Morgunblaðið - 30.10.1982, Blaðsíða 23
MORGUNBLAÐIÐ, LAUGARDAGUR 30. OKTÓBER 1982
23
Spánverjar 1 hátíðar-
skapi eftir kosningar
Hurgos, 29. október.
Frá llelgu Jónsdóttur,
frétLaritara Morgunblaðsins.
FELIPE Gonzalez, aðalritari Sósíal-
istaflokks Spánar, beið úrslita kosn-
inganna afslappaður og rólegur á
heimili vinar i Madrid. Fyrstu at-
kvæðatölur, þótt um lítið magn væri
að ræða, birtust kl. 22.30. Þær gáfu
til kynna mikla yfirburði jafnaðar-
manna. Hægri flokkurinn, Alianza
Popular, fékk nær alls staðar næst
mest fylgi. A mörgum stöðum var
það helmingi minna en fylgi Sósíal-
istaflokksins. Jafnframt varð strax
Ijóst að Miðflokkabandalagið, hefði
beðið algjört hrun í kosningunum,
svo og kommúnistaflokkur Spánar.
Mikil eftirvænting og kátína
ríkti á götum Madridborgar eftir
að kjörstöðum hafði verið lokað kl.
20.00. Mikill mannfjöldi safnaðist
saman fyrir franian hótel þau er
stjórnmálaflokkarnir höfðu aðset-
ur. Fyrir utan hótelin hafði verið
komið fyrir risastórum sjón-
varpsskermum til þess að menn
gætu fylgst með úrslitum. Á Plaza
Mayor-torginu var útiskemmtun
haldin á vegum borgarráðs Mad-
rid. Þar dönsuðu menn, sungu,
veifuðu spænska fánanum og
hrópuðu „viva Espana" án afláts.
Hátíðahöldin náðu hámarki þegar
niðurstöður atkvæðatalningarinn-
ar voru birtar. Geysileg fagnað-
arlæti brutust út meðal stuðn-
ingsmanna Sósíalistaflokksins
fyrir framan Palace-hótelið, að-
setur flokksins, og hrópaði fólkið:
„Felipe, Felipe". Um 1.500 gestir
flokksins voru saman komnir á
hótelinu, meðal þeirra voru marg-
ir forystumenn erlendra jafnað-
armannaflokka.
Eins og við mátti búast ríkti
ekki eins mikil gleði í bækistöðv-
um Miðflokkabandalagsins. For-
ystumenn flokksins báru sig þó vel
og hringdu strax í aðalritara Sósí-
alistaflokksins til þess að óska
honum til hamingju. Þótt forsæt-
isráðherra Spánar, Leopoldo
Calvo Sotelo, hefði ekki náð kjöri
(var í 2. sæti á framboðslista
Miðflokkabandalagsins í Madrid)
sagðist hann ekki vera vonsvikinn.
Það mikilvægasta væri mjög góð
þátttaka kjósenda og að kosn-
ingarnar hefðu alls staðar farið
vel fram og að spænska þjóðin
fyndi að hún hefði fullt frelsi til
þess að velja sína forystumenn á
lýðræðislegan hátt. Landelino La-
villa, forseti Miðflokkabandalags-
ins sagði að hann hefði vissulega
búist við meira fylgi þótt flokks-
menn grunaði úrslit kosninganna.
Hann bætti því við að flokkurinn
myndi ekki hverfa af sjónarsvið-
inu í spænsku stjórnmálalífi.
Miðflokkurinn væri algjörlega
nauðsynlegur í lýðræðislegu
stjórnmálakerfi. Flokksmenn
myndu mæta djarfir til leiks í
næstu kosningum, þ.e. bæjar- og
borgarstjórnarkosningum og hér-
aðskosningum á næsta ári.
Það var mjög dauflegt um að
litast í herbúðum Kommúnista-
flokks Spánar allt kvöldið. Strax
kom í ljós að flokkurinn hefði tap-
að gífurlegu fylgi um allt land.
