Morgunblaðið - 30.10.1982, Page 3

MORGUNBLAÐIÐ, LAUGARDAGUR 30. OKTÓBER 1982
3
Viðræður ríkisstjórnar við stjórnarandstöðu:
Boðað til funda á
ný eftir helgina
Forsætisráðherra hefur boðað
formenn stjórnarandstöðuflokkanna
til viðræðufunda á ný með þriggja
manna ráðherranefndinni eftir
helgi. Kjartan Jóhannsson, formað-
ur Alþýðuflokksins, fer til fundar við
nefndina kl. 10 á mánudagsmorgun,
en Geir Hallgrímsson, formaður
Sjálfstæðisflokksins, kl. 17 á þriðju-
dag.
Á síðustu viðræðufundum for-
manna stjórnarandstöðuflokk-
anna og ráðherranna lýstu stjórn-
arandstæðingar þeim vilja sínum
að ríkisstjórnin segði af sér og
boðað yrði til nýrra kosninga.
Gunnar Thoroddsen, forsætis-
ráðherra, sagði í viðtali í Mbl. sl.
fimmtudag að ríkisstjórnin hefði
algjörlega hafnað þeirri ósk. Að-
spurður um hver umræðugrund-
völlur næstu viðræðufunda við
stjórnarandstöðuna yrði sagði
hann: „Ég vænti þess að umræður
geti haldið áfram um afgreiðslu
hinna mikilsverðustu þingmála og
um kjördag." Gunnar sagði að
mikilverðustu málin væru að hans
mati „fyrst og fremst bráða-
birgðalögin, ennfremur árleg
framlenging nokkurra tekjustofna
og stjórnarskrármálið". Þá væru
þeir einnig reiðubúnir að ræða um
hvenær kosið yrði á fyrri hluta
næsta árs.
Möstrin
fjarlægð
Athygli vegfarenda, sem leið áttu um
miðborgina í fyrradag, vakti geysi-
stór kranabifreið við hús Pósts og
síma, en þar var unnið við að taka
niður nokkur möstur á þaki hússins,
sem sett hafa svip á miðborgina síð-
ustu ár.
Að sögn Jóns Valdimarssonar tækni*
fræðings hjá Pósti og síma hafa
möstrin ekki verið notuð um nokkurn
tíma, móttaka fer nú fram í gegnum
skermana sem sjá má hér til vinstri á
myndinni. Þá var talið að flugumferð
gæti stafað hætta af möstrunum, þar
sem þau voru í beinni fluglínu á suð-
ur/ norðurbraut.
I.josm. Mbl. Kmilía.
Vatnsminnk-
un í borholum
á Siglufirði
„Það hefur borið á því að dregið
hafi niður i borholunum," sagði
Óttar Proppé, bæjarstjóri á Siglu-
firði, í samtali við Mbl., en hann var
spurður hvort vart hefði orðið við
minnkun á heitu vatni.
Óttar sagði að stefnt hefði verið
að því sl. sumar að bora nýja holu
sem yrði dýpri en hinar og tæki
vatn úr öðrum jarðlögum. Óttar
sagði að ekki hefði orðið af borun-
um, því borinn hefði tafist í
Ólafsfirði. Því hafi verið ákveðið
nýlega að fresta borunum fram til
næsta vors.
Óttar sagði að farið hefði að
bera á vatnsminnkun fyrir u.þ.b.
ári, og dælan hefði því verið sett
neðar í holuna því vatnsborðið
hefði lækkað. Það benti til þess að
tekið væri meira vatn en að-
færsluæðarnar á svæðinu gæfu.
„Ástandið hjá okkur er þannig,
að ef holan sem bora á næsta vor
skilar ekki árangri, þá þurfum við
að setjast niður í alvöru og fara að
hyggja að kyndistöð. Þá þarf að
tvöfalda kerfið," sagði Óttar.
Stykkishólmur:
Sex tonna
trilla sökk
Stykkishólmi, 29. október 1982.
MIKIÐ óveður gekk hér yfir fyrri
hluta þessarar viku, eins og víðar
á landinu. Það óhapp varð, að
tæplega sex tonna trillubátur sökk
í höfninni í Skipavík. Skemmdist
báturinn nokkuð en hann náðist
upp á ný. Eigendur bátsins eru
bræðurnir Pétur Ágústsson og Ey-
þór Ágústsson.
Að öðru leyti sluppu Hólmarar
blessunarlega vel við slys og skaða
í fárviðri þessu.
— Fréttaritari.
Lítið um
fisksölur
ÞRJÚ íslenzk fiskiskip seldu afla
sinn erlendis á miðvikudag og
fimmtudag. í næstu viku eru aðeins
fjórar sölur bókaðar og er nú mjög
að draga úr sölum vegna minnkandi
afia hér heima.
Á miðvikudag seldi Hákon ÞH
52 lestir af þorski í Hull. Heildar-
verð var 835.200 krónur, meðal-
verð 16,06. Sama dag seldi Engey
RE 309,3 lestir af karfa í Cux-
haven. Heildarverð var 3.616.600
krónur, meðalverð 11,69. Á
fimmtudag seldi Brettingur NS 92
lestir af þorski í Hull. Heildarverð
var 1.429.000 krónur, meðalverð
15,53.
BÍLASÝNING
Viö sýnum um helgina'83 árgeröirnar af hinum frábæru Suzuki bílum.
Til sýnis veröa Suzuki Fox, jeppi og pickup, Suzuki Alto, 2ja og 4ra dyra fólksbílar, Suzuki ST 90
sendiferöabíll.
Notiö tækifærið og kynniö ykkur hina lipru og sparneytnu Suzuki bíla, því hagstæðari bílakaup bjóöast
varla í dag.
Opið laugardag frá kl. 10—17. Sunnudag frá 13—17.
^ Sveinn Egilsson hf.
Skeifan 17. Sími 85100
SUZUKI