Morgunblaðið - 18.05.1982, Blaðsíða 41

MORGUNBLAÐIÐ, ÞRIÐJUDAGUR 18. MAÍ1982
21
Ársþing HSÍ:
Búsetuskylda erlendra
— og nær 100 prósent fjölgun leikja
EFTIR 1. júlí 1983 verða erlendir
leikmenn ekki löglegir með íslensk-
um handknattleiksliðum, nema þeir
hafi að baki 6 mánaða búsetu hér-
lendis. Þetta er stefnan sem mörkuð
var i málefnum erlendra leikmanna
á ársþingi HSÍ um helgina. Þessi
nýja reglugerð nær ekki til Anders
Dahl Nielsen, sem mun þjálfa og
leika með KR næsta keppnistímabil,
eða til Dananna þriggja sem hyggj-
ast leika með KA.
Þá var annað stórmál tekið
fyrir, fjölgun leikja á íslandsmót-
inu, eins og Mbl. greindi frá að
væri í bígerð. Útkoman var eins og
greint var frá, fjölgun leikja úr 14
í 26 á hvert lið. Fjölgunin fer
þannig fram, að eftir hinar hefð-
bundnu 14 umferðir leika fjögur
efstu liðin aukakeppni um efsta
sætið, en fjögur neðstu auka-
keppni um fallið. Bætast þar með
við 12 leikir á hvert lið, þar sem
leikin verður fjórföld umferð i
aukakeppnum þessum. Stig úr
innbyrðisviðureignum gilda ekki í
toppslagnum, en gera það hins
vegar í botnslagnum. Þetta form
verður einnig viðhaft í 2. deild.
Sætið í IHF-keppninni svokölluðu
fellur í hlut þess félags, sem er í
efsta sætinu eftir 14 umferðir.
Mótið mun hefjast 17. september
og ljúka 17. apríl.
Þá voru nýjar reglur samþykkt-
ar varðandi félagaskipti. Nú geta
leikmenn skipt um félag tvisvar á
ári, nánar tiltekið fyrir 1. júlí og
svo aftur fyrir 1. janúar.
Þá fór fram stjórnarkjör. Var
Július Hafstein og stjórn hans
endurkjörin.
Ársþing KKÍ:
Helgi Ágústsson
kjörinn formaður
ÁRSÞING KKÍ var haldid um helg-
ina og var beðið með nokkurri eftir-
væntingu hvernig tillaga sú, sem
fram kom um bann á erlenda lcik-
menn, yrði meðhöndluð. Tillaga
þessi gerði ráð fyrir eins árs banni á
erlenda leikmenn með íslenskum
körfuknattleiksliðum. Tillagan var
rædd fram og aftur og sýndist sitt
hverjum, eins og vænta mátti. Var
síðan gengið til atkvæða og fóru
leikar þannig, að tillagan var felld
naumlega, 19 fulltrúar voru henni
andvígir, en 15 samþvkkir. Fjórir
sátu hjá. fslensku félögin geta þvi
farið á stúfana að leita sér að leik-
mönnum fyrir næsta keppnistimabil.
Mál þetta var það bitastæðasta á
rólegu þingi sambandsins.
Stjórnarkjör fór fram, en eins og
fram hafði komið, gaf formaðurinn,
Kristbjörn Albertsson, ekki kost á
Helgi Ágústsson nýkjörinn formaður
KKÍ.
sér til endurkjörs. f hans stað var
Helgi Ágústsson úr KR kjörinn
formaður sambandsins. Með honura
i stjórn verða Gunnar Ölversson,
Einar Bollason, Kolbrún Jónsdóttir
og Gunnar Valgeirsson.
Þróftur sigraði
Skallagrím 4-0
LIÐ ÞRÓTTAR vann öruggan sigur,
4—0, á Skallagrími, Borgarnesi, á
Mclavcllinum í gærkvöldi. Sigur
Enn sigrar
Perú
PERÍJBÚAR sigruðu Rúmena 2—0 í
vináttulandsleik i knattspyrnu sem
fram fór í Lima nm helgina. Leikur-
inn var liður í undirbúningi Perú-
búa fyrir lokakeppni HM og er
óhætt að segja frammistöðu liðsins
lofa góðu, því áður hefur það sigrað
Frakkland og Ungverjaland á úti-
völlum. Julio Uribe skoraði fyrra
markið úr viti í fyrri hálfleik, en Vel-
azques það síðara níu mínútum fyrir
leikslok. Rúmenarnir léku mjög
grófan varnarleik og tveir af varnar-
mönnum liðsins fengu að skoða
rauða spjaldið áður en yfir lauk.