Eftir að úrslit um yfirburðasigur
Sósíalistaflokksins birtust, sagði
Santiago Carrillo, aðalritari
flokksins, að flokkur hans myndi
styðja stjórn jafnaðarmanna gegn
hægri mönnum. Sagði Carrillo að
hann hefði orðið fyrir miklum
vonbrigðum með útkomu síns
flokks. En kommúnistar ætluðu
ekki að gefast upp, „við tökum
strax til starfa til þess að ekkert
stöðvist", en þessi setning var ein-
mitt slagorð kommúnista í kosn-
ingabaráttunni. Adolfo Suarez,
forseti CDS, hafði vonast eftir að
flokkur hans fengi a.m.k. 3 þing-
menn, (flokkurinn fékk 2). Hann,
eins og allir aðrir forystumenn
flokkanna, sagðist gleðjast yfir
mikilli þátttöku Spánverja í kosn-
ingunum og að allt hefði farið
fram með ró og spekt.
- Alla nóttina var hátíðabragur
yfir götum Madrid. Stuðnings-
menn Sósíalistaflokksins óku um í
bifreiðum, veifuðu fánum og rós-
um og hrópuðu „viva Espana —
viva el rey — viva Felipe".
Jafnaðarmenn fengu
hreinan meirihluta
Madrid, 29. október. AP.
JAFNAÐARMENN unnu yfirburða-
sigur í þingkosningunum á Spáni á
fimmtudag, er þeir hlutu hreinan
meirihluta þingmanna í þjóðþinginu.
Hlutu þeir 46% atkvæða og 198 af
350 þingsætum þingsins. — Lýðræð-
ið og spánska þjóðin eru sigurvegar-
ar i þessum kosningum, sagði Felipe
Gonzalez, leiðtogi jafnaðarmanna,
er úrslitin voru kunn. Talið er vist,
að hann verði forsætisráðherra í
væntanlegri rikisstjórn.
Næstmest fylgi í kosningunum
hlaut flokkur hægri manna. Al-
þýðubandalagið, undir forystu
Manuels Fraga, en hann var ráð-
herra í stjórn Francos hershöfð-
ingja. Flokkur hans fékk 25% at-
kvæða og 104 þingsæti. Verður
hann aðal stjórnarandstöðuflokk-
urinn á Spáni.
Mest afhroð í kosningunum galt
miðflokkasambandið, sem nú fékk
aðeins 11 þingsæti en hafði 168
áður. Annar miðflokkurinn, flokk-
ur Adolfos Suarez, fyrrum forsæt-
isráðherra hlaut 2 þingsæti.
Kosningaúrslitin voru kommún-
istum mikil vonbrigði en þeir töp-
uðu 18 þingsætum og fengu aðeins
5 menn kjörna í stað 23 áður og
3,8% atkvæða í stað 10,8% áður.
Öfgaflokkur hægri manna „Fu-
erza Nueava", tapaði eina þing-
sætinu, sem sá flokkur hafði.
Ymsir klofningaflokkar og sér-
flokkar hlutu samtals 28 þingsæti.
Kosningaþátttakan nú var
79,5%, sem var mun meira en í
þingkosningunum 1979, en þá kusu
68%. Á kjörskrá voru nú 26,6
millj. manna.
Danski utanríkisráð-
herrann gagnrýnir
gengisfeilingu Svía
lleLsinki, 29. október. Al*.
UFFE Elleman-Jensen utanríkisráð-
herra Danmerkur gagnrýndi Svía
hart í dag fyrir 16% gengisfellingu
sænsku krónunnar fyrr i þessum
mánuði, og sagði að Svíar gætu ekki
styrkt efnahags- og atvinnulíf hjá sér
á kostnað hinna norrænu nágranna,
það væri einum of mikil eigingirni.
Elleman-Jensen lét þessi um-
mæli falla á blaðamannafundi við
lok tveggja daga opinberrar heim-
sóknar til Finnlands, fyrstu
opinberu heimsóknar ráðherrans
til annars ríkis frá því stjórnar-
skipti urðu í Danmörku í síðasta
mánuði.
Ráðherrann sagði að gengisfell-
ingin hefði verið helzta viðfangs-
efnið í viðræðum þeirra Per
Stenback utanríkisráðherra
Finna. Sagði Elleman-Jensen,.sem
er formaður ráðherranefndar
EBE, að í hefndarskyni myndu
Danir ekki reyna að koma í veg
fyrir að Efnahagsbandalagið setti
sérstaka tolla á sænskan pappír,
eins og þeir hefðu gert undir
venjulegum kringumstæðum.
