Morgunblaðið - 26.10.1982, Blaðsíða 38

MORGUNBLAÐIÐ, ÞRIÐJUDAGUR 26. OKTÓBER 1982
Áttavitanámskeið
fyrir ferðamenn
EINS OG undanfarin 16 ár gengst
Mjálparsveit skáta i Reykjavik fyrir
námskeiði í meðferð áttavita og
landabréfa fyrir ferðamenn. A nám-
skciðinu verða einnig veittar upplýs-
ingar um ferðafatnað og ferðabúnað
almennt.
Námskeiðið stendur yfir tvö
kvöld, miðvikudaginn 27. október
og fimmtudaginn 28. október nk.
Fyrra kvöldið er meðferð áttavita
og landabréfa kennd og notkunin
æfð innandyra. Síðara kvöldið er
veitt tilsögn í ferðabúnaði og síðan
farið í stutta verklega æfingu rétt
út fyrir bæinn. Þátttakendum
verður ekið til og frá æfingasvæð-
inu í bifreiðum HSSR.
Námskeiðið verður haldið í hús-
næði hjálparsveitarinnar í kjall-
ara Ármúlaskóla, Ármúla 10—12,
og hefst kl. 20.00 bæði kvöldin.
Þátttökugjald er kr. 100.
Reykhólasveit:
Kvenfélagið Liljan
efndi til vinnuvöku
KeykhólaHveit, 25. október.
í TILEFNI af ári fatlaðra efndu
konur úr Kvenfélaginu Liljan til
vinnuvöku í tilraunastöðinni að
Reykhólum dagana 22.-24. október
sl. Þar voru unnir margir smekklegir
og eigulegir munir, sem eiga síðar aö
fara á bazar, sem kvenfélagið mun
halda í lok mánaðarins. Allur ágóð-
inn á að renna til dvalarheimilis
aldraðra að Reykhólum.
Skal þess getið, að oft hafa
Liljukonur komið saman og unnið
fjöibreytta vinnu fyrir jólabazar-
ana, sem haldnir hafa verið til að
afla tekna til menningar og mann-
úðarstarfa. Þetta er einkar vin-
sælt tækifæri fyrir konur að hitt-
ast og góð dægrastytting í
skammdeginu.
Veturinn heilsar okkur vel. Rétt
aðeins mátti merkja það, að hann
er genginn í garð. - Fréturiuiri.
Magnea S. Hallmunds
dóttir sýnir í Djúpinu
Á LAUGARDAG opnaöi Magnea
Soffia Hallmundsdóttir sýningu á
verkum sinum í Djúpinu við Hafnar-
stræti. Þar sýnir hún vatnslitamynd-
ir, teikningar og skúlptúra.
Magnea er fædd á Stokkseyri
árið 1922. Hún nam teikningu og
myndmótun í Myndlistarskóla
Reykjavíkur í eitt ár og tréskurð í
þrjú og hálft ár í Myndlista- og
handíðaskóla íslands og víðar, en
Sjúkraþjálfarar,
en ekki sjúkraliðar
Sú meinlega villa slæddist inn í
frétt Mbl. á laugardaginn af
samningum BHM og ríkisins, að
sagt var, að ekki hefði verið samið
við sjúkraliða sem ætluðu í frekari
viðræður við ríkið. Þar átti að
standa sjúkraþjálfarar. Biðst
blaðið velvirðingar á þessum mis-
tökum.
Magnea S. Hallmundsdóttir á sýn-
ingu sinni í Djúpinu.
útskrifaðist úr myndmótunardeild
M.H.I. síðastliðið vor. Þetta er
fyrsta sýning Magneu og jafn-
framt einkasýning og verður opin
daglega frá kl. 16—20 virka daga,
en frá kl. 14—22 um helgar. Sýn-
ingunni lýkur 9. nóvember.
Meistari í hjúkrunarfrædum 1945
í GREIN í sunnudagsblaði er viðtal
við fyrstu meistarana í hjúkrunar-
fræðum frá erlendum háskólum,
sem nú eru teknir til starfa hér
heima. Athygli okkar var vakin á þvi
að Þorbjörg Árnadóttir hjúkrunar-
kona frá Skútustöóum, sem fædd er
1892, hefði hlotið við háskóla í Se-
attle BS-gráðu og síðan MN-gráðu
1945 eða meistaragráðu í hjúkrun.
