Morgunblaðið - 30.10.1982, Blaðsíða 20

Söfnun Landsráðs gegn krabbameini í dag:
Stefnir í eitthvert
mesta sjálfboða-
liðsátak sem um getur
MORGUNBLAÐIÐ, LAUGARDAGUR 30. OKTÓBER 1982
Markmiðið er að hjálpa þeim
við að vinna betra starf
Starfslið Krabbameinsfélags íslands. Frá vinstri: Torfi Bjarnason, læknir, Krabbameinsskrá, Guðrún Bjarna-
dóttir, deildarstjóri Krabbameinsskrá, Margrét Guðmundsdóttir, hjúkrunarfræðingur, Leitarstöð, Halldóra
Thoroddsen, framkvæmdastjóri, Jóhanna L. Viggósdóttir, frumumeinatæknir, Gunnlaugur Geirsson, yfirlæknir
Frumurannsóknastofu, Jóna Ragnarsson, ritstóri Heilbrigðismála, Sigríður Auðunsdóttir, hjúkrunarfræðingur,
Leitarstöð, Kristján Sigurðsson, settur yfirlæknir Leitarstöð, Ásbjörg Ivarsdóttir, deildarstjóri Krabbameinsfé-
lags Reykjavíkur, Steinunn Stephensen, deildar-frumumcinatæknir, L'inar Axelsson, fræðslufulltrúi, 1‘orvarður
Örnólfsson, framkvæmdastjóri Krabbameinsfélags Reykjavíkur, Guðbjörg Jónsdóttir, frumumeinatæknir,
Kolbrún Gunnarsdóttir, aðstoðarst., Leitarstöð, Rannveig Jónsdóttir, hjúkrunarfræðingur, Leitarstöð, Dr.
Snorri Ingimarsson, læknir, Krabbameinsskrá, Hrafn Tuliníus, yfirlæknir, Krabbameinsskrá, Guðlaug Guð-
mundsdóttir, deildarhjúkrunarfræðingur, Ix'itarstöð, þorbjörg Jónsdóttir, frumumeinatæknir, Kristin Gríms-
dóttir, ættfræðingur, Krabbameinsskrá, Lilja Jónsdóttir, hjúkrunarfræðingur, Leitarstöð, Guðný Kristjánsdóttir,
frumumcinatæknir, Halldóra Þorvaldsdóttir, frumumeinatæknir, Guðmundur Guttormsson, húsvörður, Guðrún
Harðardóttir, ritari, Kristin Halldórsdóttir, frumumeinatæknir, Steinunn Gunnarsdóttir, frumumeinatæknir,
Áslaug Stephensen, frumumeinatæknir, Björg Ólafsdóttir, spjaldskrárhaldari, Leitarstöð, Sigríður Soffía Jóns-
dóttir, aðstoðarstúlka, Leitarstöð, Ragnheiður Hall, læknaritari, og Sigríður Jónasdóttir, simastúlka.
Borðtennissamband fslands ætlar í dag, laugardag, að fara um á vörubíl
með borðtennisborð og sýna íþrótt sína. Mun ætlunin að minna áhorfend-
ur jafnframt á iandssöfnunina Þjóðarátak gegn krabbameini. Myndin er
af bilnum, sem Borðtennissambandið notar og af tveimur köppum að
spila borðtennis.
Ásbjörg Gunnarsdóttir og Birna Ólsen. Þær munu taka þátt I söfnuninni
á morgun.
Söfnun Landsráðs gegn krabbameini:
Það verða allir að hjálpa
til að snúa vörn í sókn
— segja tveir væntanlegir safnarar
í DAG hefst um land allt fjársöfn-
un sem Landsráð gegn krabba-
meini gengst fyrir, til byggingar á
krabbameinsleitarstöð. Fjöldi
fólks mun leggja hönd á plóginn
með einhverjum hætti, m.a. með
því að ganga í hús og safna.
Mbl. náði tali af tveimur konum
sem ætla að taka þátt í söfnuninni,
þeim Ásbjörgu Gunnarsdóttur,
leikfímikennara, og Birnu Ólsen,
röntgenhjúkrunarkonu. Þetta var
um sexleytið í gær í leikfimisal
Laugarnesskóla þar sem þær
stunduðu hollar líkamsæfingar
ásamt öðru góðu fólki, en Ásbjörg
kennir þar fullorðinsleikfimi.
— Hvert verður ykkar hlut-
verk á laugardaginn?
„Ja, við munum taka þátt í
fjársöfnuninni; væntanlega
ganga í hús og safna. Annars á
að vera fundur í kvöld um það
hvernig verkaskiptingu verður
háttað og þá skýrist málið betur.
En sennilega verður það svo að
hver maður fær það verkefni að
ganga í 25 hús eða íbúðir."
— Hvers vegna hafið þið
ákveðið að taka þátt í þessari
söfnun? Er það af hugsjón, ef
svo má segja?
„Já, að vissu leyti. Þetta er
brýnt verkefni sem verið er að
vinna að og hlutur sem varðar
alla landsmenn. Það er ekki
hægt að loka augunum fyrir því
að krabbamein er einn skæðasti
sjúkdómur sem herjar á menn,
og því er nauðsynlegt að taka á
þessu vandamáli eins föstum
tökum og mögulegt er. Og til-
koma nýrrar og fullkominnar
leitarstöðvar mundi að sjálf-
sögðu vera stórt skref fram á við
í baráttunni við þennan ógnvald
hér á landi. Og við viljum ein-
faldlega leggja okkar af mörkun-
um til að þessi leitarstöð komist
á laggirnar."
