Morgunblaðið - 18.05.1982, Blaðsíða 26

34
MORGUNBLAÐIÐ, ÞRIÐJUDAGUR 18. MAÍ1982
BÆJAR- OG
SVEITARSTJÓRNARKOSNINGAR
1 Keflavík
Frambjóðendur D-listans í Keflavík heimsóttu í síðustu viku barnaheimili í einu af nýrri hverfum bæjarins og tóku
yngstu bæjarbúarnir vel á móti þeim. Tómas Tómasson sem er efsti maður á listanum er annar frá hægri á myndinni,
Kristinn Guðmundsson, annar maður, er lengst til vinstri. Helgi Hólm, þriðji maður, er þriðji frá hægri og fjórði
maöur, Hjörtur Zakaríasson, er lengst til hægri. Ingibjörg Hafliðadóttir, sem skipar fimmta sætið, er fjórða frá hægri
í röð frambjóöendanna.
KEFLAVÍK er bæjarfélag sem taldi 6.646 íbúa 1. desember
sl., en lítil fólksfjölgun hefur orðið þar siðustu árin. Keflavík
er vaxandi þjónustumiðstöð fyrir hin sveitarfélögin á Suður-
nesjum, og er bæjarfélagið nú ekki eins háð sjávarútvegi og
fiskvinnslu og hin sveitarfélögin á Suðurnesjum. Þar hefur
byggst upp ýmis sameiginleg þjónusta íbúa á Suðurnesjum.
Má þar nefna sjúkrahúsið, fjölbrautaskólann, sorpeyðingar-
stöð og í Keflavík og Njarðvíkum er landshöfn og hafnarað-
staða mjög góð.
Á siðasta kjörtímabili var unnið mikið átak í frágangi
gatna og fegrun bæjarins, þ.e. frágangi opinna svæða og
ræktun. Þá voru m.a. teknar í notkun 11 leiguíbúðir fyrir
aldraða, en stefnt er að því nú á ári aldraðra að auka
þjónustu við aldraða, enda hefur svonefnt „aldurstré“ íbúa
Keflavíkur breyst síðustu árin í þá veru, að öldruðum fjölgar
hlutfallslega mun meira en öðrum aldurshópum.
í bæjarstjórn Keflavíkur sitja 9 bæjarfulltrúar; fjórir frá
Sjálfstæðisflokki, tveir framsóknarmenn, þrír alþýðu-
flokksmenn og einn alþýðubandalagsmaður. Meirihlutann
mynda sjálfstæðismenn og framsóknarmenn og hafa gert
síðustu 12 árin, eða þrjú kjörtímabil. Erfltt er að spá um
hvort breytinga er að vænta í kosningunum á laugardag hvaö
varðar hlutföll flokkanna, en Ijóst virðist að nokkra sveiflu
þarf til að svo verði.
Mbl.menn fóru til Keflavíkur á síðustu viku, ræddu við
bæjarstjórann Steinþór Júlíusson og fylgdust með frambjóð-
endum D-listans á ferð þeirra um bæinn.
Texti: F.P. Ljósm.: Emilía Björg Björnsdóttir
Frá þessum stað í skrúðgarði
Keflavíkur gefur að líta tvær
nýjar glæsilegar byggingar.
Lengst til vinstri er hið nýja
dvalarheimili aldraðra, en í því
eru 11 leiguíbúðir. Lengst til
hægri er ný viðbygging við
sjúkrahúsið.
Vaxandi þjónustumiðstöð og
verzlun aukist til muna síðustu ár
- segir Sigþór Júlíusson bæjarstjóri Keflavíkur
„STÆRSTA einstaka verkefni
bæjarfélagsins á síðasta kjörtíma-
bili var bygging íþróttahússins, en
það var tekið í notkun árið 1980,
og reyndar verður áfram unnið við
stækkun þess. Þá hefur stöðugt
verið unnið að frágangi gatna og
gangstíga, svo og að fegrun bæjar-
ins,“ sagði Steinþór Júlíusson bæj-
arstjóri Keflavíkur, er Mbl. ræddi
við hann um málefni Keflavíkur-
kaupstaðar.
