Elíasdóttir, Ólafur Elíasson, Ágústa Andrésdóttir, og aðrir vandamenn. Lokað Lokað eftir hádegi í dag vegna jarðarfarar Einars Eyjólfssonar, kaupmanns. Matkaup hf., Vatnagördum 6.