— Nú vinnið þið báðar að
heilsufarsmálum, hvor á sína
vísu; finnst ykkur málið e.t.v.
skylt þess vegna? Birna?
„Auðvitað er málið mér skylt.
Ég vinn jú á krabbameinsdeild.
En það skiptir ekki sköpum um
það að ég tek þátt í þessari söfn-
un. Mér finnst það skylda okkar
allra að hjálpa til á einhvern
hátt. Því í rauninni er krabba-
mein öllum mönnum skylt. Það
er varla til sú fjölskylda sem
ekki hefur einhvern tíma orðið
fyrir barðinu á þessum mein-
valdi."
— Hvað segir þú Ásbjörg?
„Ég hef alla tíð haft mikinn
áhuga á heilsugæslu af hvaða
tagi sem er, og því er þessi fjár-
söfnun hlutur sem ég hlýt að
láta mig varða. En ég er sam-
mála Birnu í því að krabbamein
er ekki eitthvað persónulegt
óhapp fárra manna. Þetta er
sameiginlegt vandamál okkar
allra.“
— Hafiði trú á því að fólk taki
ykkur vel á laugardaginn?
„Já, svo sannarlega. Fólk gerir
sér almennt grein fyrir þörfinni
á því að gera átak gegn krabba-
meini, og það mun ekki láta sitt
eftir liggja. Það verða allir að
hjálpa til að snúa vörn í sókn.“
— segir Eggert
Ásgeirsson
í dag gengst Landsráð gegn
krabbamcini fyrir fjársöfnun um
land allt. Sjálfboðaliðar munu
ganga í hús og taka við frjálsum
framlögum. Mbl. hafði samband
við Kggert Ásgeirsson, formann
framkvæmdanefndar Landsráðs
gegn krabbameini, og innti hann
eftir því hvernig undirbúningur
þjóðarátaksins hefði gengið.
„Undirbúningurinn hefur
gengið mjög vel og stefnir allt í
það að þetta verði eitthvert
mcsta sjálfboðaliðsátak sem
efnt hefur verið til. YUir 50 um-
dæmisráð eru starfandi og á
þeirra vegum svæðisnefndir með
söfnunarfulltrúa. Alls eru þetta
um 4.000 manns.
Auk þeirra leggur fjöldi
manns fram í sjálfboðavinnu í
bönkum og á auglýsingastofum.
Allir þeir sem verða gestir í
sjónvarpinu munu gefa sína
vinnu. Óg þannig má lengi telja.
Það er ótrúlegt hve hart menn
leggja sig fram við undirbúning
málsins."
— Þú talar um gesti í sjón-
varpinu. Hvað stendur til?
„Sjónvarpið verður með
klukkutíma þátt í kvöld um
söfnunina og krabbameinsmál-
efni almennt. Það verður á milli
kl. 10.30 og 11.30. í þessum þætti
verða niðurstöður söfnunarinn-
Kggert Ásgeirsson
ar kynntar, en það er stefnt að
því að það liggi fyrir í kvöld hve
mikið hefur safnast.
Þetta finnst mér mjög mikil-
vægt. Yfirleitt fær fólk aldrei að
vita hvernig söfnun hefur tekist,
og oft liggur það reyndar ekki á
borðinu fyrr en löngu eftir að
söfnun hefur farið fram. En í
kvöld á þetta að vera ljóst,
þannig að almenningur viti
hvernig til hefur tekist og ráða-
menn hvar þeir standa."
— Hafa þegar borist
höfðinglegar gjafir?
„Já, já, okkur eru alltaf að
berast fréttir af fjárframlögum,
sumum mjög höfðinglegum.
Oddfellow-reglan hefur t.d. gef-
ið fyrirheit um 300.000 kr. og
Síldar- og fiskimjölsverksmiðj-
an sendi okkur 100.000 kr. og
margt fleira mætti nefna. Við
heyrðum af lífeyrisþega, sem
ætlar að gefa mánaðarlaunin
sín, og læknir einn hefur í
hyggju að gefa stóran hluta
mánaðarlauna sinna".
— Hvað þarf raunverulega að
safnast mikið fé til að hægt sé
að hefjast handa um byggingu
leitarstöðvarinnar?
„Okkur næstum því sundlaði
þegar við sáum að fjárþörfin er '
15 milljónir króna, eða nálægt
70 kr. á sérhvert mannsbarn. En
eftir viðbrögðum fólks sýnist
okkur ljóst að þetta muni tak-
ast. Að sjálfsögðu geta ekki allir
gefið mikið. Aðalatriðið er að
þeir verði með, þannig að hver
maður í landinu eigi einhvern
hlut í leitarstöðinni."
— Þú ert ansi viss um góðar
undirtektir landsmanna.
„Já, mér sýnist af viðbrögðum
manna að margir séu beinlínis
fegnir að fá tækifæri til að
leggja fram sinn skerf til þessa
merkilega málefnis. Allir hafa
einhver kynni af erfiðleikum í
kjölfar sjúkdómsins sem hér er
spornað við. öll vitum við að
hann á með einhverjum hætti
eftir að koma inn í okkar líf, og
því viljum við veita þessu mál-
efni þann stuðning sem við get-
um.“