Þorbjörg starfaði við hjúkrun í
Bandaríkjunum, í Osló og hér
heima, var m.a. um skeið yfirhjúkr-
unarkona á Vífilsstöðum. Síðari
hluta ævinnar sneri Þorbjörg sér svo
að skriftum og liggja eftir hana mörg
rit og bækur. Hún býr nú í hárri elli
í íbúð fyrir aldraða við Dalbraut.
w | jjjjm - K ■ ■ ‘i WMHF,
I 1 j II 4 Jml ^ y 1 l T. ~ T £ WL jSM M P5f
l|i:j mh\: J
Húsnæði Rækjuvers hf. á Bíldudal.
Ljósmynd Mbl. KÖE.
Bíldudalur:
Vinna hafin í Rækjuveri
RÆKJUVER hf. á Bíldudal hóf í
gær rækjuvinnslu að nýju eftir
nokkurt hlé. Hefur húsnæði fyrir-
tækisins verið stækkað verulega
að undanförnu og verður nú hægt
að vinna bæði skel og rækju sam-
timis.
Að sögn framkvæmdastjór-
ans, Eyjólfs Þorkelssonar, hafa 8
bátar fengið leyfi til að veiða á
sjötta hundrað lestir af rækju og
munu þeir ianda hjá Rækjuveri,
en þeir hófu veiðar síðastliðinn
föstudag. Þá mun einn bátur
fara á skel í þessari viku. Sagði
hann, að þetta væri í fyrsta sinn,
sem hægt væri að vinna rækju
og skel samhliða. Sagði hann að
rækjan væri pilluð og lausfryst
og skelin yrði aðallega fryst í
blokk. Ekki væri gert ráð fyrir
fiskvinnslu í húsinu, nema í
mjög litlum mæli. Gott hljóð
væri í mönnum og væru þeír
bjartsýnir á að veiðarnar gengju
vel, enda hefðu þær farið vel af
stað.
Eyjólfur sagði ennfremur, að
mikil eftirspurn væri nú eftir
rækju, aðallega í Vestur-Þýzka-
landi, Englandi og Danmörku
svo ljóst væri að vel gengi að
selja hana en ekki hefði verið
talað um verð enn sem komið
væri. Skelin færi hins vegar öll
til Bandarikjanna og þar fengist
mjög gott verð fyrir hana og
hefði það hækkað verulega síð-
ustu mánuði.
Tillaga um að Verkfræði- og raun
vísindadeild verði skipt í tvennt
Háskólaráð samþykkti samhljóða á fundi sínum 9. september síðastliðinn
tillögu um það, að skipta Verkfræði- og raunvisindadeild í tvær aðskildar
deildir. Áður hafði deildarfundur í Verkfræði- og raunvísindadeild samþykkt
samróma tillögu þar að lútandi. Morgunblaðið spuröi Halldór Elíasson,
forseta Verkfræði- og raunvísindadeildar um helstu röksemdirnar fyrir að
skipta deildinni í tvennt.
„Það hefur lengi verið í gangi
umræða um það í deildinni, hvort
hún væri ekki óeðlilega stór. Hún er
ein stærsta deildin í háskólanum,
með 55 fasta kennara og rétt um
700 nemendur og tekur jafnframt
yfir ákaflega mörg fræðasvið.
Kennarar í verkfræði óskuðu eftir
því í vor, að þetta mál yrði tekið til
umræðu og lögðu til að deildinni
yrði skipt, þar sem að verkfræði-
skorirnar þrjár yrðu í sérstakri
deild, verkfræðideild. Það þótti ekki
ástæða til að skipta deildinni frek-
ar, þannig að gert var ráð fyrir að
hinar skorirnar fimm, stærðfræði,
eðlisfræði, efnafræði, líffræði og
jarðfræði, yrðu saman í einni deild,
raunvísindadeild.
