Morgunblaðið - 28.03.1982, Blaðsíða 31

um Skóla verkalýðsfélaga og
vinnuveitenda.
Barði hefur látið til sín taka í
félagsstarfsemi margs konar.
Formaður Þingeyingafélagsins í
Reykjavík hefur hann verið lengur
en nokkur annar. Þá hefur hann
verið formaður Stúdentafélags
Háskólans, formaður Stúdentafé-
lags Reykjavíkur, formaður
Stangveiðifélags Reykjavíkur og
hann hefur verið eftirsóttur ræðu-
maður á fundum og í mælsku-
keppni, enda getur hann verið
vígfimur í orðasennum, ef því er
að skipta og óeirinn, lítt hörund-
sár, þegar út í hart er komið. Mað-
urinn hefur þykkan skráp, sem
seint og trauðla bítur á.
Hann hefur skipt sér af stjórn-
málum talsvert, verið þrisvar i
framboði í sýslu sinni fyrir
Sjálfstæðisflokkinn og barist ve)
eins og hans var von og vísa
(1953—’56 og í fyrri kosningunum
’59). Hann jók fylgi flokks síns
verulega, einkum í miðskiptið og
þá um 22%, en í seinasta skipti
tapaði hann fylgi nokkuð eins og
allir Sjálfstæðisframbjóðendur
gerðu í litlu einmenningskjör-
dæmunum vegna kjördæmaskip-
unarinnar. Barði gaf ekki kost á
sér í kosningum síðari ’59, og
fannst mörgum heiðvirðum
íhaldsmönnum fyrir norðan það
hart að kveðið, vegna þess að þeir
töldu Barða feikna ötulan
flokksmann, sem hefði aukið fylgi
flokksins m.a. með frænda- og
vinaliði. Heyrt hef ég kúltúr-
íhaldsmenn, sem kalla ekki allt
ömmu sína og gera háar kröfur til
manna og málefna, lýsa velþóknun
á Barða sem stjórnmálamanni ...
Eitt sinn spurði ég Barða, hvað
hann hefði að leiðarljósi í þessum
leik, pólitíkinni. Hann svaraði:
„Beita einstaklingnum fyrir vagn
almennings."
I hjástundum sínum stundar
Barði veiðiskap og skytterí, lærði
ungur að fara með byssur, enda
eru margir ættmenn hans fyrir
norðan orðlagðar skyttur jafnt á
fugla sem refi... „einnig á konur"
eins og einn gárunginn sagði.
Barði er vel vopnum búinn, á
eina spænska tvíhleypta hagla-
byssu, eina Winchester-byssu,
einn stóran Remington 6 skota
Caliber 222 með kíki. Hann ber
ekki annað við en að nota beztu
skotvopn, sem völ er á, enda vand-
ur að því sem ýmsu öðru. Á haust-
in bregður hann sér norður á
Holtavörðuheiði ellega vestur á
Snæfellsnes og skýtur rjúpur ell-
egar stundar skotveiðar uppi við
Ármannsfell; hann fer á gæsa-
skytterí hjá Gunnarsholti og víða
um Suðurlandsundirlendi. Þá er
það lax- og silungsveiðiskapurinn,
ýmist í EUiðaám, Laxá í Kjós ell-
egar Hrútafjarðará, Fnjóská, Selá
og Hofsá í Vopnafirði. Þangað alla
leið er hann stundum kominn inn-
an sólarhrings á sumrin og farinn
að drepa fiskinn, kemur svo
endurnærður úr þessum veiðiferð-
um og setztur aftur við samninga-
borðið og litur yfir lífið með ró og
kímni.
Þessar veiðiferðir veita honum
afslöppun og útrás og frið. í þess-
um leiðöngrum gleymir hann
sjálfum sér, og þegar hann kemur
í borgina á ný, er hann enn vökulli
en áður og jafnframt þéttari fyrir.
Norðlingar þykja menn „stæri-
Iátir“ og er ágreiningsatriði, hver
sýslanna „á metið í montara-
hætti“, segja Sunnlendingar. Að
því gamni slepptu hefur frómur
maður, ekki ættaður úr Þingeyj-
arsýslu, sagt í nokkurri alvöru, að
það, sem einkenndi Norður-Þing-
eyinga sérstaklega, væri, að þeir
þættu frómir menn og gagnhollir
og yfirleitt léttir og tortryggnis-
lausir. Því til sönnunar benti hann
á þá staðreynd, máli sínu til
stuðnings, að allir bæir þar í sveit
stæðu opnir, og hver gæti gengið
út og inn að vild. „Treystu náung-
MORGUNBLAÐIÐ, SUNNUDAGUR 28. MARZ 1982 3 J
anum eins og sjálfum þér“ er
kannski sveitlægara þarna á slóð-
um Barða en viða annars staðar á
Norðurlandi. Þó er ósennilegt og
hæpið og jafnvel hlægilegt að fara
í sýslujöfnuð. Norðlendingar
þykja að visu nokkuð slæmir með
það, blessaðir, einkum Húnvetn-
ingar. Þeim myndi hins vegar
finnast viti firrt að láta bæi
standa beinlínis opna fyrir hverj-
um og einum, sem um garð ríður
— því að þeir þykja fara eftir
þessu harðkveðna úr Hávamálum
... „því að óvíst er að vita, hvar
óvinir sitja á fleti fyrir ...“
í dag er Barði sextugur. Það er
enginn aldur fyrir mann, sem er
jafn innilega lifandi eins og hann,
enda hefur hann aldrei látið neinn
bilbug á sér finna. Það er ekki
hægt annað en að dást að sigur-
sælli lifsorku hans og lífsgleði og
lífssveiflu, og hafa þeir jákvæðu
eiginleikar hans verið smitandi og
hollir fyrir umhverfið og breytt
andrúmslofti til batnaðar, hvar
sem hann fer.