Ráðamenn
æfir í garð
Varsjá, 28. oklóber. Al'.
LEIOTOGAR í Póllandi hafa brugö-
ist ókvæóa við því sem þeir nefna
„gróflegan" þrýsting vestrænna
ríkja og sögðu í dag, aö nýjustu efna-
hagsþvinganir Reagans í garö Pól-
verja yrðu einungis til þess að Pól-
verjar treystu vináttuböndin viö Sov-
étrikin enn frekar.
Einn af öðrum risu hinir 200
meðlimir miðstjórnar pólska
kommúnistaflokksins úr sætum á
fundi sínum í dag og víttu Banda-
ríkjamenn, samhliða því að þeir
hvöttu til aukinna samskipta við
Sovétmenn. Þá var Reagan borinn
þungum sökum í pólsku ríkis-
fjölmiðlunum í dag og ákvörðun
Bandarikjamanna sögð svartur
blettur á samskiptum þjóðanna.
Pólska fréttastofan PAP skýrði
í Póllandi
Reagans
frá því í dag, að þau ummæli
Reagans, að Pólverjar hefðu ekki
staðið við umsamin kaup sín á
bandarískum varningi, væru
gagnslaust yfirklór. Ætlun
Bandaríkjamanna væri einungis
að valda enn frekari röskun í
pólsku efnahagslífi.
„Iðnaður okkar stendur því mið-
ur á tímamótum," sagði sendi-
herra Pólverja í Moskvu, Stani-
slaw Kociolek, á fundi miðstjórn-
arinnar. „I sumum tilvikum er
meira að segja um afturför að
ræða. Þess vegna höfum við ekki
getað staðið við skuldbindingar
okkar." Ræða Kocioleks hefur ver-
ið túlkuð sem orðsending Sovét-
manna til pólskra yfirvalda um að
hraða viðreisn efnahags landsins.
Páfi útnefnir erkibiskup
í Miinchen og Freising
V atikaninu, 29. október. AP.
JÓHANNES Páll páfi hefur útnefnt
Friedrich Wetter fyrrum biskup af
Speyer i hiö mikilvæga biskupsemb-
ætti í Miinchen og Freising t V-Þýzka-
landi.
Wetter, sem er 54 ára, tekur við af
Joseph Ratzinger kardinála, sem lét
af störfum 15. febrúar þegar hann
var kallaður til starfa í Vatikaninu.
Múnchen og Freising er annað
stærsta biskupsdæmið í V-Þýzka-
landi, kemur næst á eftir Köln. Þar
eru 2,2 milljónir kaþólikka, sam-
kvæmt upplýsingum Vatikansins.
Páfi stendur frammi fyrir því að
fylla annað mikilvægt biskupsdæmi
eftir fráfall Giovanni Benelli kard-
inála í Flórenz, en hann lézt á
þriðjudag.
Wetter er nú líklegur til að verða
hækkaöur í tign og gerður að kard-
inála, en hið sama er að segja um
erkibiskupana í Varsjá, París, Chic-
ago og Mílanó.
Fyrrverandi kanslarar Vestur-Þýskalands, Willy Brandt og Helmut
Schmidt, ræða saman, en Vogel var að þeirra frumkvæði útnefndur
kanslaraefni sósíaldcmókrataflokksins í kosningunum í mars næst-
komandi.
De Lorean enn í fangelsi
Los Angeles, 29. október. AP.
LÖGFRÆÐINGAR Johns Z. De
Lorean vinna enn að því baki
brotnu að safna saman trygg-
ingarfé til þess að sleppa bifreiða-
hönnuðinum lausum gegn trygg-
ingu, en hann var fangelsaður
fyrir meinta eiturlyfjasölu fyrir
nokkru, fáeinum klukkustundum
eftir að bifreiðasmiðja hans var
lýst gjaldþrota.
Til stóð að lögfræðingar hans
næðu fénu saman í síðustu viku,
en það dróst vegna þess að ekki
hefur gengið eins vel að selja eigur
hans og reiknað hafði verið með.
Ýmsir pappírar sem sanna eign-
arhlut hans í húsunum hafa ekki
fundist og hefur það tafið málið.
Ódýr leðursófasett
OPIÐ í DAG FRÁ 10—5.
KM-húsgögn,
Langholtsvegi 111 Rvk.,
símar 37010 - 37144.