Ástæðurnar fyrir því, að þessar
breytingar eru taldar æskilegar eru
fyrst og fremst stjórnunarlegs eðl-
is. Það er orðið dáiitið þungt í vöf-
um, þegar margir ólíkir aðilar
þurfa að koma saman á fundum til
að taka ákvarðanir um málefni
deildarinnar. Þar að auki hefur
deildin hvort eð er ekkert starfslið
til að sinna stjórnun, sem að kenn-
arnir geta snúið sér til og þeir verða
því að sjá um þetta meira og minna
sjálfir. Við höfum hér einn fulltrúa
á skrifstofu og eina skrifstofu-
stúlku, það er allur starfskraftur-
inn sem deildin hefur sérstaklega,
þó að aðalskrifstofa háskólans að-
stoði okkur eitthvað líka. Til þess
að einfalda stjofnunina og forðast
það að vera að ræða mál á fjöl-
mennum fundum margra kennara,
sem í raun og veru málið snerti lít-
ið, var fallist á það í deildinni að
skipta henni og var almenn sam-
staða um það, þó að menn hefðu
sjálfsagt eitthvað mismunandi
skoðanir á því, hvað þetta væri
mikilvæg ákvörðun og hjálpaði
okkur mikið, það á eftir að koma í
ljós.
Það er ekki fyrirhuguð í bráð
nein breyting á kennslufyrirkomu-
laginu hjá okkur. Það er veruleg
samkennsla á milli þessara tveggja
sviða, sérstaklega eru raunvísinda-
greinarnar með mjög mikla kennslu
fyrir verkfræðina. Starfslið okkar á
skrifstofu verður líklega óbreytt,
ætli við fáum nokkuö meira þó að
það þyrfti nú hvort sem við skiptum
deildinni eða ekki, þannig að
minnsta kosti í upphafi snýr þetta
fyrst og fremst að einföldun á
ákvarðanatöku, bæði um málefni
kennslunnar og ekki síst rannsókn-
anna hérna innan deildarinnar.
Framgangur þessa máls verður
síðan sá, eftir að háskólaráð er búið
að samþykkja það, að það er í hönd-
um Alþingis að gera nauðsynlegar
lagabreytingar, svo þessi tillaga
geti gengið í gegn og síðan að
menntamálaráðherra samþykki
nýja reglugerð fyrir þessar tvær
deildir", sagði Halldór Elíasson að
lokum.
Grænaborg hverfur
Þetta gamla hús á Landspítalalóð-
inni, sem hér er verið að rífa, hefur
lokið merku hlutverki sínu í sögu
Reykjavíkur. — Þarna hafa þús-
undir Reykvíkinga slitið barns-
skónum, og eiga minningar tengd-
ar bernskuárum sínum í þessu
húsi. Þetta er fyrsta dagheimilið
handa börnum, sem Barnavinafé-
lagið Sumargjöf reisti hér í
Reykjavík — sjálf Grænaborg.
Var byrjað á smíði Grænu-
borgar í maímánuði sumarið
1930. Smíði hússins gekk bæði
fljótt og vel. Var húsið fullgert
að kvöldi 25. júlí. Við Grænuborg
var jafnframt gerður leikvöllur
með skýli, sólbyrgi og leiktækj-
um fyrir börnin. Var þessi leik-
völlur hinn fyrsti á landinu bú-
inn slíkum tækjum. Veitti
bæjarsjóður til leikvallargerðar-
innar kr. 1.500. Á fyrsta starfs-
ári dvöldust alls 60 börn í
Grænuborg. Þess má geta að þar
starfaði skóli Isaks Jónssonar
um árabil. Þar hófst starfsemi
Æfingadeildar kennaraskólans.
Á þessu ári, eftir rúmlega hálf-
rar aldar þjónustu við æsku
borgarinnar var gömlu Grænu-
borg lokað. Og fyrir nokkru var
húsið selt til niðurrifs. Munu
þeir sem hið gamla góða hús
keyptu, ætla sér að reisa gömlu
Grænuborg aftur. Mun hún þá
eiga að gegna nýju hlutverki
fyrir eigendur sína. Þó húsið sé
gamalt orðið mun ekki hafa ver-
ið að finna hinn minnsta fúa í
máttarviðum þess. Nýbyggingin
sem gnæfir yfir gömlu Grænu-
borg er geðdeild Landspítalans.