Þróttar var sanngjarn. Liðið lék mun
betur og oft vel. Staðan í hálfleik var
1—0.
Það var ekki fyrr en á 42. mín-
útu leiksins sem Þróttur skoraði
fyrsta markið. Var það Daði
Harðarson sem skoraði örugglega
úr vítaspyrnu. Sverrir Pétursson
skoraði annað markið mjög iag-
lega á 57. mínútu. Lék Sverrir einn
upp allan völlinn frá miðju og í
gegn um þrjá varnarmenn Skalla-
gríms og skoraði laglega. Bjarni
Harðarson skoraði þriðja mark
Þróttar og Arnar Friðriksson inn-
siglaði sigurinn með mjög fallegu
skallamarki, 4—0. Góð byrjun hjá
Þrótti í 2. deild íslandsmótsins í
knattspyrnu í ár. — ÞR.
Knatlspyrna)
Liverpool-liðið varð enskur meistari
Liverpool varð enskur meistari í knattspyrnu í 13. skiptið á laugardaginn er liðið sigraði Tottenham 3—1 á heimavelli
sínum. Þessi mynd var tekin fyrr i vetur eftir að félagið hafði lagt sama lið að velli i úrslitum deildarbikarkeppninnar
og eru kapparnir glaðklakkalegir eins og sjá má. Aftari röð f.v. Ken Dalglish, Mark Lawrenson, Sammy Lee, lan
Rush, Bruce Grobelaar, Terry McDermott og Phil Thompson. Og krjúpandi f.v. Ronnie Whelan, Dave Johnson,
Graeme Souness, Alan Kennedy og Phil Neal.
Lárus skoraði tvö mörk
og kom liði sínu í úrslit
— ÞAÐ VAR mjög ánægjulegt að
skora þessi tvö mörk sem komu
okkur í úrslitleikinn. En það var líka
leiðinlegt að vera vikið af leikvelli
þegar staðan var 2—1 fyrir okkur í
leiknum og aöeins 20. mínútur til
leiksloka, sagði Lárus Guðmunds-
son í gærkvöldi er Mbl. ræddi við
hann. Lárus átti mjög góðan leik er
lið hans, Waterschei, tryggði sér
sæti í úrslitaleik belgísku bikar-
keppninnar um helgina. Waterschei
tapaði 3—2 fyrir Beveren í Beveren,
en þar sem liðið skoraði tvö mörk á
útivelli komst það áfram. Water-
schei hafði sigrað í fyrri leiknum,
1—0, og skoraöi Lárus þá sigur-
markið. Lárus hefur því skorað þrjú
mörk í siöustu tveimur leikjum lið-
sins og staðið sig mjög vel og fengið
góða dóma.
Lárus sagði að fyrra mark sitt
hefði hann skorað af stuttu færi,
hálfgert potmark eftir mikla
pressu að marki Beveren. Síðara
markið hefði hann hinsvegar skor-
að með viðstöðulausu skoti frá
markteig. Gott mark, að sögn
fréttaskeyta. Eins og áður sagði
var Lárus rekinn útaf í leiknum.
Um það atvik sagði hann að það
hefði verið mjögósanngjarnt. Paff
landsliðsmarkvörður Belgíu hefði
haldið sér og hindrað sig og þá
hefði hann danglað til hans. Paff
lét sig detta og lék meiðsli, og var
með mikinn leikaraskap. Dómar-
inn var í vafa hvort hann ætti að
reka Lárus útaf, ætlaði að sýna
honum gula spjaldið þegar leik-
menn Beveren hófu áköf mótmæli
og læti og þá dró dómarinn upp
rauða spjaldið. Lárus sagði að bik-
arúrslitaleikurinn legðist vel í sig.
En það yrði harður og erfiður leik-
ur, sem jafnframt fylgdi mikil
spenna. — En það verður mikil
upplifun fyrir mig að taka þátt í
svona stórleik strax á fyrsta tíma-
bili mínu hér sem atvinnumaður,
sagði hann. Leikur liðanna fer
fram á Heysel-leikvanginum í
Brússel næstkomandi sunnudag. í
fyrra tóku tveir íslenskir knatt-
spyrnumenn þátt í leiknum,
- ÞR