Steinþór sagði, að nú væri verið
að bjóða út byggingu heilsugæzlu-
stöðvar og stefnt að því að hún
yrði fokheld á þessu ári. Unnið
hefur verið mikið við íþróttasvæði
bæjarins og m.a. gengið frá sér-
stöku æfingasvæði. Áfram verður
unnið að íþróttamannvirkjum
enda landsmót Ungmennafélags
íslands haldið í Keflavík sumarið
1984. Þá sagði bæjarstjóri, að í
framkvæmd væri áætlun frá í
fyrra um íbúðir fyrir aldraða, en
nú þegar hefur verið tekið í notk-
un glæsilegt hús með 11 leiguíbúð-
um fyrir aidraða. Hafnar eru
framkvæmdir í nýju einbýlishúsa-
hverfi nýzt í bænum, einnig í nýju
iðnaðarhverfi þar sem verða 83
húseiningar.
Sveitarfélögin sameinast
um margar framkvæmdir
Keflavík er vaxandi þjónustu-
miðstöð fyrir hin sveitarfélögin á
Suðurnesjum og hefur verzlun
aukizt til muna á síðustu árum.
Sveitarfélögin á Suðurnesjum
hafa sameinazt um margar fram-
kvæmdir að sögn Steinþórs.
Nefndi hann þar Sjúkrahús Kefla-
víkurlæknishéraðs sem staðsett er
í Keflavík og Sorpeyðingarstöð
Suðurnesja. „Þá má ekki gleyma
stærsta sameiginlega átakinu sem
unnið hefur verið að síðustu árin,
en það er Hitaveita Suðurnesja.
Nú er komið heitt vatn í svo til
hvert hús í þéttbýli Suðurnesja og
er það áreiðanlega ein mesta
kjarabótin sem íbúarnir hafa
fengið í langan tírna." Steinþór
Hið glæsilega íþróttahús sem tekið var í notkun árið 1980 og fyrirhugað cr að stækka, en bæjarstjórinn segir
byggingu þess hafa veriö eitt stærsta átak bæjarfélagsins síöasta kjörtímabil.
Steinþór Júliusson bæjarstjóri.
sagði sorpeyðingarstöðina hafa
reynzt vel, en gætt hefði þess mis-
skilnings að hún tæki á móti og
eyddi hverju sem væri. Staðreynd-
in væri sú, að hún ynni svo til
eingöngu úr sorpi úr heimahúsum
og hefðu skapazt vandamál með
stærri hluti og járn. „Samvinna
sveitarfélaganna hefur verið mikil
og góð,“ sagði Steinþór.
Keflavík er eina sveitarfélagið á
Suðurnesjum sem er aðili að
rekstri Bláfjallasvæðisins. Bæjar-
félagið hefur einnig stutt alls kyns
félagastarf. Þá voru á síðasta
kjörtímabili stofnuð íþrótta- og
félagsmálaráð á vegum bæjarins.
Steinþór sagði aðspurður að
fjárhagur bæjarfélagsins væri
traustur og atvinna nokkuð örugg.
Ástand frystihúsarekstrarins
væri áhyggjuefni, en þess bæri að
geta að Keflavík væri ekki eins
háð sjávarútvegi og önnur bæjar-
félög á Suðurnesjum. Afli sem
borizt hefur á land það sem af er
árinu er svipaður að magni til og í
fyrra. Steinþór sagði að bæjar-
stjórnin hefði ekki í huga að ger-
ast aðili að rekstri frystihúsa eða
útgerðar. Atvinnuöryggi yrði
treyst á annan hátt, ef til þess
kæmi.
Helguvík og flugstöðin
mikil hagsmunamál
Um 600 Keflvíkingar stunda
störf tengd flugvellinum. Steinþór
sagði: „Það er mikill fjöldi í kring-
um flugið, tollinn, fríhöfnina, Is-
lenzkan markað og jafnvel í lög-
reglunni. Þá starfa margir hjá
verktökunum á vellinum og hjá
varnarliðinu. Flugstöðvarbygging-
in nýja er mikið hagsmunamál
fyrir okkur Keflvíkinga. Tilkoma
hennar mun skapa Keflvíkingum
mikla atvinnu, auk þess mun hún
aðskilja til fulls starfsemi varn-
arliðsins og aðra starfsemi tengda
fluginu.
Steinþór sagði að eins væri
bygging olíuhafnar og olíutanka á
vegum varnarliðsins í Helguvík
mikið hagsmunamá! fyrir Keflvík-
inga. Tilkoma löndunaraðstöðu
þar leysti mengunar- og slysa-
hættu við löndum olíunnar í
Keflavíkurhöfn. Þá losnaði einnig
heilmikið byggingarland, en
Steinþór sagði að Keflavík ætti
nægt byggingarland allt til ársins
2000.