Morgunblaðið - 18.05.1982, Blaðsíða 13

MORGUNBLAÐIÐ, ÞRIÐJUDAGUR 18. MAÍ1982
13
ilum. Þessi athugun var tíma-
bær. Þar voru tekin fyrir ýmis
atriði varðandi innra starfið, s.s.
menntun starfsfólks, samvinna
við starfsfólk, foreldrasamstarf,
sveigjanlegur opnunartími,
blöndun aldurshópa og fækkun
barna á deildum í leikskólum
o.fl.
Þá var lagt til að 10% af heild-
artölu barna mættu vera börn
giftra foreldra, en sjálfstæðis-
menn lögðu á það áherslu, þegar
nefndin skilaði áliti í júní 1980,
að mæta þyrfti fyrst og fremst
þörf forgangshópa einstæðra
foreldra og námsmanna þar til
fleiri valkostir kæmu til greina
— fannst þessi ákvörðun meiri-
hlutans vera hálfgert sjónarspil,
eins og í pottinn var búið.
í mars 1981 var lögð fram
greinargerð um uppbyggingu
dagvistarheimila fyrir börn í
Reykjavík árin 1981—1990.
Þegar hún var afgreidd í borg-
arstjórn að undirlagi meirihlut-
ans, gerðu fulltrúar Sjálfstæðis-
flokksins þá bókun, að vissulega
hefði þessi áætlun ýmsar gagn-
legar upplýsingar að geyma —
en uppbyggingarhraðinn mundi
hér eftir sem hingað til miðast
við árlegar fjárveitingar borgar
og ríkis vegna stofnkostnaðar.
Enda hefur reynslan orðið sú, að
þessi áætlun er þegar komin úr
skorðum. I fyrra var ekki hægt
að framkvæma fyrir það fé, sem
heimild var fyrir á fjárhags-
áætlun, og í ár fæst ekki nóg fé
til framkvæmda samkvæmt
henni.
Sjálfstæðismenn ítrekuðu
einnig í bókun sinni að þeir vildu
leggja meiri áherslu á uppbygg-
ingu leikskóla en dagheimila
enda teljum við það börnunum
fyrir bestu.
Það er álit okkar sjálfstæð-
ismanna að dagheimili geti
aldrei tekið við hefðbundnu hlut-
verki heimilanna en sé góð lausn
þegar hún er ekki misnotuð.
Mig langar að vitna hér í
niðurlag greinar Bessíar Jó-
hannsdóttur í bókinni „Fjöl-
skyldan í frjálsu samfélagi" um
dagvistarmál barna því mér
finnst að í henni felist í hnot-
skurn álit sjálfstæðismanna og
afstaða til þessara mála.
Þar segir: „Opinber ábyrgð á
börnum okkar á ekki að ná svo
langt að hún svipti foreldra
ábyrgð á þeim. Með því færist
þjóðfélagið í flatneskju tauga-
veiklaðra einstaklinga þar sem
sérviska og snilli fá ekki notið
sín.
Stofnanir eins og dagvistar-
heimili eiga að vera til að
styrkja fjölskylduna og stuðla að
samheldni hennar. Þau eru
þjónn en ekki herra."
Ég vil svo víkja nokkrum orð-
um að skólamálum og þá
grunnskólum og vitna í sam-
þykkt frá síðasta landsfundi
Sj álf stæðisf lokksins.
Þar segir að meginmarkmið
skólahalds sé að hver einstakl-
ingur nái sem mestum þroska
sér og samfélaginu til heilla.
Við viljum snúa frá miðstýr-
ingu menntamála sem orðið hef-
ur á síðustu árum — auka fjöl-
breytni og að hver skóli verði
sem sjálfstæðastur. Jafnframt
að fjármálum skóla sé þannig
/
I
Hulda Valtýsdóttir
hagað að frumkvæði og áhugi
heimamanna fái notið sín — þeir
verði þátttakendur í ákvörðun-
um um skólahald.
Árið 1974 voru fyrst samþykkt
lög um grunnskóla en þau hafa
tekið allmiklum breytingum síð-
an. Þar er lögð áhersla á að
jafna námsaðstöðu og er það út
af fyrir sig gott og blessað.