Hartnær fjörutíu og fjögur ár
eru liðin, síðan sá, sem þetta ritar,
kynntist Barða fyrst í skólaporti
MA fyrir norðan og þá að bolta-
leik og batt þá við hann vináttu-
bönd, sem hafa enzt, þótt á ymsu
hafi gengið í lífsins leik. Það verð-
ur að segjast eins og er, að í hvert
sinn sem gengið hefur verið af
fundi við afmælisbarnið gegnum
öll þessi ár, hefur lífið einhvern
veginn virzt fá meira inntak og
fela í sér betra bragð heldur en
áður. Þessa en minnzt í dag sem
gleðistundar, sem aldrei dvín.
Kvæntur er Barði Þuríði Þor-
steinsdóttur, fyrrum prófasts, Jó-
hannessonar í Vatnsfirði við ísa-
fjarðardjúp, af Laxamýrar- og
Reykjahlíðarætt. Hún og Barði
hafa eignazt þrjú myndarbörn.
Heimili þeirra hjóna er gætt hlý-
leik og menningarblæ og andar af
lífi. „Lady of the House“ frú Þur-
íður hefur ekki hvað sízt skapað
þennan blæ sem konum einum er
lagið, en bæði eiga þau hjónin
skilið heiðurinn nú sem fyrr eins
og ein manneskja að guðs og
manna lögum.
Þá er Barði átti fimmtugsaf-
mæli fyrir tíu árum, sendi vinur
hans einn, sem nú er látinn, Frið-
finnur Ólafsson, forstjóri Há-
skólabíós, svohljóðandi stöku:
„Aldrei var þér innan kalt
aldrei kveif né gunga,
blessist og dafni bú þitt allt,
Barði snillitunga."
Það er vel viðeigandi að senda
Barða og húsi hans þessi vísuorð í
lokin sem eins konar stemmu með
afmælisblómunum.
s t g r
Ólafsfjörður:
Vinstri menn
bjóða fram
sameiginlega
VINSTRIMENN á Ólafsfirði hafa
tilkynnt framboðslista sinn við sveit-
arstjórnarkosningarnar í vor.
Vinstrimenn á Olafsfirði bjóða nú
fram sameiginlegan lista í þriðja
skipti á síðustu árum. Þeir hafa
meirihluta í bæjarstjórn, fimm menn
af sjö.
Sjö efstu sæti listans skipa eft-
irtalin: Ármann Þórðarson, kaup-
félagsstjóri, Björn Þór Ólafsson,
íþróttakennari, Sigurður Jó-
hannsson, framkvæmdastjóri,
Gunnar Jóhannsson, kennari, Sig-
urbjörg Ingvadóttir, kennari,
Víglundur Pálsson, sjómaður, Jón-
ína Óskarsdóttir, húsasmiður.
Sú breyting hefur nu orðið, að inn-
flutningur og sala á símabúnaði hefur
verið gefinn frjáls.
Simco s/f er sérhæft fyrirtæki, sem
eingöngu verslar með símatæki og alls
konar símabúnað.
Við getum nú boðið mikið úrval af
skrifstofusímum, heimilissímum, takka-
símum, tölvusímum, hátalarasímum,
og skrautsímum, ásamt simasjálfvelj-
urum, símamögnurum og símsvörum.
Við veitum ennfremur tækilega aðstoð
við val á símabúnaði og önnumst allt
viðhald og viðgerðir.
Komið, skrifið eða hringið og við veit-
um fúslega allar nánari upplýsingar.
Hafnarstræti 18 s-19840
Umboósmenn um land allt
HCSGAGNA-
SYNING
ÍDAG
kl.2-5
Leöursófasett frá BRAZILIL
verófrákr. 16,5oo~
Slfd&L
Smiðjuvegi 6 - Simi 44544
BILL — SERGREIN ÚRVALS
Oýrasti feröamátinn sumarið 1982
Tryggðu þér far
Fjölmargar gerðir bíla - Ótakmarkaður akstur.
2 vikur 3 í bíl kr. 4.285.- á mann / 3 vikur 5 í bíl kr. 4.580.- á mann.
URVAL
S 26900
Umboösmenn um allt land
Við Austurvöll