Hins vegar hefur sú tilhneig-
ing til að jafna árangur nem-
enda innan skólanna gengið út í
öfgar að margra áliti, þannig að
hvorki þeir sem skara fram úr
eða þeir sem seinni eru til á
þroskabrautinni til náms, fá þá
þjónustu, sem þeir eiga heimt-
ingu á, með þeim afleiðingum að
þeir sem bráðþroska eru missa
áhuga á námi — þeim leiðist —
hinir sem eru síðbúnir til náms
heltast jafnvel alveg úr lestinni
— lenda utan hins hefðbundna
skólakerfis, oft með skaðvænleg-
um áhrifum á allan þeirra lífs-
feril.
Þarna er brýn nauðsyn lag-
færinga.
Elín Pálmadóttir hefur lengi
verið fulltrúi Sjálfstæðisflokks-
ins í fræðsluráði ásamt fleiri
góðum mönnum og hefur barist
þar fyrir mörgum þörfum mál-
um sem hafa komist í kring. Ég
nefni kennslu 6 ára barna sem
mæltist strax mjög vel fyrir,
þótt ekki væri um skólaskyldu að
ræða. Kennslumagn var að vísu
mjög takmarkað og full þörf á
verulegri aukningu. Samfelldur
skólatími og skólamáltíðir hafa
einnig verið til umræðu og full
ástæða til að fylgja því eftir.
Þörfin er vissulega mikil og vax-
andi.
Það er mikið og merkt starf
sem fram fer í barnaskólum
okkar og mikils um vert að til
alls sé vandað. Ég tel hins vegar
að álag og ábyrgð sú sem lögð er
á kennara barna á þessu við-
kvæma aldursskeiði sé í mörgum
tilfellum allt of mikil. Þarna
þarf að koma til miklu virkara
og hnitmiðaðra samstarf for-
eldra og kennara og ég held að
almenningi sé að verða það æ
ljósara. Það sést m.a. á aukinni
þátttöku foreldrafélaga við skóla
sem vilja láta þessi mál til sín
taka.
Ég ætla að drepa hér aðeins á
nokkur höfuðatriði í stefnuskrá
Sjálfstæðisflokksins um skóla og
fræðslumál vegna borgarstjórn-
arkosninganna í Reykjavík nú í
vor. Þar segir um grunnskóla:
„Miða skal við að grunnskóla-
nemendur geti sótt skóla í sínu
hverfi —
— allir grunnskólar verði ein-
setnir frá 4. bekk og skóladagur
samfelldur,
— að áfram verði rekið skóla-
hald fyrir 6 ára börn,
— og að útttekt verði gerð á því
hvaða reynsla hafi orðið af þeim
breyttu kennsluháttum sem
teknir hafa verið upp og árangur
veginn og metinn.
Þetta hlýtur allt að teljast
mjög brýnt."
Að lokum vil ég aftur leyfa
mér að vitna í bókina „Fjöl-
skyldan í frjálsu samfélagi".
Þessi eru lokaorð Elínar G.
Ólafsdóttur í grein hennar um
grunnskólastigið: Gamalt mál-
tæki segir: „Lengi býr að fyrstu
gerð“. Þess skulum við minnast
þegar við leggjum okkar lóð á
vogarskálar framtíðarinnar, sem
í börnum okkar býr, og búa
þannig í haginn fyrir skóla
landsins að að þeir geti sinnt
sínu mikilvæga hlutverki á þann
hátt að sómi sé að í bráð og
lengd.
Sina og njóli
Ásdís Hallgrímsdóttir,
Húsavík, spyr:
1. Ég er með kartöflugarð, sem
ekki var sett niður í í fyrra. í
honum er nú sina og njóli.
Hvernig geri ég hann sem best-
an undir gróðursetningu?
2. Ég er með runna, limgerði, sem
ég er búin að klippa eins og lög
gera ráð fyrir ef þétta á hann.
Þarf ég að gera eitthvað frekar
til að árangur náist, eða er nóg
að klippa bara?
Svar:
1. Ef um það lítið svæði er að
ræða, að garðlandið sé stungið upp
með skóflu eða kvisl, þá er best að
tína úr moldinni allar rætur og
fjarlægja þær, að svo miklu leyti
sem það er hægt, um leið og stung-
ið er upp. Gæta þess síðan í sumar
að illgresið fái aldrei frið til að
vaxa og stela næringunni sem
matjurtunum var ætluð.
2. Það væri að sjálfsögðu rétt að
athuga hvort ástæða væri til að
bæta mold í beðin og svo verður
limgerðið að fá sinn árlega skammt
af áburði.
í vatni í
sólarhring
Sigtryggur Finnsson spyr:
1. Ég keypti rósir í sellófanum-
búðum, en hef ekki viljað setja
þær niður vegna frostsins. Ér
hægt að taka þær úr umbúðun-
um og geyma þær í vatni áður
en ég set þær niður?
Svar:
Heppilegast er að taka rósir
sem fyrst úr umbúðunum eftir að
þær hafa verið keyptar og það er
best að leyfa þeim að standa í
vatni í einn sólarhring eða svo, en
setja þær svo í mold, t.d. í plast-
poka eða öðru hentugu íláti.
Klippa örlítið af stilkunum og
hefja síðan ræktun þeirra innan-
húss með sömu alúð og um stofu-
blóm væri að ræða. Það er svo ekki
fyrr en um miðjan júní, sem við
gróðursetjum þær úti í beðin í
garðinum og gerum það af allri
þeirri nærfærni sem við eigum yf-
ir að ráða, þannig að ræturnar
verði fyrir sem allra minnstum
truflunum.
Fyrsta lönd-
un togara í
Sundahöfn
ÞANN 11. maí sl. landaði
togari í fyrsta sinn í Sunda-
höfn. Var hér um að ræða
nýjan togara, Örvar frá
Skagaströnd, sem var að
koma úr sínum fyrsta veiði-
túr og var með á þriðja
hundrað tonn af grálúöu.
Fiskurinn hefur þegar verið
seldur til Þýzkalands og var hon-
um skipað beint upp í frystigáma
á hafnarbakkanum, og mun Ála-
foss, skip Eimskipafélagsins, sigla
með hann til Hamborgar. Þess má
geta, að CIF-verðmæti aflans er
um 3 milljónir króna.
Aðbúnað-
ur hænsna
Á AÐALFUNDI Sambands
dýraverndunarfélaga íslands
(SDÍ), var m.a. fjallaö um að-
búnað hænsna í hænsna-
búum og var gerð svohljóð-
andi ályktun í því efni:
„Aðalfundur SDÍ, haldinn í
Reykjavík 11. maí 1982, skorar á
menntamálaráðherra að beita sér
fyrir því að nú þegar verði samin
reglugerð um aðbúnað hænsna í
hænsnabúum. Verði í því sam-
bandi sérstaklega athuguð stærð
búra, sem hænsni eru geymd í,
fyrirkomulag þeirra á búunum og
takmarkaður fjöldi hænsna í
hverju búri, svo og á hænsna-
búum, svo að unnt sé að sinna
þeim á mannúðlegan hátt. Einnig
þyrftu reglur þessar að taka til
öryggisráðstafana varðandi
sjálfvirkni búanna."
AUGLVSIMGASIMINN KR:
22410
JU«r0unblnÖih
Message
rafmagns-
ritvélar
Litla Message 860 ST rafmagnsritvélin er alvöru ritvél. Letur-
borðið er fullkomið með dálkastilli. Vélin er stöðug og traust,
en tekur þó sáralítið pláss.
Message 990CR er eins byggð og 860ST vélin en hefur leið-
réttingarborða að auki.
Message 860 ST eða 990 CR er tilvalin ritvél fyrir minni fyrir-
tæki, í skólann eða á heimilið.
Verðið er ótrúlega hagstætt.

SKRIFSTOFUVÉLAR H.F.

Hverfisgötu 33 — Slmi 20560 — Pósthólf 377
Reykjavík
ÓSA